ವಿಲ್ಸ್ ಫ್ಯಾಶನ್ ವೀಕ್ 2014 ಭರ್ಜರಿಯಾಗಿ ಆರಂಭ!

ಹೆಚ್ಚು ಕಾತರದಿಂದ ಕಾಯುತ್ತಿದ್ದ ವಿಲ್ಸ್ ಇಂಡಿಯನ್ ಫ್ಯಾಶನ್ ವೀಕ್ 2014 ಭರ್ಜರಿಯಾಗಿ ಆರಂಭಗೊಂಡಿದೆ. ಜನಪ್ರಿಯ ವಿನ್ಯಾಸಕಾರ ತರುಣ್ ತಹಿಲಾನಿ ಡಬ್ಲ್ಯುಐಎಫ್‌ಡಬ್ಲ್ಯೂ 2014 ಅನ್ನು ತಮ್ಮ ರಾಜವೈಭೋಗದ ಅದ್ಭುತ ಸಂಗ್ರಹದೊಂದಿಗೆ ತೆರೆದಿದ್ದಾರೆ.

ವಿವಿಧ ವಿನ್ಯಾಸದ ನೆಕ್ಲೇಸ್‌ಗಳು, ಏಳು ತಂತಿಯುಳ್ಳ ಹಾರ, ಮುಗಲ್ ಆಭರಣ, ದೇವಾಲಯದ ಆಭರಣ ಮುಂತಾದ ಸಂಗ್ರಹಗಳು ಕಣ್ಮನ ಸೆಳೆದಿವೆ. ಸೊಂಟದ ಪಟ್ಟಿಯುಳ್ಳ ಸೀರೆಗಳು, ಧೋತಿ ಪ್ಯಾಂಟ್‌ಗಳು, ಪ್ರಿಂಟೆಡ್ ಜಾಕೆಟ್‌ಗಳು, ಲುಂಗಿ ಸ್ಕರ್ಟ್‌ಗಳು ಹೀಗೆ ವಿವಿಧ ಸಂಗ್ರಹಗಳು ತಹಿಲಾನಿಯವರ ಚಳಿಗಾಲದ ಸಂಗ್ರಹಣೆಯಾದ ವಿಲ್ಸ್ ಇಂಡಿಯಾ ಫ್ಯಾಶನ್ ವೀಕ್ 2014 ರ ರಾಂಪ್‌ನಲ್ಲಿ ಕಂಡುಬಂದವು.
ಇನ್ನಷ್ಟು ಫೋಟೊ ಗ್ಯಾಲರಿಗಾಗಿ ಈ ಲಿಂಕ್ ಕ್ಲಿಕ್ ಮಾಡಿ: ಶಿಲ್ಪಾ ಶೆಟ್ಟಿ ಅವರ ಫೋಟೊ ಗ್ಯಾಲರಿ

ಕಪ್ಪು ಮತ್ತು ಬಿಳಿಯಲ್ಲದೆ, ಪಚ್ಚೆ, ಮಾಣಿಕ್ಯ, ನೀಲಮಣಿ ಮತ್ತು ತುಕ್ಕಿನ ಗಾಢವಾದ ಛಾಯೆಗಳನ್ನು ಅವರ ಸಂಗ್ರಹದಲ್ಲಿ ಬಳಸಲಾಗಿದೆ. ರಾಂಪ್‌ನಲ್ಲಿ ವಿವಿಧ ಬಣ್ಣಗಳ ಸಿಲ್ಕ್ ಡ್ರಾಪ್‌ಗಳ ವೈಭವವೇ ನಡೆಯಿತು ಎಂದೂ ಕೂಡ ಹೇಳಬಹುದು.

ಸೆಟ್ ಅಪ್ ಅಂತೂ ಅದಭುತವಾಗಿದ್ದು ಕ್ಲಾಸಿ ನೋಟದೊಂದಿಗೆ ಮೇಳೈಸಿತ್ತು. ಓಪನಿಂಗ್‌ಗಾಗಿ ಅದ್ಭುತವಾದ ವೇದಿಕೆಯನ್ನು ನಿರ್ಮಿಸಲಾಗಿತ್ತು. ಪಚ್ಚೆ, ಹಸಿರು, ಕೆಂಪು, ತುಕ್ಕು ಮತ್ತು ಗೋಲ್ಡನ್ ಬಣ್ಣಗಳಿಗೆ ಕಪ್ಪು ಬಣ್ಣವನ್ನು ಬದಲಾಯಿಸಲಾಯಿತು.

ಓಪನಿಂಗ್ ಶೋವನ್ನು ಸೆಲೆಬ್ರಿಟಿಗಳ ಮೂಲಕ ಅದ್ಭುತವಾಗಿ ಉದ್ಘಾಟಿಸಲಾಯಿತು. ಸುಂದರಿ ಶಿಲ್ಪಾ ಶೆಟ್ಟಿ ಸೆಕ್ಸಿ ಬ್ರೈಡ್ ಧಿರಿಸಿನಲ್ಲಿ ತರುಣ್ ತಿಹಲಾನಿಗಾಗಿ ಸುಂದರವಾಗಿ ಕಂಡುಬಂದಿದ್ದಾರೆ.

ಬಹು ಬಣ್ಣದ ಲೆಹೆಂಗಾ ಸ್ಕರ್ಟ್‌ನೊಂದಿಗೆ ಕ್ರಾಪ್ ಬ್ಲೌಸ್ ಅನ್ನು ಶಿಲ್ಪಾ ಧರಿಸಿದ್ದರು. ತನ್ನ ಮುಂಬರುವ ಚಿತ್ರವಾದ ಡಿಶ್ಕ್ಯೂನ ಸಹ ನಟರಾದ ಹರ್ಮನ್ ಬವೇಜಾ ಮತ್ತು ಆಯೆಶಾ ಖನ್ನಾನೊಂದಿಗೆ ರಾಂಪ್‌ನಲ್ಲಿ ಶಿಲ್ಪಾ ಹೆಜ್ಜೆಹಾಕಿದರು.