ಕೌನ್ ಬನೇಗಾ ಕರೋಡ್‌ಪತಿಯಲ್ಲಿ ಮಿಂಚಿದ ದಬಾಂಗ್ ಸುಂದರಿ!

ಹೆಚ್ಚು ಆಕರ್ಷಕ ಮತ್ತು ಮಾರ್ಪಡಿತ ರೂಪದ ಸೋನಾಕ್ಷಿ ಸಿನ್ಹಾ ಅರನ್ನು ನೋಡುವ ಸಮಯ ಇದೀಗ ಒದಗಿ ಬಂದಿದೆ. ಕೌನ್ ಬನೇಗಾ ಕರೋಡ್ ಪತಿ ಕಾರ್ಯಕ್ರಮದಲ್ಲಿ ಅಜಯ್ ದೇವ್‌ಗನ್ ಜೊತೆ ಕಾಣಿಸಿಕೊಂಡ ಈ ಚೆಲುವೆ ನೋಡುಗರನ್ನು ನಿಬ್ಬೆರಗಾಗಿಸಿದ್ದು ಸುಳ್ಳಲ್ಲ. ಕಪ್ಪು ಕಾರ್ಪೊರೇಟ್ ಸೂಟ್‌ನಲ್ಲಿ ಮನಸೆಳೆದ ಸೋನಾಕ್ಷಿ ತಮ್ಮ ಮುಂಬರಲಿರುವ ಚಿತ್ರ ಆಕ್ಷನ್ ಜಾಕ್ಸನ್ ಪ್ರಚಾರ ಕಾರ್ಯಕ್ರಮದಲ್ಲಿ ತಮ್ಮನ್ನು ಸಂಪೂರ್ಣವಾಗಿ ತೊಡಗಿಸಿಕೊಂಡಂತಿದ್ದರು.

ಹೆಚ್ಚಿನ ತೂಕವನ್ನು ಕಳೆದುಕೊಂಡು ಸಪೂರ ಮೈಮಾಟದಲ್ಲಿ ಮಿಂಚಿರುವ ಸೋನಾಕ್ಷಿ ತಮ್ಮ ಹೊಸ ಚಿತ್ರಕ್ಕಾಗಿ ಕೂದಲಿನ ವಿನ್ಯಾಸವನ್ನು ಕೂಡ ಮಾರ್ಪಡಿಸಿಕೊಂಡಿದ್ದಾರೆ. ಕಪ್ಪು ಬಣ್ಣದ ಜಾರಾ ಸೂಟ್‌ನಲ್ಲಿ ಬೋಲ್ಡ್ ಮತ್ತು ಸೆಕ್ಸಿಯಾಗಿದ್ದ ಸೋನಾಕ್ಷಿ ತಮ್ಮ ಹೊಸ ಇಮೇಜಿನಿಂದ ನಿಜಕ್ಕೂ ಮೋಡಿ ಮಾಡುವಂತಿದ್ದರು. ತಾವು ಧರಿಸಿಕೊಂಡಿದ್ದ ಜಂಪ್ ಸೂಟ್ ಸರಳವಾಗಿದ್ದರೂ ಸೋನಾಕ್ಷಿಗೆ ಅದು ಆಧುನಿಕ ನೋಟವನ್ನು ನೀಡಿತ್ತು.

ಹೆಚ್ಚಿನ ಕಾರ್ಯಕ್ರಮಗಳಲ್ಲಿ ಜಂಪ್ ಸೂಟ್ ಧರಿಸಿಕೊಂಡಿರುವ ಸೋನಾಕ್ಷಿ ಇದೇ ಮೊದಲ ಬಾರಿಗೆ ಕಪ್ಪು ಬಣ್ಣದ ಸೂಟ್‌ನಲ್ಲಿ ಆಕರ್ಷಕರಾಗಿದ್ದಾರೆ. ಇನ್ನು ತಮ್ಮ ಹೊಸ ಕೇಶವಿನ್ಯಾಸದಲ್ಲಿ ವಿಭಿನ್ನವಾಗಿರುವ ಸೋನಾಕ್ಷಿ ಚಿತ್ರದಲ್ಲಿ ತಮ್ಮ ಪಾತ್ರಕ್ಕಾಗಿ ಈ ಸ್ಟೈಲ್ ಅನ್ನು ಆಯ್ದುಕೊಂಡಿದ್ದಾರೋ ಎಂಬುದು ಕುತೂಹಲಕ್ಕೆ ಕಾರಣವಾಗಿದೆ. ಏಕ್ ವಿಲನ್ ಯಶಸ್ಸಿನಲ್ಲಿ ಭಾಗಿಯಾದ ಸೋನಾಕ್ಷಿಯ ಮನಸೆಳೆಯುವ ನೋಟ

ಇನ್ನು ಸೋನಾಕ್ಷಿಯ ಮೇಕಪ್ ವಿಷಯಕ್ಕೆ ಬಂದಾಗ ಸರಳ ಮೇಕಪ್ ಅನ್ನು ಆಕೆ ಆಯ್ಕೆಮಾಡಿಕೊಂಡಿರುವುದು ಹೆಚ್ಚು ಗಮನ ಸೆಳೆದ ಅಂಶವಾಗಿದೆ. ಇನ್ನು ಸೋನಾಕ್ಷಿಯೊಂದಿಗೆ ಅಜಯ್ ದೇವಗನ್ ಕೂಡ ಬಂದಿದ್ದು ಕಾರ್ಯಕ್ರಮದ ಕಳೆಯನ್ನು ಹೆಚ್ಚಿಸಿತ್ತು. ನೇವಿ ಬ್ಲೂ ಬಣ್ಣದ ಸೂಟ್‌ನಲ್ಲಿ ಅಜಯ್ ಮೋಡಿ ಮಾಡುವ ನೋಟದಲ್ಲಿ ಮಿಂಚಿದ್ದರೆ ಸೋನಾಕ್ಷಿಗೆ ಸೂಕ್ತ ಜೋಡಿ ಎಂದೆನಿಸಿದ್ದರು.

ಇನ್ನು ಹೊಸ ಕೇಶ ವಿನ್ಯಾಸ ಮತ್ತು ಹೊಸ ಮಾದರಿಯ ದಿರಿಸಿನಲ್ಲಿ ಮನವನ್ನು ಕದಿಯುವಂತಿದ್ದ ಸೋನಾಕ್ಷಿಯ ನೋಟವಂತೂ ಮರೆಯದಂತೆ ಮಾಡಿತ್ತು. ಸರಳ ಮೇಕಪ್ ಮತ್ತು ಆಕರ್ಷಕ ನಗುವಿನಿಂದ ನೆರೆದವರ ಮನದಲ್ಲಿ ಕಿಚ್ಚನ್ನು ಹೊತ್ತಿಸುವಂತಿದ್ದ ದಬಾಂಗ್ ಸುಂದರಿ ನಿಜಕ್ಕೂ ದಂತದ ಬೊಂಬೆಯಂತೆ ಕಣ್ಮನ ಸೆಳೆಯುವಂತ್ತಿದ್ದರು. More pics click here