ಫಿಲ್ಮ್‌ಫೇರ್ 2014 ರಲ್ಲಿ ಮೆಚ್ಚುಗೆಗೆ ಪಾತ್ರವಾದ ಉಡುಗೆಗಳು

ಪ್ರಿಯಾಂಕ ಚೋಪ್ರಾ

ಬ್ಲಾಕ್ ಫಿಲ್ಮ್‌ಫೇರ್ ಲೇಡಿಗಿಂತಲೂ ಅತ್ಯದ್ಭುತವಾಗಿ ಪ್ರಿಯಾಂಕ ಚೋಪ್ರಾ ತಾವು ಧರಿಸಿದ ಕಪ್ಪು ಬಣ್ಣದ ಗೌನ್‌ನಲ್ಲಿ ಕಂಡುಬಂದರು. ಪೆಪ್ಲಂ ಸ್ಟೈಲ್ ಅಲೆಕ್ಸಾಂಡರ್ ಮೆಕ್ವೀನ್ ಗೌನ್‌ನಲ್ಲಿ ಪ್ರಿಯಾಂಕ ಚಿಕ್ ಆಗಿ ಕಾಣುತ್ತಿದ್ದರು.

ದೀಪಿಕಾ ಪಡುಕೋಣೆ

ಈ ವರ್ಷ ಎಲ್ಲರ ಗಮನವನ್ನು ಹೆಚ್ಚು ಸೆಳೆದವರು ದೀಪಿಕಾ ಪಡುಕೋಣೆ ಎಂದರೆ ತಪ್ಪಲ್ಲ. ತಮ್ಮ ಅದ್ಭುತಾ ನಟನೆಯಿಂದ ಕಲಾರಸಿಕರ ಮನಗೆದ್ದ ಚೆಲುವೆ ಸ್ಟೈಲ್‌ನಲ್ಲಿ ಫ್ಯಾಶನ್‌ನಲ್ಲಿ ಕೂಡ ಹಿಂದೆಬಿದ್ದಿಲ್ಲ. ಹೊಳೆಯುವ ಗೋಲ್ಡನ್ ಶೀರ್ ಗೌನ್‌ನಲ್ಲಿ ದೀಪಿಕಾ ನೆರೆದಿದ್ದವರ ಮನಸೂರೆಗೊಂಡರು.

ಕರಿಷ್ಮಾ ಕಪೂರ್

ಫಿಲ್ಮ್‌ಫೇರ್ 2014 ರ ರೆಡ್ ಕಾರ್ಪೆಟ್‌ನಲ್ಲಿ ತಮ್ಮ ಸುಂದರ ಧಿರಿಸಿನೊಂದಿಗೆ ಪ್ರೇಕ್ಷರನ್ನು ಮಂತ್ರಮುಗ್ಧಗೊಳಿಸಿದವರು ಕರೀಷ್ಮಾ ಕಪೂರ್. ಚಾಕಲೇಟ್ ಬಣ್ಣದ ಸ್ಯಾರೀ ಗೌನ್‌ನಲ್ಲಿ ಫುಲ್ ಸ್ಲೀವ್ ಜಾಕೆಟ್‌ನೊಂದಿಗೆ ತಮ್ಮ ಉಡುಗೆಯನ್ನು ಕರೀಷ್ಮಾ ಪೂರ್ಣಗೊಳಿಸಿದರು.

ವಾಣಿ ಕಪೂರ್

ನೇರಳೆ ಬಣ್ಣದ ನಿಕಿಲ್ ಥಾಂಪಿ ವಿನ್ಯಾಸದ ತೊಡೆಯವರೆಗೆ ಸ್ಲಿಟ್ ಹೊಂದಿರುವ ಗೌನ್‌ನಲ್ಲಿ ವಾಣಿ ಕಪೂರ್ ಸುಂದರಿಯಾಗಿದ್ದರು.

ಸೋಫಿ ಚೌಧುರಿ

ಸ್ಟ್ರಾಪ್‌ಲೆಸ್ ಪೆಪ್ಲಮ್ ಸ್ಟೈಲ್ ಬಿಸಿಬಿಜಿ ಕೆಂಪು ಬಣ್ಣದ ಗೌನ್ ರೆಡ್ ಕಾರ್ಪೆಟ್‌ ಸಮಾರಂಭದಲ್ಲಿ ಸೋಫಿಯನ್ನಲಂಕರಿಸಿತ್ತು. ಗೌನ್‌ನ ನೆಕ್ ವಿನ್ಯಾಸ ಕಣ್ಸೆಳೆಯುವಂತಿತ್ತು.

ಶ್ರುತಿ ಹಾಸನ್

ಕಪ್ಪು ಬಣ್ಣದ ಹೈ ನೆಕ್‌ಲೈನ್ ಪ್ಲೇನ್ ಗೌನ್‌ನಲ್ಲಿ ಶ್ರುತಿ ಹಾಸನ್ ಹಾಟ್ ಆಗಿ ಕಂಡುಬಂದರು.

.ತಮನ್ನಾ ಭಾಟಿಯಾ

ರೆಡ್ ಕಾರ್ಪೆಟ್ 2014 ರ ಫಿಲ್ಮ್‌ಫೇರ್ ಅವಾರ್ಡ್ಸ್‌ನಲ್ಲಿ ಗೌರಿ ಹಾಗೂ ನೈನಿಕಾ ವಿನ್ಯಾಸದ ಕೆಂಪು ಗೌನ್ ಅನ್ನು ತಮನ್ನಾ ಭಾಟಿಯಾ ತಮ್ಮ ಸ್ಟೈಲೀ ಲುಕ್‌ಗಾಗಿ ಬಳಸಿಕೊಂಡಿದ್ದರು.

ಸೋಹಾ ಆಲೀ ಖಾನ್

ಕೆನ್ ಫೆರ್ನ್ಸ್ ವಿನ್ಯಾಸದ ಗೌನ್‌ನಲ್ಲಿ ಸೋಹಾ ಮನಮೋಹಕವಾಗಿದ್ದರು. ತಮ್ಮ ಸ್ಟ್ರೈಟ್ ಮಾಡಿದ ಕೂದಲು ಸೋಹಾ ಧರಿಸಿದ ಗೌನ್‌ಗೆ ಸರಿಸಾಟಿಯಾಗುವಂತಿದೆ.

ಇಲಿಯಾನಾ ಡಿಕ್ರೂಸ್

ರೆಡ್ ಕಾರ್ಪೆಟ್‌ನಲ್ಲಿ ತಮ್ಮ ಕಪ್ಪು ಬಣ್ಣದ ಲೇಸ್ ಗೌನ್‌ನಲ್ಲಿ ಇಲಿಯಾನಾ ಕ್ಲಾಸಿಯಾಗಿ ಕಂಡುಬಂದರು.ಆಕೆಯ ಹಿಂದಿನ ಫಿಲ್ಮ್‌ಫೇರ್ ಉಡುಗೆಯಾದ ಹೊಳೆಯುವ ರೊಬಾರ್ಟೊ ಕವಾಲ್ಲಿ ಗೌನ್‌ಗೆ ಈ ಕಪ್ಪು ಗೌನ್ ಅನ್ನು ಹೋಲಿಸಿದರೆ 2014 ರ ಕಪ್ಪು ವರ್ಣದ ಲೇಸ್ ಗೌನ್ ಇಲಿಯಾನಾಗೆ ಚೆನ್ನಾಗಿ ಒಪ್ಪುತ್ತಿದೆ.

ಅದಿತಿ ರಾವ್ ಹೈದಾರಿ

ಸಿಲ್ವರ್ ಬಣ್ಣದ ಹೊಳೆಯುವ ಸೀಕ್ವಿನ್ನ್‌ಡ್ ಗೌರವ್ ಗುಪ್ತಾ ವಿನ್ಯಾಸದ ಗೌನ್‌ನಲ್ಲಿ ಅದಿತಿ ಅಪ್ಸರೆಯಾಗಿ ಕಂಡುಬಂದಿದ್ದಾರೆ. ಈ ಗೌನ್ ಅನ್ನು ಐಬಿಎಫ್‌ಡಬ್ಲೂ 2013 ರಲ್ಲಿ ಪ್ರದರ್ಶಿಸಲಾಗಿತ್ತು.

ಪ್ರಾಚೀ ದೇಸಾಯಿ

ಫಿಲ್ಮ್‌ಫೇರ್ 2014 ರ ರೆಡ್ ಕಾರ್ಪೆಟ್ ಅನ್ನು ಪ್ರಾಚೀ ಬೋಲ್ಡ್ ಆಗಿ ನಿರ್ವಹಿಸಿರುವಂತೆ ಕಂಡುಬರುತ್ತಿದೆ. ಪೀಚ್ ಕಲರ್‌ನ ದೇಹದ ಸುತ್ತಲೂ ಆವೃತವಾಗಿರುವ ತೊಡೆಯವರೆಗೆ ಸ್ಲಿಟ್ ಅನ್ನು ಹೊಂದಿರುವ ಗೌನ್ ಅನ್ನು ಧರಿಸಿರುವ ಪ್ರಾಚೀ ರೆಡ್ ‌ಕಾರ್ಪೆಟ್‍‌ಗೆ ಇನ್ನಷ್ಟು ಸೌಂದರ್ಯವನ್ನು ಉಣಬಡಿಸಿದ್ದಾರೆ. ಆಕೆಯ ನೀಳ ಕಾಲುಗಳು ಗೌನ್‌ನಿಂದ ತೋರಿರುವುದು ಸುಂದರವಾಗಿದೆ.

ಅಮೃತಾ ರಾವ್

ನ್ಯೂಡ್ ಕಲರ್‌ನ ಪಾಯಲ್ ಸಿಂಗಾಲ್ ಸೀರೆಯಲ್ಲಿ ಅಮೃತಾ ದೇಸೀ ಹಾಗೂ ಸಾಂಪ್ರದಾಯಿಕವಾಗಿ ಕಂಡುಬಂದಿದ್ದಾರೆ. ಕಪ್ಪು ಬಣ್ಣದ ಗೋಲ್ಡನ್ ವಿನ್ಯಾಸದ ಕುಪ್ಪಸವನ್ನು ಮ್ಯಾಚಿಂಗ್ ಆಗಿ ಧರಿಸಿರುವ ಅಮೃತಾ ಅತ್ಯಾಕರ್ಷಕವಾಗಿ ಕಂಡುಬರುತ್ತಿದ್ದಾರೆ.