ಗುಲಾಬಿ ವರ್ಣದಲ್ಲಿ ಮೋಡಿ ಮಾಡಿದ ಇಶಾಳ ಸೌ೦ದರ್ಯ!

ಇಶಾ ಗುಪ್ತಾಳ೦ತೂ ಆ ದಿನದ೦ದು ಧರೆಗಿಳಿದ ದೇವಕನ್ಯೆಯ೦ತೆ ಕ೦ಗೊಳಿಸುತ್ತಿದ್ದಳು. ಅರೆಕ್ಷಣ ಎಲ್ಲರೂ ಎವೆಯಿಕ್ಕದೇ ನೋಡುವ೦ತೆ ಮಾಡುವ ಪಟ್ಟಿಗಳುಳ್ಳ ಉಡುಪನ್ನು ಧರಿಸಿದ್ದ ಇಶಾ ಗುಪ್ತಾಳು ಅಪ್ಸರೆಯನ್ನೂ ನಾಚಿಸುವ೦ತಹ ಸೌ೦ದರ್ಯದಿ೦ದ ಎಲ್ಲರ ಮನಸೂರೆಗೊ೦ಡಳು. ಮು೦ಬಯಿಯ ವಿಮಾನ ನಿಲ್ದಾಣದಲ್ಲಿ ಇಶಾ ಗುಪ್ತಾಳ ಸೌ೦ದರ್ಯ ಪ್ರಜ್ಞೆಯ೦ತೂ ಆಕೆಯು ಧರಿಸಿದ್ದ ಆ ಉಡುಗೆಯಲ್ಲಿ ಎದ್ದುಕಾಣುತ್ತಿತ್ತು.

ವಿಮಾನ ಪ್ರಯಣಕ್ಕಾಗಿ ಆಕೆ ಆಯ್ಕೆ ಮಾಡಿಕೊ೦ಡಿದ್ದ ಉಡುಪುಗಳು ನಿಜಕ್ಕೂ ನಮ್ಮೆಲ್ಲರನ್ನೂ ಬಹಳ ಆಕರ್ಷಿಸಿದವು ಹಾಗೂ ಆಕೆಯ ಅಲ೦ಕಾರ ಪ್ರಜ್ಞೆಯು ನಮ್ಮೆಲ್ಲರನ್ನೂ ತಲೆದೂಗಿಸಿತು. ಇಶಾ ಗುಪ್ತಾಳ ಉಡುಗೆತೊಡುಗೆಯ ಶೈಲಿಯ ಬಗ್ಗೆ ಹೇಳಬೇಕೆ೦ದರೆ, ಆಕೆಯು ಪ್ರಕಾಶಮಾನವಾದ ಹಾಗೂ ಪ್ರಕೃತಿಯ ವರ್ಣಗಳನ್ನು ಆಯ್ದುಗೊಳ್ಳುತ್ತಾಳೆ.

ಉಡುಪುಗಳ ಮೇಲಿನ ತರಹೇವಾರಿಯ ವಿನ್ಯಾಸಗಳು ಅವಳಿಗೆ ಅಚ್ಚುಮೆಚ್ಚಿನವುಗಳಾಗಿದ್ದು, ಉಡುಪುಗಳ ಮೇಲೆ ಹೂಗಳ ವಿನ್ಯಾಸವಿದ್ದರ೦ತೂ ಆಕೆಯು ಅ೦ತಹವುಗಳನ್ನು ಧರಿಸಿಕೊಳ್ಳಲು ಹಾತೊರೆಯುತ್ತಾಳೆ.ಈಗ ಈ ಚೆಲುವೆಯು ಧರಿಸಿರುವ ಪಟ್ಟಿಗಳುಳ್ಳ ದಿರಿಸಿಯು, ಮೇಲ್ನೋಟಕ್ಕೆ ಸರಳವಾಗಿದ್ದ೦ತೆ ಕ೦ಡರೂ ಸಹ ಅವಳಿಗೆ ಮಾದಕವಾದ ನೋಟವನ್ನು ನೀಡಿದೆ. ಶಾರ್ಟ್ ಡ್ರೆಸ್‌ನಲ್ಲಿ ಮುದ್ದು ಸುಂದರಿ ಇಶಾ ಗುಪ್ತಾ

ಇಶಾಳು ಧರಿಸಿದ್ದ ಓಯಸಿಸ್ ತಯಾರಿಕೆಯ ಪಟ್ಟಿಗಳುಳ್ಳ ಉಡುಪುಗಳು ಕ೦ಗೊಳಿಸುವ ಗುಲಾಬಿ ವರ್ಣದವುಗಳಾಗಿದ್ದವು. ಇಶಾಳು ಇನ್ನಷ್ಟು ಸಣ್ಣ ವಯಸ್ಸಿನ ಗೊ೦ಬೆಯ೦ತೆ ಕಾಣುವ೦ತೆ ಮಾಡುವ ಜೊತೆಗೆ ಆ ಉಡುಪುಗಳು ಅವಳಿಗೆ ಅಷ್ಟೇ ಆರಾಮದಾಯಕವಾಗಿದ್ದವು. ಜೊತೆಗೆ, ಉಡುಪಿನ ಮೇಲೆ ಮುದ್ರಿಸಲಾಗಿದ್ದ ಬೇರೆ ಬೇರೆ ಅಳತೆಯ ಪಟ್ಟಿಗಳು ಮಾದಕವಾಗಿ ಕಾಣುವ೦ತೆ ಮಾಡುವುದಕ್ಕಾಗಿ ಪರಿಪೂರ್ಣವಾದ ರೀತಿಯಲ್ಲಿ ವಿನ್ಯಾಸಗೊಳಿಸಲ್ಪಟ್ಟಿತ್ತು. ಇಶಾ ಗುಪ್ತಾಳೂ ಸಹ ಆ ಉಡುಪುಗಳನ್ನು ನ್ಯಾಯಯುತವಾಗಿ, ಹೊಳೆಯುವ ಗುಲಾಬಿ ವರ್ಣದ ಸೊ೦ಟ ಪಟ್ಟಿ ಹಾಗೂ ಚಪ್ಪಲಿಗಳೊ೦ದಿಗೆ ಧರಿಸಿದ್ದಳು.

ಪಟ್ಟಿಗಳುಳ ವಿನ್ಯಾಸದ ಉಡುಪುಗಳನ್ನು ಇಷ್ಟಪಡುವವರಿಗೆ ಆಕೆಯು ಧರಿಸಿದ್ದ ಬಟ್ಟೆಯು ಕಲ್ಪನಾಲೋಕವೊ೦ದಕ್ಕೆ ಕರೆದೊಯ್ಯುವ೦ತಿತ್ತು. ಇಶಾಳು ಧರಿಸಿದ್ದ ತು೦ಡುಡುಗೆಯು ಆಕೆಯ ನೀಳವಾದ ಮೊಣಕಾಲುಗಳ ದರ್ಶನವನ್ನೀಯುತ್ತಾ ನಾವು ಮೌನವಾಗಿ ಪಿಳಿಪಿಳಿ ಕಣ್ಣು ಬಿಟ್ಟು ನೋಡುವ೦ತೆ ಮಾಡಿದ್ದವು. ತಾನು ಧರಿಸಿರುವ ಪಟ್ಟಿಗಳುಳ್ಳ ಓಯಾಸಿಸ್ ದಿರಿಸುಗಳೇ ಪ್ರಧಾನ ಆಕರ್ಷಣೆಯಾಗಿರಲಿ ಎ೦ಬ ಉದ್ದೇಶದಿ೦ದ ಇಶಾಳು ಕನಿಷ್ಟ ಪ್ರಮಾಣದ ಮೇಕಪ್ ಮಾಡಿಕೊ೦ಡಿದ್ದಳು. ಕೌನ್ ಬನೇಗಾ ಕರೋಡ್‌ಪತಿಯಲ್ಲಿ ಮಿಂಚಿದ ದಬಾಂಗ್ ಸುಂದರಿ!

ತನ್ನ ನೋಟದ ಮೆರುಗನ್ನು ಹೆಚ್ಚಿಸಲು ಇಶಾಳು ಕೇಶರಾಶಿಯನ್ನು ಸಡಿಲವಾಗಿ ಭುಜಗಳ ಮೇಲೆ ಇಳಿಬಿಟ್ಟಿದ್ದಳು. ಆಕೆಯ ನಾಜೂಕಾದ ಪಾದಗಳಿಗೆ ಕಪ್ಪು ವರ್ಣದ ಸ್ಯಾ೦ಡಲ್ ಚಪ್ಪಲಿಗಳು ಸರಿಯಾಗಿ ಹೊ೦ದಾಣಿಕೆಯಾಗಿದ್ದರೂ ಕೂಡ ಆಕೆಯು ಧರಿಸಿದ್ದ ಆ ವೈಯ್ಯಾರದ ಓಯಸಿಸ್ ದಿರಿಸುಗಳಿಗೆ ಪೂರಕವಾಗಿರುವುದರಲ್ಲಿ ವಿಫಲವಾಗಿದ್ದವು. ಏನೇ ಆಗಲಿ, ಆಕೆಯನ್ನು ಆ ದಿನದ೦ದು ವಿಮಾನ ನಿಲ್ದಾಣದಲ್ಲಿ ಕ೦ಡ ಯಾರಾದರೂ ಕೈಗೊಳ್ಳಬಹುದಾಗಿದ್ದ ತೀರ್ಮಾನವೇನೆ೦ದರೆ, ಇಶಾಳು ಆ ದಿರಿಸಿನಲ್ಲಿ ಆರಾಮವಾಗಿದ್ದು, ತನ್ನ ಭವ್ಯವಾದ ಸೊಬಗಿನೊ೦ದಿಗೆ ವಿಮಾನದಲ್ಲಿ ಹಾರಲು ಸಜ್ಜಾಗಿದ್ದಾಳೆ ಎ೦ಬುದಾಗಿ ಆಗಿರುತ್ತದೆ.