ಪಂಕಜ್, ನಿಧಿ ವಿನ್ಯಾಸದಲ್ಲಿ ಮನಮೋಹಕ ಚೆಲುವೆ ಇಶಾ ಗುಪ್ತಾ

ಸಾಮಾನ್ಯವಾಗಿ ಪ್ರಮುಖ ಮಳಿಗೆಗಳ ಪ್ರಾರಂಭೋತ್ಸವಕ್ಕೆ ಖ್ಯಾತನಾಮರನ್ನು ಆಹ್ವಾನಿಸುವುದು ವಾಡಿಕೆ. ಅಂತೆಯೇ ಇತ್ತೀಚೆಗೆ ಮುಂಬೈನ ಬಾಂದ್ರಾ ಹಿಲ್ ನಲ್ಲಿ ಪ್ರಾರಂಭವಾದ ಬಾಟಾದ ನೂತನ ಮಳಿಗೆಯ ಪ್ರಾರಂಭೋತ್ಸವಕ್ಕೆ ಖ್ಯಾತ ನಟಿ ಇಶಾ ಗುಪ್ತಾರನ್ನು ಆಹ್ವಾನಿಸಲಾಗಿತ್ತು. ಆದರೆ ಜನರನ್ನು ಸೂಜಿಗಲ್ಲಿನಂತೆ ಸೆಳೆದದ್ದು ಬಾಟಾದ ಉತ್ಪನ್ನಗಳಲ್ಲ, ಬದಲಿಗೆ ಇಶಾ ಗುಪ್ತಾರವರು ಧರಿಸಿದ್ದು ಅತ್ಯಂತ ಆಕರ್ಷಣೀಯವಾದ ಉಡುಪು.

ತೆಳುಹಸಿರು ಬಣ್ಣದ ಬಟ್ಟೆಯ ಮೇಲೆ ಅಸಾಧಾರಣವಾದ ವಿನ್ಯಾಸದ ಸಂಯೋಜನೆ ಈ ಉಡುಪಿನ ವಿನ್ಯಾಸಕಾರರಾದ ಪಂಕಜ್ ಮತ್ತು ನಿಧಿಯವರ ಒಂದು ಪ್ರಮುಖ ಕೊಡುಗೆಯಾಗಿದೆ. ಈ ಉಡುಪಿನಲ್ಲಿ ಅವರ ಸೌಂದರ್ಯ ನೂರ್ಮಡಿ ಹೆಚ್ಚಿದ್ದುದು ಮಾತ್ರ ಸುಳ್ಳಲ್ಲ.

ಬಾಲಿವುಡ್‌ನ ಖ್ಯಾತ ತಾರೆಯರು ತಮ್ಮ ಉಡುಪುಗಳನ್ನು ಕೆಲವೇ ವಿನ್ಯಾಸಕಾರರ ಹತ್ತಿರ ಹೊಲಿಸಿಕೊಳ್ಳುತ್ತಾರೆ. ಅವರಲ್ಲಿ ಪ್ರಮುಖವಾದ ಜೋಡಿ ಪಂಕಜ್ ಮತ್ತು ನಿಧಿ. ತಾರೆಯರಾದ ಸೋನಾಕ್ಷಿ ಸಿನ್ಹಾ, ದೀಪಿಕಾ ಪಡುಕೋಣೆ, ಪರಿಣೀತಿ ಚೋಪ್ರಾ, ನೇಹಾ ಧೂಪಿಯಾ ಹಾಗೂ ಇನ್ನೂ ಹಲವರು ಈ ಜೋಡಿಯ ಹತ್ತಿರವೇ ತಮ್ಮ ಉಡುಪುಗಳನ್ನು ವಿನ್ಯಾಸಗೊಳಿಸುತ್ತಾರೆ. ವಿಶೇಷವೆಂದರೆ ಈ ಜೋಡಿ ತಮ್ಮ ಪ್ರತಿ ವಿನ್ಯಾಸವನ್ನೂ ಅತಿ ಜಾಗರೂಕತೆಯಿಂದ ಆಯ್ದು ಸಿದ್ಧಗೊಳಿಸುತ್ತಾರೆ.

ಆದರೆ ಅವರು ಆಯ್ದುಕೊಳ್ಳುವ ವಿನ್ಯಾಸ ವಿಭಿನ್ನವಾಗಿದ್ದು ಇದುವರೆಗೆ ಯಾರೂ ಯೋಚಿಸಿರದ ನಿಟ್ಟಿನಲ್ಲಿ ಸಂಯೋಜನೆಗಳಿಸುವುದೇ ಇವರ ಗರಿಮೆಯಾಗಿದೆ. ಉಡುಪಿನ ವಿನ್ಯಾಸ ಒಂದೇ ಸ್ಥಳದಲ್ಲಿ ಕೇಂದ್ರೀಕೃತವಾಗಿರದೇ ಇಡಿಯ ಉಡುಪಿನ ಉದ್ದಕ್ಕೂ ವ್ಯಾಪಿಸಿ ನೋಡುಗರ ಇದುವರೆಗಿನ ನಂಬಿಕೆಯನ್ನೇ ಅಲ್ಲಾಡಿಸಿಬಿಡುತ್ತವೆ. ಗುಲಾಬಿ ವರ್ಣದಲ್ಲಿ ಮೋಡಿ ಮಾಡಿದ ಇಶಾಳ ಸೌ೦ದರ್ಯ!

ಇಶಾರ ಅತಿ ಸ್ವಂತ ಸಂಗ್ರಹದ ಈ ಉಡುಗೆಯಲ್ಲಿನ ಮುದ್ರಿತ ಭಾಗಗಳು ಸಾಮಾನ್ಯಕ್ಕಿಂತಲೂ ಹೆಚ್ಚಿರುವುದು ಹಾಗೂ ತೆಳುಹಸಿರು ಬಣ್ಣದ ಮೇಲೆ ಗಾಢವರ್ಣದ ವಿನ್ಯಾಸಗಳು ಬಣ್ಣಗಳ ನಡುವಣ ವೈದೃಶ್ಯತೆಯನ್ನುಸುಂದರವಾಗಿ ಬಿಂಬಿಸುತ್ತವೆ.

ಎರಡೂ ಬದಿಯಲ್ಲಿರುವ ಎರಡು ಮಡಿಕೆ, ತೋಳುಗಳ ಕೊನೆ ಹಾಗೂ ಉಡುಪಿನ ಕೆಳ ಅಂಚನ್ನು ಪೂರ್ಣವಾಗಿ ಆವರಿಸಿರುವ ಪಟ್ಟಿಯೂ ಸರಿಸುಮಾರು ವಿನ್ಯಾಸದ ಬಣ್ಣಗಳನ್ನೇ ಹೊಂದಿರುವುದು ವಿನ್ಯಾಸಕಾರರ ಜಾಣ್ಮೆಗೆ ಹಿಡಿದ ಕೈಗನ್ನಡಿಯಾಗಿದೆ. ಈ ಉಡುಪಿನೊಂದಿಗೆ ಅವರು ಚಿನ್ನದ ಬಣ್ಣದ ಕಿವಿಯೋಲೆ, ಕಪ್ಪು ಪಟ್ಟಿಗಳ ಪಾದರಕ್ಷೆಯನ್ನು ಧರಿಸಿದ್ದರು.

ಕೊಂಚ ಗುಂಗುರಾಗಿಸಿ ಇಳಿಬಿಟ್ಟ ಅವರ ನೀಳಗೂದಲು ಈ ಉಡುಪಿನೊಂದಿಗೆ ಅತಿ ಆಕರ್ಷಕವಾಗಿ ಕಾಣುತ್ತಿತ್ತು. ಜೊತೆಗೆ ಆತ್ಮವಿಶ್ವಾಸದಿಂದ ಮಿನುಗುತ್ತಿದ್ದ ಅವರ ವದನ ಅವರ ವ್ಯಕ್ತಿತ್ವವನ್ನು ನೋಡುಗರ ಮನಸೂರೆಗೊಳ್ಳುತ್ತಿತ್ತು. ನಿಮಗೆ ಹೇಗೆನಿಸುತ್ತಿದೆ?