ಅಹನಾ ಡಿಯೋಲ್ ರಿಸೆಪ್ಶನ್‌ನಲ್ಲಿ ತಾರಾಮಣಿಯರು

1.ಸೋನಾಕ್ಷಿ ಸಿನ್ಹಾ

ಗಾಢ ನೀಲ ವರ್ಣದ ಲೆಹೆಂಗಾ ಸೀರೆಯನ್ನು ಸೋನಾಕ್ಷಿ ಆಯ್ಕೆಮಾಡಿಕೊಂಡಿದ್ದಾರೆ. ಬಿಳಿ ಮತ್ತು ಕಪ್ಪು ಬಣ್ಣದ ಎಂಬ್ರಾಯ್ಡರಿ ಕೆಲಸವನ್ನು ಹೊಂದಿರುವ ಲೆಹಾಂಗಾ ಸೀರೆ ಸೋನಾಕ್ಷಿಯ ಸೌಂದರ್ಯವನ್ನು ಇಮ್ಮಡಿಗೊಳಿಸಿದೆ.

2.ದೀಪಿಕಾ ಪಡುಕೋಣೆ

ಕರೀಷ್ಮಾ ಮತ್ತು ಮೋನಿಕಾ ವಿನ್ಯಾಸದ ಸೀರೆಯನ್ನು ದೀಪಿಕಾ ರಿಸೆಪ್ಶನ್‌ನಲ್ಲಿ ತೊಟ್ಟಿದ್ದರು. ಎರಡು ಬಣ್ಣ ಮಿಶ್ರತ ಕಿತ್ತಳೆ ಬಣ್ಣದ ಕೋರಲ್ ಸೀರೆ ಅಂಚುಗಳಲ್ಲಿ ಗೋಲ್ಡನ್ ಎಂಬ್ರಾಯ್ಡಿರಿಯನ್ನು ಹೊಂದಿದೆ. ಆಮ್ರಪಾಲಿ ಗೋಲ್ಡನ್ ಆಭರಣಗಳು ಸುಂದರಿ ದೀಪಿಕಾರನ್ನು ಇನ್ನಷ್ಟು ಸಜ್ಜುಗೊಳಿಸಿದೆ.

3.ಐಶ್ವರ್ಯ ರೈ ಬಚ್ಚನ್

ನಿಯೋನ್ ಪಿಂಕ್ ಕಲರ್‌ನ ಸರಳ ಸುಂದರ ಚೂಡಿದಾರ್ ಐಶ್ವರ್ಯಾಗೆ ಈ ಬಾರಿ ಜೋಡಿಯಾಗಿದೆ. ಹೊಳೆಯುವ ಗೋಲ್ಡನ್ ಕುಸುರಿಯನ್ನು ಹೊಂದಿರುವ ಚೂಡಿದಾರ್ ಅಬು ಜಾನಿ ಸಂದೀಪ್ ಕೋಸ್ಲಾ ವಿನ್ಯಾಸದ್ದು ಎಂಬುದನ್ನು ನೆನೆಪಿಸುತ್ತದೆ.

4.ಜೂಹಿ ಚಾವ್ಲಾ

ಕೇಸರಿ ಮತ್ತು ಪಿಂಕ್ ಕಲರ್‌ನ ನೆಲಮುಟ್ಟುವಂತಿರುವ ಅನಾರ್ಕಲಿಯಲ್ಲಿ ಜೂಹಿ ಅಪ್ಸರೆಯಂತೆ ಕಂಡುಬರುತ್ತಿದ್ದಾರೆ. ಗೋಲ್ಡನ್ ವರ್ಕಿರುವ ಪಿಂಕ್ ಜಾಕೆಟ್ ತುಂಬಾ ಚೆನ್ನಾಗಿದೆ!

5.ಅಹನಾ ಡಿಯೋಲ್

ಮದುಮಗಳಾದ ಅಹನಾ ಮನೀಷ್ ಮಲ್ಹೋತ್ರಾ ವಿನ್ಯಾಸದ ನೆಲಮುಟ್ಟುವಂತಿರುವ ಅನಾರ್ಕಲಿ ದಿರಿಸಿನಲ್ಲಿ ಶೋಭಾಯಮಾನರಾಗಿದ್ದಾರೆ. ಅಹನಾ ಸಾಂಪ್ರದಾಯಿಕ ಕೆಂಪು ಬಣ್ಣವನ್ನು ಬಿಟ್ಟು ವಿವಿಧ ಬಣ್ಣಗಳನ್ನು ಆರಿಸಿದ್ದು ಅನಾರ್ಕಲಿಯ ಸುಂದರತೆಯನ್ನು ಹೆಚ್ಚಿಸಿದೆ. ಆಕೆಯ ಮದುವೆ ಉಡುಗೆ ಕೂಡ ಆಕರ್ಷಕವಾಗಿತ್ತು.

6.ಹೇಮಾ ಮಾಲಿನಿ

ಹೊಳೆಯುವ ಮಿನುಗು ಬೊಟ್ಟುಳ್ಳ ಮಿಂಟ್ ಹಸಿರು ಬಣ್ಣದ ಸೀರೆಯಲ್ಲಿ ಹೇಮಾಮಾಲಿನಿ ಉಸಿರುಕಟ್ಟುವಷ್ಟು ರೂಪಸಿಯಾಗಿ ಕಂಡುಬರುತ್ತಿದ್ದಾರೆ. ಆಕೆ ಹಿಡಿದುಕೊಂಡಿರುವ ಚಿನ್ನದ ಪರ್ಸ್ ಮತ್ತು ತುರುಬಿಗೆ ಮುಡಿದುಕೊಂಡಿರುವ ಹೂವು ಹೇಮಾಮಾಲಿನಿಯ ಅಲಂಕಾರವನ್ನು ಪರಿಪೂರ್ಣವಾಗಿಸಿದೆ.

7.ರೇಖಾ

ಇಂದಿಗೂ ಚೆಲುವೆಯಾಗಿಯೇ ಕಂಗೊಳಿಸುತ್ತಿರುವ ರೇಖಾ ರಿಸೆಪ್ಶನ್‌ನಲ್ಲಿ ಪಾಲ್ಗೊಂಡಿದ್ದು ಕಾಂಜೀವರಂ ಮತ್ತು ಚಿನ್ನದ ಆಭರಣಗಳೊಂದಿಗೆ ಕಂಗೊಳಿಸುತ್ತಿದ್ದರು.

8.ದಿಯಾ ಮಿರ್ಜಾ

ಸುಂದರಿ ಹಾಗೂ ಕ್ಯೂಟ್ ನಟಿ ದಿಯಾ ಮಿರ್ಜಾ ಕೂಡ ನವದಂಪತಿಗಳನ್ನು ಶುಭಹಾರೈಸಲು ರಿಸೆಪ್ಶನ್‌ನಲ್ಲಿ ಕಾಣಿಸಿಕೊಂಡಿದ್ದರು. ಕೆಂಪು ವರ್ಣದ ಗೋಲ್ಡನ್ ಎಂಬ್ರಾಯಿಡರಿ ವಿನ್ಯಾಸವನ್ನು ಹೊಳೆಯುವ ಗೋಲ್ಡನ್ ರವಿಕೆಯನ್ನು ಆಕೆ ತೊಟ್ಟು ಇನ್ನಷ್ಟು ಕಂಗೊಳಿಸುತ್ತಿದ್ದಾರೆ.