ಬಾಹ್ಯಾಕಾಶಕ್ಕೆ ತೆರಳಿದ್ದ ಲೈಕಾ ನಾಯಿ ಬಗ್ಗೆ ಗೊತ್ತಾ? ಇದು ಭೂಮಿಗೆ ವಾಪಾಸು ಬರಲೇ ಇಲ್ಲ..!

ಚಂದ್ರನ ಮೇಲೆ ಇಳಿದ ಮೊದಲ ವ್ಯಕ್ತಿ ಯಾರು ಎಂದು ಕೇಳಿದ್ರೆ ಎಲ್ಲರು ನೀಲ್ ಆರ್ಮ್‌ಸ್ಟ್ರಾಂಗ್ ಎಂಬ ಉತ್ತರ ನೀಡುತ್ತಾರೆ. ಹೌದು ಆತ ಮೊಟ್ಟ ಮೊದಲ ಬಾರಿಗೆ ಚಂದ್ರನ ಮೇಲೆ ಕಾಲಿಟ್ಟು ಇತಿಹಾಸ ಬರೆದ ವ್ಯಕ್ತಿ. 1969ರಲ್ಲಿ ಇಡೀ ವಿಶ್ವ ದಂಗಾಗುವಂತೆ ಮಾಡಿದ್ದ ಐತಿಹಾಸಿಕ ಘಟನೆ ಅದು. ಇದಾದ ಬಳಿಕ ಯಾರೊಬ್ಬರು ಇಂತಹ ಸಾಹಸ ಮಾಡಲು ಸಾಧ್ಯವಾಗಿಲ್ಲ. ಆದ್ರೆ ಮಾನವರಿಗೆ ಚಂದ್ರನ ಮೇಲೆ ಇಳಿಯುವ ಕನಸು ಮಾತ್ರ ಕಮರಿ ಹೋಗಿಲ್ಲ.

ಆದ್ರೆ ನಿಮಗೆ ಗೊತ್ತಾ ನೀಲ್ ಆರ್ಮ್‌ಸ್ಟ್ರಾಂಗ್ ಚಂದ್ರನ ಮೇಲೆ ಇಳಿಯುವುದಕ್ಕೂ ಮೊದಲು ನಾಯಿಯೊಂದು ಆಗಸಕ್ಕೆ ಹಾರಿತ್ತು. ಹೌದು ನೀಲ್‌ಗಿಂತ ಮೊದಲು ನಾಯಿಯೊಂದು ಗಗನಯಾತ್ರಿಯಾಗಿ ಆಕಾಶದಲ್ಲಿ ಹಾರಾಡಿತ್ತು. ಆದ್ರೆ ಆ ನಾಯಿ ಭೂಮಿಗೆ ವಾಪಾಸು ಬರಲೇ ಇಲ್ಲ. ಆ ನಾಯಿಯ ಕಥೆ ಹಲವರಿಗೆ ಕಣ್ಣೀರು ತರಿಸಬಹುದು.

Photo Credit:

ನೀಲ್‌ಗಿಂತ ಮುನ್ನ 1957ರಲ್ಲಿ ಈ ನಾಯಿ ಆಕಾಶಕ್ಕೆ ಜಿಗಿದಿತ್ತು, ಸುಮಾರು 7ರಿಂದ 8 ದಿನ ಅದು ಆರ್ಬಿಟ್‌ನಲ್ಲಿ ಬದುಕಿತ್ತು ಎಂದು ತಿಳಿದುಬಂದಿದೆ. ಆದ್ರೆ ಆ ನಾಯಿ ವಾಪಾಸು ಬರಲೇ ಇಲ್ಲ. ಸೋವಿಯತ್ ಒಕ್ಕೂಟ ಆ ಕಾಲದಲ್ಲಿ ಅಮೆರಿಕಕ್ಕೆ ದೊಡ್ಡ ಸವಾಲು ನೀಡುವ ಉದ್ದೇಶದಿಂದ ನಾಯಿಯನ್ನು ಬಾಹ್ಯಾಕಾಶಕ್ಕೆ ಕಳುಹಿಸಿತ್ತು. ಆ ನಾಯಿಯ ಹೆಸರು ಲೈಕಾ. ಇದೇ ಹೆಸರಿನಲ್ಲಿ ಹಲವು ಸೇನಾ ನಾಯಿಗಳಿಗೆ ಗೌರವ ನೀಡುವುದು ಕೂಡ ಇಂದಿಗೆ ಫೇಮಸ್ ಆಗಿದೆ.

ಈ ಲೈಕಾ ನಾಯಿ ತನ್ನ ಪಾಡಿಗೆ ತಾನು ಮಾಸ್ಕೋದಲ್ಲಿ ಅಡ್ಡಾಡುತ್ತಿತ್ತು. ಆದ್ರೆ ಸೋವಿಯತ್ ಒಕ್ಕೂಟ ನಾಯಿಯನ್ನು ಬಾಹ್ಯಾಕಾಶಕ್ಕೆ ಕಳುಹಿಸಲು ಸಿದ್ಧತೆ ನಡೆಸಿತ್ತು. ಈ ವೇಳೆ ಕಣ್ಣಿಗೆ ಬಿದ್ದಿದ್ದೇ ಈ ಲೈಕಾ. ಆದ್ರೆ ಮೊದಲು ಈ ಲೈಕಾದ ಹೆಸರು ಕುದ್ರ್ಯಾವ್ಕಾ ಎಂಬುದಾಗಿತ್ತು. ಈ ನಾಯಿಯನ್ನು ಹಿಡಿದು ತಂದ ಸಿಬ್ಬಂದಿ ಅದರ ವೈದ್ಯಕೀಯ ಪರೀಕ್ಷೆಯಿಂದ ಹಿಡಿದು ಎಲ್ಲಾ ರೀತಿ ಪರೀಕ್ಷೆ ನಡೆಸಿ ಅದಕ್ಕೆ ಬಾಹ್ಯಾಕಾಶದಲ್ಲಿ ಹೇಗಿರಬೇಕು ಎಂಬುದನ್ನು ಕಲಿಸಲು ಒಂದಿಷ್ಟು ದಿನ ರೂಮಿನಲ್ಲಿ ಕೂಡಿ ಹಾಕಿ ತರಬೇತಿ ನೀಡಿದ್ದರು.

ಬಾಹ್ಯಾಕಾಶಕ್ಕೆ ತೆರಳುವ ವಾಹನದಲ್ಲಿ ನಾಯಿಗೆ ಬೇಕಾಗಿದ್ದ ಆಹಾರ ಇಟ್ಟು ಕಳುಹಿಸಲಾಗಿತ್ತು. ಅದು ನವೆಂಬರ್ 3 1957 ರಲ್ಲಿ ಲೈಕಾ ಬಾಹ್ಯಾಕಾಶಕ್ಕೆ ಹಾರಿತ್ತು. ನಾಯಿಯು ಬಾಹ್ಯಾಕಾಶದಲ್ಲಿ ಯಾವ ರೀತಿಯ ಗುರುತ್ವಾಕರ್ಷಣೆಗೆ ಒಳಗಾಗಲಿದೆ, ಅದು ಎಷ್ಟು ಸಮಯ ಬದುಕುಳಿಯಲಿದೆ ಎಂಬುದನ್ನು ಪರೀಕ್ಷಿಸುವುದೇ ಸೋವಿಯತ್ ಒಕ್ಕೂಟದ ಉದ್ದೇಶವಾಗಿತ್ತು.

ನವೆಂಬರ್ 3, 1957 ರಂದು ಲೈಕಾ ಅವರ ಬಾಹ್ಯಾಕಾಶದ ಪ್ರಯಾಣ ಬೆಳೆಸಿದ ಬಳಿಕ 7ರಿಂದ 8 ದಿನ ಬದುಕಿತ್ತು, ಆದ್ರೆ ಅದು ಆಮ್ಲಜನಕದ ಕೊರತೆಯಿಂದ ಮೃತಪಟ್ಟಿತು ಎಂದು ತಿಳಿಸಲಾಗಿತ್ತು. ಆದ್ರೆ ಈ ಲೈಕಾ ನಾಯಿಯನ್ನು ಭೂಮಿಗೆ ವಾಪಾಸು ಕರೆತರುವ ಉದ್ದೇಶವಿರಲಿಲ್ಲ ಎಂಬ ಆರೋಪ ಸಹ ಕೇಳಿಬಂದಿತ್ತು. 2002 ರಲ್ಲಿ ರಷ್ಯಾದ ವಿಜ್ಞಾನಿ ಡಿಮಿಟ್ರಿ ಮಲಾಶೆಂಕೋವ್ ಅವರು ಲೈಕಾ ಬಾಹ್ಯಾಕಾಶಕ್ಕೆ ಪ್ರವೇಶಿಸಿದ ನಂತರ ಕೇವಲ ಐದರಿಂದ ಏಳು ಗಂಟೆಗಳ ಕಾಲ ಬದುಕಿತ್ತು ಎಂಬ ಮಾಹಿತಿ ಹಂಚಿಕೊಂಡಿದ್ದರು. ಆದ್ರೆ ನಿಖರವಾಗಿ ಎಷ್ಟು ಸಮಯ ಬದುಕಿತ್ತು ಎಂಬುದು ಪತ್ತೆಯಾಗಲಿಲ್ಲ.

ಆದ್ರೆ ಈ ಬಾಹ್ಯಾಕಾಶ ವಾಹನದಲ್ಲಿ ಉಷ್ಣತೆ ಹೆಚ್ಚಳದಿಂದ ನಾಯಿ ಮೃತಪಟ್ಟಿತು ಎಂದು ನಾಸಾ ತಿಳಿಸಿತ್ತು. ಇದಿ ಬಾಹ್ಯಾಕಾಶ ವಾಹನದಲ್ಲಿ ಉಂಟಾದ ತಾಂತ್ರಿಕ ಸಮಸ್ಯೆ ಈ ಬಡಪಾಯಿ ನಾಯಿಯ ಜೀವ ತೆಗೆದಿತ್ತು ಎಂಬ ವಾದವೂ ಇದೆ. ಆದ್ರೆ ನಾಯಿ ಮಾತ್ರ ಇತಿಹಾಸ ಬರೆದು ಬಾಹ್ಯಾಕಾಶದಲ್ಲೇ ಮರೆಯಾಗಿತ್ತು, ಇದಾದ ಬಳಿಕ ಸೋವಿಯತ್ ಒಕ್ಕೂಟ 1960ರಲ್ಲಿ ಬೆಲ್ಕಾ ಮತ್ತು ಸ್ಟ್ರೆಲ್ಕಾ ಎಂಬ ಎರಡು ನಾಯಿಗಳನ್ನ ಬಾಹ್ಯಾಕಾಶಕ್ಕೆ ಕಳುಹಿಸಿ ವಾಪಾಸು ಕೂಡ ತರೆತರಲಾಗಿತ್ತು.