ನಿತ್ಯಾನಂದನ ಕೈಲಾಸದಲ್ಲಿ ಕನ್ನಡದ ಜೋಗಯ್ಯ ಹಾಡು: ಸಿಕ್ಕಾಪಟ್ಟೆ ಗಮನ ಸೆಳೆದಿದೆ ಈ ವೀಡಿಯೋ

ನಿತ್ಯಾನಂದ... ಈ ವ್ಯಕ್ತಿಯನ್ನು ಗೊತ್ತಿಲ್ಲದವರೇ ಇರಲ್ಲ..... ಸ್ವದೇವಮಾನವ ಎಂದ ಕರೆಯಲ್ಪಡುವ ಈ ವ್ಯಕ್ತಿ ಕರ್ನಾಟಕದಲ್ಲಿದ್ದಾಗ ಇವನ ಮೇಲೆ ಹಲವಾರು ಕೇಸ್‌ಗಳಾಗಿದ್ದೆವು, ಇದೀಗ ಕೈಲಾಸ ಎಂಬ ಹೊಸ ದೇಶವನ್ನೇ ಸ್ಥಾಪಿಸಿ ಅದರ ದೊರೆಯಾಗಿ ಮೆರೆಯುತ್ತಿರುವ ನಿತ್ಯಾನಂದ ನಮ್ಮ ದೇಶ ಬಿಟ್ಟು ಹೋದ ಮೇಲೂ ಒಂದೆಲ್ಲಾ ಒಂದು ಕಾರಣದಿಂದ ಸುದ್ದಿಯಲ್ಲಿರುತ್ತಾರೆ.

ಕೈಲಾಸದಲ್ಲಿ ನಿತ್ಯಾನಂದನಿಗೆ ಹೇಗೆ ಬದುಕಬೇಕೆಂಬ ಯಾವ ಸಾಂವಿಧಾನಿಕ ನಿಯಮಗಳಿಲ್ಲ, ಏಕೆಂದರೆ ಆ ದೇಶವನ್ನು ಆತನೇ ಕಟ್ಟಿದ್ದು, ಈತನಿಗೆ ಲಕ್ಷಾಂತರ ಫಾಲೋವರ್ಸ್ ಇದ್ದಾರೆ, ಅವರಲ್ಲಿ ಕೆಲವರು ನಿತ್ಯಾನಂದನ ಜೊತೆ ಕೈಲಾಸದಲ್ಲಿಯೇ ವಾಸವಾಗಿದ್ದಾರೆ. ಇದೀಗ ಕೈಲಾಸದಲ್ಲಿ ಕನ್ನಡ ಹಾಡನ್ನು ಮೊಳಗಿಸಲಾಗಿದೆ, ಇದೀಗ ಆ ವೀಡಿಯೋ ತುಂಬಾನೇ ವೈರಲ್ ಆಗಿದೆ.

ತಾಯಿ ಪ್ರೀತಿಯನ್ನು ಸಾರುವ ನಮ್ಮ ಶಿವರಾಜ್‌ ಕುಮಾರ್‌ ಅಭಿನಯ ಜೋಗಯ್ಯ ಹಾಡನ್ನು ಕೈಲಾಸದಲ್ಲಿ ಹಾಕಲಾಗಿದೆ. ನಿತ್ಯಾನಂದ ಡ್ರಮ್‌ ತಾಳ ಹಾಕುತ್ತಾ ಆ ಹಾಡನ್ನು ಎಂಜಾಯ್ ಮಾಡ್ತಾ ಇದ್ದಾರೆ. ಈ ವೀಡಿಯೋ ತುಂಬಾನೇ ವೈರಲ್‌ ಆಗುತ್ತಿದೆ.

ಜೋಗಯ್ಯ ಚಿತ್ರ ಬಿಡುಗಡೆಯಾಗಿ ಹಲವು ವರ್ಷಗಳೇ ಕಳೆದರು ಜನರು ಸದಾ ನೆನಪಿನಲ್ಲಿಟ್ಟುಕೊಳ್ಳು ಹಾಡಿನಲ್ಲೊಂದು ಜೋಗಯ್ಯ.... ಈ ಹಾಡನ್ನು ಕೇಳುತ್ತಿದ್ದರೆ ತಾಯಿ ಎಂಥವರನ್ನೂ ಸೂಜಿಗಲ್ಲಿನಂತೆ ಸೆಳೆಯುವ ಹಾಡು ಇದಾಗಿದೆ. ಜೋಗಯ್ಯ ಚಿತ್ರದ ಹಿಟ್‌ಗೆ ಈ ಹಾಡು ಕೂಡ ಒಂದು ಕಾರಣವಾಗಿತ್ತು. ಇದೀಗ ಎವರ್‌ಗ್ರೀನ್‌ ಕನ್ನಡ ಹಾಡು ಕೈಲಾಸವಾಸಿಗಳಿಗೆ ಕೇಳಿಸಲಾಗಿದೆ... ಈ ವಿಷಯದಲ್ಲಿ ನಿತ್ಯಾನಂದ ಮೆಚ್ಚಿಕೊಳ್ಳಬೇಕು. ಕರ್ನಾಟಕದಿಂದ ಓಡಿ ಹೋದರೂ ಕನ್ನಡ ಹಾಡುಗಳನ್ನು ಮರೆತ್ತಿಲ್ಲ.

ಜೋಗಯ್ಯ ಹಾಡಿಗೆ ಖುಷಿಯಿಂದ ಡ್ರಮ್ ತಾಳ ಹಾಕುತ್ತಾ ಖುಷಿಯಾಗಿರುವ ನಿತ್ಯಾನಂದರ ವೀಡಿಯೋ ಸಾಮಾಜಿಕ ತಾಣದಲ್ಲಿ ತುಂಬಾನೇ ಗಮನ ಸೆಳೆದಿದೆ...