ಇಸ್ರೋದಿಂದ ಉಪಗ್ರಹ ಇಒಎಸ್-08 ಯಶಸ್ವಿ ಉಡಾವಣೆ: ಪರಿಸರ ವಿಪತ್ತುಗಳ ಮೊದಲೇ ಸೂಚನೆ ನೀಡಲಿದೆ ಈ ಉಪಗ್ರಹ

ಬಾಹ್ಯಾಕಾಶ ಲೋಕದಲ್ಲಿ ಭಾರತದ ಸಾಧನೆಯನ್ನು ಇಡೀ ವಿಶ್ಚವೇ ಗಮನಿಸುತ್ತಿದೆ, ಇದೀಗ ನಮ್ಮ ಇಸ್ರೋ ಸಾಧನೆಗೆ ಹೊಸ ಸೇರ್ಪಡೆ ಎಸ್‌ಎಸ್‌ ಎಲ್‌ವಿ ಯಶಸ್ವಿಯಾಗಿ ಉಡಾವಣೆಯಾಗಿದೆ. ಡಿ3 ರಾಕೆಟ್‌ ಉಪಗ್ರಹವನ್ನು ಹೊತ್ತುಕೊಂಡು ನಭದತ್ತ ಸಾಗಿದೆ. ಆಗಸ್ಟ್‌ 16 ಬೆಳಗ್ಗೆ 9:17ಕ್ಕೆ ಉಡಾವಣೆ ಮಾಡಲಾಯಿತು. ಆಂಧ್ರಪ್ರದೇಶದ ಶ್ರಿಹರಿಕೋಟಾದ ಸತೀಶ್‌ ಧವನ್‌ ಬಾಹ್ಯಾಕಾಶ ಕೇಂದ್ರದಿಂದ ಉಡಾವಣೆ ಮಾಡಲಾಯಿತು.

ರಾಕೆಟ್‌ ಉಡಾವಣೆಗೆ ಮುನ್ನ ಚೆಂಗಾಲಮ್ಮ ದೇವಾಲಯಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸಿದ ಇಸ್ರೋ ಅಧ್ಯಕ್ಷ ಸೋಮನಾಥ್

ದೈವ ಶಕ್ತಿ ಒಂದಿದೆ, ಈ ನಂಬಿಕೆ ವಿಜ್ಞಾನಿಯಾದರೂ ಇಸ್ರೋ ಅಧ್ಯಕ್ಷ ಸೋಮನಾಥ್ ಬಲವಾಗಿ ನಂಬಿದ್ದಾರೆ, ಹಾಗಾಗಿ ಉಡ್ಡಾಯನಕ್ಕೆ ಮೊದಲು ದೇವಾಲಯಕ್ಕೆ ಹೋಗಿ ಪೂಜೆ ಮಾಡಿ ಬಂದಿದ್ದಾರೆ.

ಉಪಗ್ರಹ ಯಶಸ್ವಿಯಾಗಿ ಉಡ್ಡಾಯನ ಆಗಿರುವುದಕ್ಕೆ ಭಾರತೀಯರು ಸಂತೋಷದಿಂದ ಇಸ್ರೋ ವಿಜ್ಞಾನಿಗಳಿಗೆ ಅಭಿನಂದನೆ ಸಲ್ಲಿಸುತ್ತಿದ್ದಾರೆ.

ಪರಿಸರ ವೀಕ್ಷಣೆ ಮಾಡಲಿದೆ ಈ ಉಪಗ್ರಹ
ಈ ಉಪಗ್ರಹ ಪರಿಸರದಲ್ಲಿನ ಬದಲಾವಣೆಯನ್ನು ಗುರುತಿಸಿ ಮಾಹಿತಿ ನೀಡಲಿದೆ, ಪ್ರಕೃತಿ ವಿಕೋಪದಂಥ ಸೂಚನೆಗಳನ್ನು ಮೊದಲೇ ಗ್ರಹಿಸಿ ಸೂಚನೆ ನೀಡಲಿದೆ, ಹೀಗಾಗಿ ಮನುಕುಲ ರಕ್ಷಣೆಯ ದೃಷ್ಟಿಯಿಂದ ಈ ಉಪಗ್ರಹದ ಕಾರ್ಯ ತುಂಬಾನೇ ಮಹತ್ವದ್ದಾಗಿದೆ.

ಈ ವರ್ಷ ಕರ್ನಾಟಕ, ಕೇರಳ, ಹಿಮಾಚಲ ಪ್ರದೇಶದಲ್ಲಿ ಬರೆಕುಸಿತ ಉಂಟಾಗಿ ಹಲವು ಸಾವು -ನೋವುಗಳು ಸಂಭವಿಸಿತು, ಅದರಲ್ಲಿಯೂ ಕೇರಳದ ಭೀಕರ ದುರಂತವನ್ನೇ ಕಂಡಿತು, ಒಂದಿಷ್ಟೂ ಮುನ್ಸೂಚನೆ ಸಿಗಲಿಲ್ಲ, ಸಿಕ್ಕಿದ್ದರೆ ಜೀವಗಳ ರಕ್ಷಣೆ ಮಾಡಬಹುದಿತ್ತು ಎಂದು ಎಲ್ಲರು ಅಂದುಕೊಂಡಿದ್ದರು. ಈಗ ಉಡ್ಡಾವಣೆ ಮಾಡಿದ ಉಪಗ್ರಹ ಇಂತ ವಿಕೋಪಗಳ ಮುನ್ಸೂಚನೆಯನ್ನು ಮೊದಲೇ ನೀಡುವುದು. ಹೀಗಾಗಿ ಜನರ ಜೀವಗಳನ್ನು ರಕ್ಷಣೆ ಮಾಡಲು ಈ ಉಪಗ್ರಹ ನೆರವಾಗಲಿದೆ.