ಜಪಾನ್‌ ಭೂಕಂಪದ ಈ ದೃಶ್ಯ ವೈರಲ್: ನೋಡುವಾಗಲೇ ಭಯವಾಗುತ್ತೆ

Insync

oi-Reena TK

By Reena Tk

Published: Thursday, January 4, 2024, 16:09 [IST]

2024 ಮೊದಲ ದಿನವೇ ಜಪಾನ್‌ಗೆ ದುಃಸ್ವಪ್ನವಾಗಿ ಕಾಡಿದೆ. ಸುನಾಮಿ, ಭೂಕಂಪದಿಂದಾಗಿ ಜಪಾನ್ ದೇಶ ತತ್ತರಿಸಿ ಹೋಗಿದೆ. ಒಂದೇ ದಿನದಲ್ಲಿ 155 ಬಾರಿ ಭೂಕಂಪನ ಸಂಭವಿಸಿದೆ.

ಅವುಗಳಲ್ಲಿ 21 ಭೂಕಂಪದ ತೀವ್ರತೆ ರಿಕ್ಟರ್ ಮಾಪಕದಲ್ಲಿ 4.0 ದಾಖಲಾಗಿದೆ. ಆದರೆ ಭೂಕಂಪದ ತೀವ್ರತೆ 7.6 ಹಾಗೂ ಕೆಲವೊಂದು 6.1 ತೀವ್ರತೆ ಕಂಡು ಬಂದಿದ್ದು ಇದರಿಂದಾಗಿ ಜಪಾನ್‌ನ ಚಿತ್ರಣವೇ ಬದಲಾಗಿದೆ.

ಇದೀಗ ಜಪಾನ್‌ ಭೂಕಂಪದ ಕೆಲವೊಂದು ವೀಡಿಯೋಗಳು ಸಾಮಾಜಿಕ ತಾಣದಲ್ಲಿ ಹರಿದಾಡುತ್ತಿದ್ದು ಈ ವೀಡಿಯೋ ತುಂಬಾನೇ ಗಮನ ಸೆಳದಿದೆ. ಫುಟ್‌ಪಾತ್‌ನಲ್ಲಿ ಹಾಕಿದ್ದ ಇಂಟರ್‌ಲಾಕ್‌ ಸಮುದ್ರದ ಅಲೆಯಂತೆ ಉಬ್ಬಿ ಇಳಿಯುತ್ತಿರುವ ದೃಶ್ಯ ನೆಟ್ಟಿಗರ ಗಮನ ಸೆಳೆದಿದ್ದು ತುಂಬಾನೇ ವೈರಲ್ ಆಗುತ್ತಿದೆ.

ಜಪಾನ್‌ನಲ್ಲಿ ಆಗಾಗ ಭೂಕಂಪನ ಸಂಭವಿಸುತ್ತಲೇ ಇರುತ್ತದೆ
ಜಪಾನ್‌ನಲ್ಲಿ ಆಗಾಗ ಭೂಕಂಪನ ಉಂಟಾಗುತ್ತಲೇ ಇರುತ್ತದೆ, ಆದರೆ ಇಷ್ಟೊಂದು ತೀವ್ರತೆಯಲ್ಲಿ ಈ ಒಂದು ದಶಕದಲ್ಲಿ ಕಂಡು ಬಂದಿರಲಿಲ್ಲ, 2020ರಿಂದ ಇಲ್ಲಿಯವರೆಗೆ 506 ಭಾರಿ ಭೂಕಂಪನ ಉಂಟಾಗಿದೆ. ಕಡಿಮೆ ತೀವ್ರತೆಯೆಂದರೆ 1.0 ಆಗಿತ್ತು, ಆದರೆ ಇದೀಗ ಇದ್ದಕ್ಕಿದ್ದಂತೆ ಭೂಕಂಪನದ ತೀವ್ರತೆ ಹೆಚ್ಚಾಗಲು ಕಾರಣವೇನು ಎಂಬುವುದರ ಬಗ್ಗೆ ಸಂಶೋಧನೆ ಮಾಡಲಾಗುತ್ತಿದೆ.

ಸೋಮವಾರ ಸಂಭವಿಸಿದ ಭೂಕಂಪನದ ತೀವ್ರತೆ 1885ರಿಂದ ಕಂಡು ಬಂದಿರಲಿಲ್ಲ. ಹೊಸ ವರ್ಷದ ದಿನವೇ ಸೋಮವಾರದಂದು ಜಪಾನ್‌ನ ಹೊಸ ವರ್ಷದ ಸಂಭ್ರಮ ಕಿತ್ತುಕೊಂಡಿದೆ. 2011ರಲ್ಲಿ ಟೋಕಿಯೋದಲ್ಲಿ ಸಂಭವಿಸಿದ ಭೂಕಂಪನದಲ್ಲಿ 18 ಸಾವಿರ ಜನ ಸಾವನ್ನಪ್ಪಿದ್ದರು. ಅದಾದ ಬಳಿಕ ಅತಿ ದೊಡ್ಡ ಭೂಕಂಪನ ಇದಾಗಿದೆ.

ಅಪಾಯದ ಮುನ್ಸೂಚನೆ ಮೊದಲೇ ಸಿಕ್ಕ ಕಾರಣ ಸಾವು ಕಡಿಮೆಯಾಗಿದೆ
ಸುನಾಮಿ, ಭೂಕಂಪನ ಎರಡೂ ಜೊತೆಯಾಗಿ ಬಂದರೂ ಜಪಾನ್‌ನಲ್ಲಿ ಈ ಬಾರಿ ಅಧಿಕ ಸಾವು ಸಂಭವಿಸಿಲ್ಲ, ಏಕೆಂದರೆ ಮೊದಲೇ ಅಪಾಯದ ಸೂಚನೆ ಸಿಕ್ಕಿ ಆ ಭಾಗದಿಂದ ಜನರನ್ನು ಸ್ಥಳಾಂತರ ಮಾಡಲಾಗಿತ್ತು, ಆದರೆ ಬ್ರಿಡ್ಜ್‌ಗಳು, ಬೋಟ್‌ಗಳು, ದೊಡ್ಡ-ದೊಡ್ಡ ಕಟ್ಟಡಗಳು, ಗಾಡಿಗಳು ಇವೆಲ್ಲಾ ಸುನಾಮಿ, ಭೂಕಂಪನದಿಂದ ನಾಶವಾಗಿದೆ.