ಕಂಡ ಕಂಡಲ್ಲಿ ಎಸೆಯುತ್ತಾನೆ ಕಂತೆ ಕಂತೆ ಹಣ..! ಸಿಕ್ಕ ಸಿಕ್ಕವರಿಗೂ ದಾನ..! ವಿಡಿಯೋ ವೈರಲ್

ಹಣ ಮಾಡಬೇಕು ಅಂದ್ರೆ ಕಷ್ಟ ಪಟ್ಟು ದುಡಿಯಬೇಕು. ಅದೆಷ್ಟೇ ದೊಡ್ಡ ಕಂಪನಿ ಕಟ್ಟಿದ್ದರು ದಿನದಲ್ಲಿ ಒಂದಿಷ್ಟು ಗಂಟೆಯಾದರೂ ದುಡಿಮೆ ಮಾಡಲೇಬೇಕು. ಆದ್ರೆ ಹಣ ಸಂಪಾದನೆ ಮಾಡೋದು ಅಷ್ಟೊಂದು ಸುಲಭವಲ್ಲ. ಹಣ ಎಲ್ಲರ ಕೈ ಹಿಡಿಯುವುದಿಲ್ಲ. ಅದ್ರಲ್ಲೂ ದುಡಿಮೆ ಮಾಡಿದ ಹಣವನ್ನ ನಾವು ಬ್ಯಾಂಕ್‌ನಲ್ಲೋ, ಲಾಕರ್‌ನಲ್ಲೋ ಇಡುತ್ತೇವೆ.

ಒಂದೊಂದು ಪೈಸೆಯನ್ನು ಒಟ್ಟು ಮಾಡಿ ಅದನ್ನು ಒಟ್ಟು ಮಾಡಿ ಇಡುವುದು ಎಲ್ಲರ ಅಭ್ಯಾಸ. ಹನಿ ಹನಿ ಕೂಡಿದರೆ ಹಳ್ಳ ಎಂಬ ಮಾತಿನಂತೆ ಮಧ್ಯಮ ವರ್ಗದ ಜನರಂತು ಒಂದೊಂದು ರೂಪಾಯಿಯನ್ನೂ ಜೋಡಿಸಿಟ್ಟು ಮನೆ, ಜಾಗ, ವಸ್ತುಗಳ ಖರೀದಿಸುತ್ತಾರೆ.

ಆದ್ರೆ ಇಲ್ಲೊಬ್ಬ ಯುವಕ ಹಣವನ್ನ ಮನೆಯ ಹೊರಗೆ ಕಸದಂತೆ ಎಸೆದಿದ್ದಾನೆ. ಅಲ್ಲದೆ ಕಂಡ ಕಂಡವರಿಗೆ ಹಣದ ಕಂತೆ ಹಂಚುತ್ತಿದ್ದಾನೆ. ಹೌದು ಇನ್ಸ್‌ಸ್ಟಾಗ್ರಾಮ್‌ನಲ್ಲಿ ವಿಡಿಯೋಗಳ ಹಂಚಿಕೊಳ್ಳುವ ಫೆಡರ್ ಬಲ್ವನೋವಿಚ್ ಎಂಬಾತನ ವಿಡಿಯೋ ಈಗ ಸಿಕ್ಕಾಪಟ್ಟೆ ವೈರಲ್ ಆಗಿದೆ.

ಸೋಶಿಯಲ್ ಮೀಡಿಯಾ ಇನ್ಸ್ಪೂಯನ್ಸರ್ ಆಗಿರುವ ಆತ ಮಿಸ್ಟರ್ ಗುಡ್ ಲಕ್ ಎಂಬ ಖಾತೆಯಲ್ಲಿ ವಿಡಿಯೋಗಳ ಹಂಚಿಕೊಳ್ಳುತ್ತಾನೆ. ಸುಮಾರು 128 ಮಿಲಿಯನ್ ಫಾಲೋವರ್ಸ್ ಹೊಂದಿರುವ ಆತ ಇಂತಹ ವಿಡಿಯೋಗಳ ಮೂಲಕವೇ ಫೇಮಸ್ ಆಗಿದ್ದಾನೆ.

ಕೆಲವರು ಹಣ ಸಂಪಾದಿಸಲು ಹಗಲು ರಾತ್ರಿ ಎನ್ನದೆ ಕಷ್ಟ ಪಡುತ್ತಾರೆ. ಮತ್ತೆ ಕೆಲವರು ಈ ರೀತಿ ಹಣವನ್ನ ಅಸಡ್ಡೆ ತೋರುತ್ತಾರೆ. ಇಂತಹ ವಿಡಿಯೋ ನೋಡಿದ ಮಂದಿ ನಿಜಕ್ಕೂ ಶಾಕ್‌ಗೆ ಒಳಗಾಗಿದ್ದಾರೆ. ಆತ ಇಷ್ಟೊಂದು ಹಣ ಸಂಪಾದಿಸಲು ಸಾಧ್ಯವಾಗಿದ್ದು ಹೇಗೆ ಎಂದು ಅಚ್ಚರಿಯಿಂದ ಪ್ರಶ್ನಿಸುತ್ತಿದ್ದಾರೆ.

ವಿಡಿಯೋದಲ್ಲಿ ಆತನ ಮನೆ ಮುಂದೆ ಹಣದ ರಾಶಿಯೇ ಬಿದ್ದಿರುವುದು ನೋಡಬಹುದು. ಅಲ್ಲಿ ಕಂತೆ ಕಂತೆಯ ಹಣದ ಬಂಡಲ್‌ಗಳಿವೆ. ಜೊತೆಗೆ ಅವರು ಹಣವನ್ನು ಒಂದು ಬಾಕ್ಸ್‌ಗೆ ತುಂಬುತ್ತಿರುವುದು ಸಹ ನೋಡಬಹುದು. ಆದರೆ ಈ ಹಣದ ಹೇಗೆ ಬಂದಿದೆ ಮತ್ತು ಈ ಹಣ ಅಸಲಿಯೇ ಅಥವಾ ನಕಲಿಯೇ ಎಂಬ ಕುರಿತು ಯಾವ ಪುರಾವೆಗಳು ಇಲ್ಲ.

ಮತ್ತೊಂದು ವಿಡಿಯೋದಲ್ಲಿ ಆತ ತನ್ನ ಐಷಾರಾಮಿ ಕಾರಿನಲ್ಲಿ ರಾಶಿ ರಾಶಿ ಹಣವನ್ನು ತುಂಬಿಕೊಂಡು ರಸ್ತೆಯಲ್ಲಿ ಸಿಕ್ಕ ವ್ಯಕ್ತಿಯೊಬ್ಬನಿಗೆ ಒಂದು ಕಂತೆ ಹಣ ನೀಡುತ್ತಿದ್ದಾನೆ. ಆತ ಇದು ಏಕೆ ಎಂದು ಪ್ರಶ್ನೆ ಮಾಡಿದಾಗ ನಾನು ನಿಮಗೆ ಕೊಡುತ್ತಿರುವುದು, ಈ ಹಣ ನಿಮಗೆ ಎನ್ನುತ್ತಿದ್ದಾನೆ. ಈ ವೇಳೆ ಆತನ ಕಾರಿನಲ್ಲಿ ಕಂತೆ ಕಂತೆ ಹಣ ಇಟ್ಟುಕೊಂಡಿರುವುದು ನೋಡಬಹುದು.

ಈ ವಿಡಿಯೋ ಬರೋಬ್ಬರಿ 8.5 ಮಿಲಿಯನ್ ವೀಕ್ಷಣೆ ಕಂಡಿದೆ. ಜೊತೆಗೆ ಆತನ ಖಾತೆಯಲ್ಲಿ ಹಣ ಹಂಚುವ ಹತ್ತಾರು ವಿಡಿಯೋಗಳು ಸಹ ಕಾಣಸಿಗುತ್ತವೆ. ಒಂದು ವಿಡಿಯೋದಲ್ಲಿ ಆತ ಹೆಲಿಕಾಪ್ಟರ್ ಮೂಲಕವೂ ಹಣ ಹಂಚುತ್ತಿದ್ದಾನೆ.

ಕೆಲವರು ಈ ಹಣವನ್ನು ನಕಲಿ ಎಂದು ಅನುಮಾನಿಸಿದ್ದಾರೆ, ಇತರರು ಫೆಡರ್ ಅವರ ಅದ್ದೂರಿ ಜೀವನಶೈಲಿ ಕುರಿತು ಮಾತನಾಡುತ್ತಾರೆ. ಆತ ಹುಟ್ಟಿನಿಂದಲೇ ಶ್ರೀಮಂತ ಎಂದು ಕೆಲವರು ಹೇಳುತ್ತಿದ್ದಾರೆ. ಆದರೆ ಯಾವುದಕ್ಕೂ ಇಲ್ಲಿ ಉತ್ತರವಿಲ್ಲ. ಆದರೆ ವಿಡಿಯೋ ನೋಡಿದ ಮಂದಿಗೆ ಶಾಕ್ ಆಗಿದೆ.

ಆತ ಅಷ್ಟೊಂದು ಹಣ ಗಳಿಸಲು ಸಾಧ್ಯವೇ ಇಲ್ಲ ಎಂಬುದು ಹಲವರ ವಾದವಾಗಿದೆ. ವಿಶ್ವದ ಶ್ರೀಮಂತ ಯೂಟ್ಯೂಬರ್ ಸಹ ಇಷ್ಟು ಹಣ ಗಳಿಸುವುದಿಲ್ಲ. ಎಲಾನ್ ಮಸ್ಕ್ ಬಳಿಯೂ ಇಷ್ಟೊಂದು ಲಿಕ್ವಿಡ್ ಕ್ಯಾಶ್ ಇರಲು ಸಾಧ್ಯವೇ ಇಲ್ಲ. ಹೀಗಿದ್ದಾಗ ಆತ ಪ್ರದರ್ಶಿಸುತ್ತಿರುವ ಹಣ ಅಸಲಿಯಾಗಿರಲು ಸಾಧ್ಯವೇ ಇಲ್ಲ ಎಂಬುದು ಹಲವರ ವಾದವಾಗಿದೆ.