ಸುದರ್ಶನ ಹೋಮದ ಪ್ರಯೋಜನಗಳೇನು? ಬೇಕಾಗುವ ಸಾಮಗ್ರಗಳೇನು?

ಹಿಂದೂ ಧರ್ಮದಲ್ಲಿ ಸುದರ್ಶನ ಹೋಮಕ್ಕೆ ತುಂಬಾನೇ ಮಹತ್ವವಿದೆ, ಮನೆಗೆ ಒಳಿತಾಗಲಿ ಎಂದು ಸುದರ್ಶನ ಹೋಮ ಮಾಡಲಾಗುವುದು. ಈ ಸುದರ್ಶನ ಹೋಮವನ್ನು ಭಾರತದಲ್ಲಿ ಮಾತ್ರವಲ್ಲ ಶ್ರೀಲಂಕಾ, ನೇಪಾಳ, ಸಿಂಗಾಪುರ, ಮಲೇಷ್ಯಾ, ಬೂತಾನ್‌ನಲ್ಲೂ ನಡೆಸುತ್ತಾರೆ. ಭಾರತದ ಪ್ರಸಿದ್ಧ ಶ್ರೀ ಸುದರ್ಶನ ಭಗವಂತನ ದೇವಾಲಯ ನಮ್ಮ ಕರ್ನಾಟಕದ ಶ್ರೀರಂಗಪಟ್ಟಣದಲ್ಲಿದೆ.

ಈ ಸುದರ್ಶನ ಹೋಮದ ಮಹತ್ವವೇನು? ಯಾವಾಗ ಸುದರ್ಶನ ಹೋಮ ಮಾಡಲಾಗುವುದು, ಇದನ್ನು ಮಾಡುವುದರಿಂದ ದೊರೆಯುವ ಪ್ರಯೋಜನಗಳೇನು ಎಂದು ನೋಡೋಣ ಬನ್ನಿ:

ಸುದರ್ಶನ ಹೋಮ ಎಂದರೇನು?
ಸುದರ್ಶನ ಹೋಮ ಸಂಸ್ಕೃತದಿಂದ ಬಂದ ಪದವಾಗಿದೆ. ಸು ಎಂದರೆ ಒಳ್ಳೆಯದು, ಶುಭ ಎಂದರ್ಥ, ದರ್ಶನ ಎಂದರೆ ಒಳ್ಳೆಯ ದೃಷ್ಟಿ ಎಂದರ್ಥ. ಯಾರು ಸುದರ್ಶನ ಹೋಮವನ್ನು ಮಾಡುತ್ತಾರೋ ಅವರು ಸುದರ್ಶನ ಭಗವಂತನ ಆಶೀರ್ವಾದವನ್ನು ಪಡೆಯುತ್ತಾರೆ. ಶ್ರೀ ವಿಷ್ಣು ಕೂಡ ಸುದರ್ಶನ ಚಕ್ರ ಹಿಡಿದಿದ್ದಾರೆ. ಸುದರ್ಶನ ಹೋಮ ಮಾಡುವುದರಿಂದ ಒಳಿತಾಗುವುದು ಎಂಬ ನಂಬಿಕೆಯಿದೆ.

ಯಾವಾಗ ಸುದರ್ಶನ ಹೋಮ ಮಾಡಲಾಗುವುದು?
ಸುದರ್ಶನ ಹೋಮವನ್ನು ಏಕಾದಶಿ, ದ್ವಾದಶಿ, ಹುಣ್ಣಿಮೆಯಂದು ಮಾಡಲಾಗುವುದು.

ಸುದರ್ಶನ ಹೋಮವನ್ನು ಏಕೆ ಮಾಡಲಾಗುವುದು?
ಕೆಟ್ಟ ದೃಷ್ಟಿ ಹೋಗಲಿ, ಶತ್ರುಗಳ ಕಾಟ ತಪ್ಪಲಿ, ಎಲ್ಲವೂ ಒಳಿತಾಗಲಿ ಆರೋಗ್ಯ ಉತ್ತಮವಾಗಲಿ ಎಂದು ಸುದರ್ಶನ ಹೋಮವನ್ನು ಮಾಡಲಾಗುವುದು. ಈ ಹೋಮವನ್ನು ಮಾಡುವುದರಿಂದ ಅನಗ್ಯತ ಚಿಂತೆಗಳು ದೂರಾಗಲಿದೆ, ಕಷ್ಟಗಳು ದೂರಾಗುವುದು ಎಂದು ಹೇಳಲಾಗುವುದು. ಈ ಹೋಮ ಮಾಡುವುದರಿಂದ ಅನಾಹುತ ಸಂಭವಿಸಲಿದ್ದರೆ ಅವೆಲ್ಲವೂ ದೂರಾಗುವುದು ಎಂಬ ನಂಬಿಕೆಯಿದೆ.

ಸುದರ್ಶನ ಹೋಮಕ್ಕೆ ಬೇಕಾಗುವ ಸಾಮಗ್ರಿ
ತುಳಸಿ ಎಲೆ
ಗಂಧದ ಕಡ್ಡಿ
ಹಣ್ಣುಗಳು
ಹೂವುಗಳು
ಸುದರ್ಶನ ಯಂತ್ರ
ಪ್ರಸಾದ

ಸುದರ್ಶನ ಹೋಮ ಮಾಡುವುದು ಹೇಗೆ?
* ಸುದರ್ಶನ ಮೂರ್ತಿಯನ್ನು ಇಟ್ಟು ಮಂತ್ರಗಳನ್ನು ಹೇಳಲಾಗುವುದು
* ದೇವರಿಗೆ ಪಂಚಾಮೃತ ಅಭಿಷೇಕ ಮಾಡಲಾಗುವುದು
* ದೇವರಿಗೆ ತುಪ್ಪ, ಜೇನು ತುಪ್ಪ, ಡ್ರೈಫ್ರೂಟ್ಸ್ ಅರ್ಪಿಸಲಾಗುವುದು
* ಹೋಮದ ಬಳಿಕ ಅಗ್ನಿಕುಂಡದ ಸುತ್ತ ಸುತ್ತು ಬರಬೇಕು.
*ಹೋಮದ ಬಸ್ಮವನ್ನು ಹಣೆಗೆ ಹಚ್ಚಿ.