ಒಬ್ಬನೇ ಹುಡುಗನ ಜೊತೆ 4 ಹೆಣ್ಮಕ್ಕಳ ಮದುವೆ ವೀಡಿಯೋ ವೈರಲ್: ಇದು ಮದುವೆಯ ಕತೆಯೇನು?

ಮದುವೆ ಎಂಬುವುದು ಪವಿತ್ರ ಬಂಧನ, ನಾವಿಬ್ಬರು ಇನ್ನು ಮುಂದಿನ ಜೀವನವನ್ನು ಜೊತೆಯಾಗಿ ಹೆಜ್ಜೆ ಹಾಕುತ್ತೇವೆ ಎಂದು ಸಪ್ತಪದಿ ತುಳಿಯುತ್ತಾರೆ. ಆದರೆ ಇಲ್ಲೊಬ್ಬ ವರ ನಾಲ್ಕು ಹೆಣ್ಣು ಮಕ್ಕಳ ಜೊತೆ ಸಪ್ತಪದಿ ತುಳಿದಿದ್ದಾನೆ, ಇದೀಗ ಈ ಮದುವೆ ವೀಡಿಯೋ ಸಾಮಾಜಿಕ ತಾಣದಲ್ಲಿ ತುಂಬಾನೇ ವೈರಲ್ ಆಗುತ್ತಿದೆ.

ಹಿಂದೂ ಧರ್ಮದ ಆಚರಣೆಯಂತೆ ಕಾಣುವ ಮದುವೆ ಇದಾಗಿದ್ದು ಹುಡುಗ ವರನಂತೆಯೇ ಅಲಂಕೃತನಾಗಿದ್ದಾನೆ, ನಾಲ್ಕು ಹೆಣ್ಮಕ್ಕಳು ನವವಧುಗಳಾಗಿ ಸಿಂಗರಿಸಿ ಒಬ್ಬರ ಹಿಂದೆ ಒಬ್ಬರಂತೆ ಸುತ್ತು ಬರುತ್ತಿದ್ದಾರೆ, ವರನ ಹೆಗಲಿನಲ್ಲಿರುವ ಪಿಂಕ್ ವಸ್ತ್ರವನ್ನು ಎಲ್ಲರೂ ಹಿಡಿದು ಸುತ್ತು ಬರುತ್ತಿದ್ದಾರೆ, ಇದನ್ನು ನೋಡಿದವರು ಹುಡುಗನಿಗೆ ಸೂಪರ್ ಬಂಪರ್ ಎಂದು ಕಮೆಂಟ್ ಮಾಡುತ್ತಿದ್ದಾರೆ.

ಈ ವೀಡಿಯೋದಲ್ಲಿ ವರ ತುಂಬಾ ಖುಷಿ ಖುಷಿಯಾಗಿ ಹೆಜ್ಜೆ ಹಾಕುತ್ತಿದ್ದಾನೆ, ವಧುಗಳು ಅಷ್ಟೇ ನಾಜೂಕಾಗಿ ಅವನ ಹಿಂದೆ ಸುತ್ತು ಬರುತ್ತಿದ್ದಾರೆ, ಸುತ್ತು ಬಂದ ನಂತರ ನಾಲ್ವರು ಪತಿಯ ಪಾದ ಮುಟ್ಟಿ ನಮಸ್ಕರಿಸಿದ್ದಾರೆ.

ಈ ವೀಡಿಯೋವನ್ನು ನೋಡಿದವರು ಒಂದೊಂದು ಬಗೆಯ ಕಮೆಂಟ್ ಹಾಕುತ್ತಿದ್ದಾರೆ, ಅದರಲ್ಲಿ ಕೆಲ ಕಮೆಂಟ್‌ಗಳು ಗಮನ ಸೆಳೆಯುತ್ತಿವೆ...

ರಿಯಲ್ ಅಲ್ಲ ರೀಲ್ ಮದುವೆ
ಈ ವೀಡಿಯೋ ನೋಡಿದ ಬಹುತೇಕ ನೆಟ್ಟಿಗರು ಇದು ರಿಯಲ್ ಅಲ್ಲ ಯಾವುದೋ ರೀಲ್ಸ್‌ಗಾಗಿ ಮಾಡಿದ ನಟನೆ ಎಂದು ಹೇಳುತ್ತಿದ್ದಾರೆ. ಅವರು ಆ ರೀತಿ ಹೇಳುವುದಕ್ಕೆ ಕಾರಣವೂ ಇದೆ.

ಉಲ್ಟಾವಾಗಿ ಹೆಜ್ಜೆ ಹಾಕುತ್ತಿದ್ದಾರೆ
ಆ ಮದುವೆ ವೀಡಿಯೋದಲ್ಲಿ ವರನೊಂದಿಗೆ ವಧುಗಳು ಉಲ್ಟಾ ಹೆಜ್ಜೆ ಹಾಕುತ್ತಿದ್ದಾರೆ, ಅಲ್ಲದೆ ಆ ಮದುವೆಯಲ್ಲಿ ಎಲ್ಲವೂ ರೀಲ್ಟ್‌ ಸೆಟ್‌ಅಪ್‌ನಂತೆ ಕಾಣುತ್ತಿದೆ. ಸ್ವಲ್ಪ ಸ್ನೇಹಿತರು ಅಕ್ಷತೆ ಹಾಕುತ್ತಿದ್ದಾರೆ, ಅವರ ಮುಖದಲ್ಲಿ ತಮಾಷೆ ಎದ್ದು ಕಾಣುತ್ತಿದೆ, ಹೀಗಾಗಿ ಇದನ್ನು ರಿಯಲ್ ಅಲ್ಲ, ರೀಲ್ಸ್ ಎಂದು ಹೇಳುತ್ತಿದ್ದಾರೆ.

ಅಕ್ಕ-ತಂಗಿ ಒಬ್ಬರನ್ನೇ ಮದುವೆಯಾದ ಎಷ್ಟೋ ಉದಾಹರಣೆಗಳಿವೆ
ಅಕ್ಕ-ತಂಗಿ ಬಾಂಧವ್ಯ ತುಂಬಾ ಗಟ್ಟಿಯಾಗಿದ್ದಾಗ ಒಬ್ಬನನ್ನೇ ಮದುವೆಯಾಗಿರುವ ಎಷ್ಟೋ ಉದಾಹರಣೆಗಳಿಗೆ, ಉದಾಹರಣೆಗೆ ನಟಿ ಶ್ರುತಿಯವರ ತಂದೆ-ತಾಯಂದಿರು.

ಇನ್ನು ಕೆಲ ಅವಳಿ ಅಕ್ಕ-ತಂಗಿ ಒಬ್ಬರನ್ನೇ ಒಂದೇ ಮಂಟಪದಲ್ಲಿ ಮದುವೆಯಾದ ಉದಾಹರಣೆಗಳಿವೆ. ಇನ್ನು ಕೆಲವರು ಬೇರೆ-ಬೇರೆ ಸಂದರ್ಭದಲ್ಲಿ ಮದುವೆಯಾಗಿ 4-5 ಹೆಂಡತಿಯನ್ನು ಹೊಂದಿದ್ದಾರೆ.

ಆದರೆ ಒಂದೇ ಮಂಟಪದಲ್ಲಿ ನಾಲ್ಕು ಜನ ವಧುವಿನ ಜೊತೆ ಹೆಜ್ಜೆ ಹಾಕಿರುವ ಘಟನೆ ಭಾರತದಲ್ಲಿ ನಡೆದಿದೆಯೋ ಗೊತ್ತಿಲ್ಲ, ನಿಮಗೆ ಗೊತ್ತಿದ್ದರೆ ಕಮೆಂಟ್ ಮಾಡಿ....