ಡ್ರೈವರ್‌ ಇಲ್ಲದೆ 80 ಕಿ.ಮೀ ಚಲಿಸಿದ ಟ್ರೈನ್: ಎದೆ ಝಲ್ ಎನಿಸುವ ವೀಡಿಯೋ ವೈರಲ್‌

ಡ್ರೈವರ್‌ ಇಲ್ಲದೆ ಚಲಿಸಿದ ಟ್ರೈನ್‌ ವೀಡಿಯೋ ಸಾಮಾಜಿಕ ತಾಣದಲ್ಲಿ ವೈರಲ್ ಆಗಿದೆ. ಈ ಘಟನೆ ಪಂಜಾಬ್‌ನಲ್ಲಿ ನಡೆದಿದೆ. ಆದರೂ ದೇವರ ಪವಾಡ ಅಂತಲೋ ಅಥವಾ ರೈಲ್ವೆ ಇಲಾಖೆಯ ಚುರುಕುತನವೋ ಗೊತ್ತಿಲ್ಲ ದೊಡ್ಡ ಅಪಾಯ ತಪ್ಪಿದೆ. ಇದೊಂದು ಗೂಡ್ಸ್‌ ಟ್ರೈನ್‌, ಡ್ರೈವರ್‌ ಇಲ್ಲದೆ ವೇಗವಾಗಿ ಚಲಿಸುವುದನ್ನು ವೀಡಿಯೋದಲ್ಲಿ ಕಾಣಬಹುದು.

ಈ ಟ್ರೈನ್‌ ಜಮ್ಮು ಕಾಶ್ಮೀರದಿಂದ ಬಂದ ಈ ಟ್ರೈನ್‌ ಪಂಜಾಬ್‌ನ ಉಂಚಿ ಬಸ್ಸಿಯ ದಾಸುಯಾದಲ್ಲಿ ನಿಂತಿತ್ತು, ಆದರೆ ಇದ್ದಕ್ಕಿದ್ದಂತೆ ಆ ಟ್ರೈನ್‌ ಸ್ಟಾರ್ಟ್‌ ಆಗಿ ಚಲಿಸಲಾರಂಭಿಸಿತು, ಚಲಿಸಿದ್ದು ಒಂದೆರಡು ಕಿಲೋ ಮೀಟರ್‌ ಅಲ್ಲ ಬರೋಬರಿ 80 ಕಿ.ಮೀ. ಈ ಟ್ರೈನ್‌ ಗಮಟೆಗೆ 100 ಕಿ.ಮೀ ವೇಗದಲ್ಲಿ ಚಲಿಸಿದ್ದು, ರೈಲ್ವೆ ಟ್ರ್ಯಾಕ್‌ನಲ್ಲಿಯೇ ಚಲಿಸಿದ್ದು ಇನ್ನೂ ವಿಶೇಷ.

ಟ್ರೈನ್‌ ಡ್ರೈವರ್‌ ಇಲ್ಲದೆ ಚಲಿಸುತ್ತಿರುವುದನ್ನು ನೋಡಿ ರೈಲ್ವೆ ಇಲಾಖೆಯವರು ತಮ್ಮ ತಂತ್ರಜ್ಞಾನ, ತಮ್ಮ ಬುದ್ಧಿವಂತಿಕೆ ಎಲ್ಲಾ ಬಳಸಿ ಈ ಟ್ರೈನ್‌ ಅನ್ನು ನಿಲ್ಲಿಸುವ ಪ್ರಯತ್ನ ಮಾಡಿದ್ದಾರೆ. ಏಕೆ ಟ್ರೈನ್‌ ಡ್ರೈವರ್‌ ಇಲ್ಲದೆ ಚಲಿಸಿತು ಎಂಬುವುದರ ಬಗ್ಗೆ ತನಿಖೆ ಮಾಡಲು ಆಫೀಸರ್‌ಗಳು ಹಾಗೂ ತಂತ್ರಜ್ಞರು ಆ ಸ್ಥಳಕ್ಕೆ ಬಂದಿದ್ದಾರೆ.

ಇದೇ ರೀತಿಯ ಘಟನೆ 2016ರಲ್ಲಿ ನಡೆದಿತ್ತು, ಅದು ಪ್ರಯಾಣಿಕರಿರುವ ಟ್ರೈನ್ ಆಗಿತ್ತು, ಆದರೆ ಅದೃಷ್ಟವಶಾತ್‌ ಪ್ರಯಾಣಿಕರು ಪಾರಾಗಿದ್ದರು. ಆ ಟ್ರೈನ್ ಡ್ರೈವರ್‌ ಇಲ್ಲದೆ ಸುಮಾರು 15 ಕಿ. ಮೀ ಪ್ರಯಾಣ ಮಾಡಿತ್ತು.

ಒಂದೋ ಆ ಟ್ರೈನ್‌ ಇಳಿಜಾರಿನಲ್ಲಿ ಇರಬಹುದು, ಅಥವಾ ಇಂಜಿನ್‌ನ ವ್ಯಾಕ್ಯೂಮ್‌ ಬ್ರೇಕ್‌ ಸಿಸ್ಟಮ್ ಬ್ರೇಕ್ ಆಗಿರಬಹುದು ಹೀಗೆ ಯಾವುದೋ ಒಂದು ಕಾರಣಕ್ಕೆ ಟ್ರೈನ್ ಚಲಿಸಿರಬಹುದು ಎಂದು ಊಹಿಸಲಾಗಿದೆ, ಆದರೆ ಟ್ರೈನ್‌ ಚಲಿಸಲು ನಿಖರ ಕಾರಣವೇನು ಎಂಬುವುದು ಇನ್ನು ತಿಳಿಯಬೇಕಷ್ಟೆ. ಆದರೆ ಆ ವೀಡಿಯೋ ನೋಡುವಾಗ ಭಯವಾಗುತ್ತೆ, ಟ್ರ್ಯಾಕ್‌ನಲ್ಲಿಯೇ ಚಲಿಸುವ ಆ ಟ್ರೈನ್ ನೋಡುವಾಗ ಡ್ರೈವರ್‌ ಇಲ್ಲದೆ ಹೋಗುತ್ತಿದೆ ಎಂದು ಹೇಳಲು ಕಷ್ಟವಾಗುವುದು, ಯಾರೋ ಓಡಿಸುವ ರೀತಿಯಲ್ಲಿ ಆ ಟ್ರೈನ್‌ ಹೋಗುತ್ತಿರುವುದು ನೀವು ನೋಡಬಹುದು.