ಪುರುಷರಿಗೆ ಬಲಗಣ್ಣು ಮಹಿಳೆಯರಿಗೆ ಎಡಗಣ್ಣು ಹಾರಿದರೆ ಏನರ್ಥ?

ಒಮ್ಮೊಮ್ಮೆ ನಮ್ಮ ಬಲಗಣ್ಣು ಅಥವಾ ಎಡಗಣ್ಣು ಹಾರುವುದು, ಈ ರೀತಿಯಾದಾಗ ಶುಭ, ಅಶುಭ ಎಂಬ ನಂಬಿಕೆಗಳಿವೆ. ಪುರುಷರಿಗೆ ಬಲಗಣ್ಣು ಹಾರಿದರೆ ಒಳ್ಳೆಯದು, ಮಹಿಳೆಯರಿಗೆ ಎಡಗಣ್ಣು ಹಾರಿದರೆ ಒಳ್ಳೆಯದು ಎಂದು ಹೇಳುತ್ತಾರೆ. ಕೆಲವೊಮ್ಮೆ ಕೆಲವೊಂದು ಗಂಟೆಗಳವರೆಗೆ ಈ ರೀತಿಯಾಗಿ ನಂತರ ಸರಿಹೋಗುವುದು.

ಆದರೆ ಇನ್ನು ಕೆಲವೊಮ್ಮೆ ಒಂದು ದಿನವಾದ ಕಣ್ರೆಪ್ಪೆ ಹಾರುವುದು ನಿಲ್ಲುವುದಿಲ್ಲ.
ಈ ರೀತಿ ಕಣ್ಣು ಹಾರಿದಾಗ ಅದನ್ನು ನಿಯಂತ್ರಿಸಲು ನಮ್ಮಿಂದ ಸಾಧ್ಯವಾಗುವುದಿಲ್ಲ. ಈ ರೀತಿ ಕಣ್ಣು ಹಾರುವುದರ ಹಿಂದಿರುವ ನಂಬಿಕೆಗಳೇನು? ವೈಜ್ಞಾನಿಕ ಕಾರಣಗಳೇನು ಎಂಬುವುದೆಲ್ಲಾ ಎಂದು ನೋಡೋಣ ಬನ್ನಿ:

ಕಣ್ಣುಅದುರುವುದು ಅಥವಾ ಹಾರುವುದರ ಹಿಂದಿರುವ ನಂಬಿಕೆಗಳು
* ವೈದಿಕ ಶಾಸ್ತ್ರದ ಪ್ರಕಾರ ಬಲಗಣ್ಣು ಹಾರಿದರೆ ಒಳ್ಳೆಯದು, ಎಡಗಣ್ಣು ಹಾರಿದರೆ ಒಳ್ಳೆಯದಲ್ಲ ಎಂಬ ನಂಬಿಕೆ ಇದೆ. ನಮ್ಮ ಬಲಗಣ್ಣು ಹಾರಿದರೆ ಏನೋ ಶುಭ ಸೂಚನೆಯಾಗಿದೆ ಎಂದು ಜನರು ಹೇಳಿದರೆ, ಎಡಗಣ್ಣು ಅಶುಭದ ಸೂಚನೆಯಾಗಿದೆ ಎಂದು ಹೇಳಲಾಗುವುದು.
ಲಿಂಗದ ಆಧಾರದ ಮೇಲೂ ಹೇಳಲಾಗುವುದು
ಪುರುಷರ ಬಲಗಣ್ಣು ಹಾರಿದರೆ ತುಂಬಾ ಒಳ್ಳೆಯದು, ಪುರುಷರಿಗೆ ಬಲಗಣ್ಣು ಹಾರಿದರೆ ಅವರ ಇಷ್ಟಾರ್ಥಗಳು ನೆರವೇರಲಿದೆ ಎಂಬುವುದರ ಸೂಚನೆಯಾಗಿದೆ. ಮಹಿಳೆಯರಿಗೆ ಎಡಗಣ್ಣು ಹಾರಿದರೆ ತುಂಬಾ ಒಳ್ಳೆಯದು. ಎಡಗಣ್ಣು ಹಾರಿದರೆ ಒಳ್ಳೆಯದಾಗುತ್ತದೆ ಎಂಬೆಲ್ಲಾ ನಂಬಿಕೆಗಳಿವೆ. ಇವುಗಳು ನಂಬಿಕೆಗಳೇ, ಮೂಢನಂಬಿಕೆಗಳೇ ಎಂಬುವುದು ಅವರವರ ಇಚ್ಛೆಗೆ ಬಿಟ್ಟದ್ದು.

ಇದರ ಹಿಂದಿರುವ ವೈಜ್ಞಾನಿಕ ಕಾರಣಗಳೇನು?
ಕಣ್ಣು ಹಾರುವುದರ ಹಿಂದೆ ವೈಜ್ಞಾನಿಕ ಕಾರಣಗಳೂ ಇವೆ. ಕಣ್ಣಿನ ಬಳಿಯ ನರಗಳು ದುರ್ಬಲವಾದಾಗ ಅಥವಾ ಬಳಲಿದಾಗ ಈ ರೀತಿ ಉಂಟಾಗುವುದು. . ಡಿಮ್‌ ಲೈಟ್‌ನಲ್ಲಿ ಕೆಲಸ ಮಾಡಿದಾಗ, ಸರಿಯಾಗಿ ನಿದ್ದೆ ಮಾಡದಿದ್ದರೆ, ತುಂಬಾ ಕೆಫೀನ್‌ ಪದಾರ್ಥಗನ್ನು ಸೇವಿಸಿದಾಗ, ನರ ಸಂಬಂಧಿತ ಸಮಸ್ಯೆ ಉಂಟಾದಾಗ, ತುಂಬಾ ಹೊತ್ತು ಕಂಪ್ಯೂಟರ್ ಮುಂದೆ ಕೂರುವುದರಿಂದ ಈ ರೀತಿ ಉಂಟಾಗುವುದು.

ಯಾವಾಗ ವೈದ್ಯರನ್ನು ಕಾಣಬೇಕು?
ಕಣ್ಣು ಹಾರಿದಾಗ ಯಾವುದೇ ಸಮಸ್ಯೆ ಇಲ್ಲ, ಕಣ್ಣು ಕೆಂಪಗಾದರೆ ವೈದ್ಯರಿಗೆ ತೋರಿಸಬೇಕು.
ವಿಟಮಿನ್ ಕೊರತೆಯಿಂದ ಕಣ್ಣು ಹಾರುವುದೇ?
ವಿಟಮಿನ್ ಬಿ 12, ವಿಟಮಿನ್ ಡಿ, ಮೆಗ್ನಿಷ್ಯಿಯಂ , ಎಲೆಕ್ಟ್ರೋಲೈಟ್ಸ್‌ ಕೊರತೆಯಾದಾಗ ಈ ರೀತಿ ಉಂಟಾಗುವುದು.