ಮಕರ ಸಂಕ್ರಾಂತಿ, ಏಕಾದಶಿ; ಜನವರಿ 2024ರಲ್ಲಿನ ಪ್ರಮುಖ ಹಬ್ಬ, ಮುಹೂರ್ತಗಳು..!

ಹೊಸ ವರ್ಷದ ಮೊದಲ ತಿಂಗಳ ಜನವರಿಯನ್ನು ಬಹಳ ವಿಶೇಷವೆಂದು ಪರಿಗಣಿಸಲಾಗುತ್ತದೆ. ಜನವರಿಯಲ್ಲಿ ಅನೇಕ ಪ್ರಮುಖ ಉಪವಾಸಗಳು ಮತ್ತು ಹಬ್ಬಗಳನ್ನು ಆಚರಿಸಲಾಗುತ್ತದೆ. ಪ್ರತಿ ವರ್ಷದಂತೆ, ಈ ವರ್ಷವೂ ಜನವರಿಯಲ್ಲಿ ಏಕಾದಶಿ, ಮಕರ ಸಂಕ್ರಾಂತಿಯಂತಹ ಅನೇಕ ಉಪವಾಸಗಳು ಮತ್ತು ಹಬ್ಬಗಳನ್ನು ಆಚರಿಸಲಾಗುತ್ತದೆ. ಅಲ್ಲದೆ ಈ ತಿಂಗಳು ಹಲವು ಗ್ರಹಗಳ ಸಂಚಾರವೂ ಬದಲಾಗಲಿದೆ. ಹೀಗಿರುವಾಗ ಹೊಸ ವರ್ಷದ ಮೊದಲ ತಿಂಗಳಲ್ಲಿ ಅಂದರೆ ಜನವರಿಯಲ್ಲಿ ಯಾವಾಗ ಉಪವಾಸ, ಹಬ್ಬಗಳು ಬರುತ್ತವೆ ಎಂಬುದನ್ನು ನೋಡೋಣ.

4 ಜನವರಿ, ಗುರುವಾರ - ಕಲಷ್ಟಮಿ
7 ಜನವರಿ, ಭಾನುವಾರ - ಸಫಲ ಏಕಾದಶಿ
9 ಜನವರಿ, ಮಂಗಳವಾರ- ಮಾಸಿಕ ಶಿವರಾತ್ರಿ, ಪ್ರದೋಷ ವ್ರತ
11 ಜನವರಿ, ಗುರುವಾರ - ಪೌಷ ಅಮಾವಾಸ್ಯೆ
ಜನವರಿ 14, ಭಾನುವಾರ - ಲೋಹ್ರಿ
15 ಜನವರಿ, ಸೋಮವಾರ- ಪೊಂಗಲ್, ಉತ್ತರಾಯಣ, ಮಕರ ಸಂಕ್ರಾಂತಿ

16 ಜನವರಿ, ಮಂಗಳವಾರ- ಮಾಗ್ ಬಿಹು
17 ಜನವರಿ, ಬುಧವಾರ - ಗುರು ಗೋವಿಂದ್ ಸಿಂಗ್ ಜಯಂತಿ
18 ಜನವರಿ, ಗುರುವಾರ - ಮಾಸಿಕ ದುರ್ಗಾಷ್ಟಮಿ
21 ಜನವರಿ, ಭಾನುವಾರ - ಪೌಷ ಪುತ್ರಾದ ಏಕಾದಶಿ
23 ಜನವರಿ, ಮಂಗಳವಾರ- ಪ್ರದೋಷ ವ್ರತ
25 ಜನವರಿ, ಗುರುವಾರ- ಪೌಷ ಪೂರ್ಣಿಮಾ ವ್ರತ
26 ಜನವರಿ, ಶುಕ್ರವಾರ - ಗಣರಾಜ್ಯೋತ್ಸವ

ಹಿಂದೂ ಕ್ಯಾಲೆಂಡರ್ ಪ್ರಕಾರ ಪ್ರತಿ ತಿಂಗಳ ಕೃಷ್ಣ ಪಕ್ಷದ ಚತುರ್ದಶಿ ದಿನಾಂಕದಂದು ಮಾಸಿಕ ಶಿವರಾತ್ರಿಯನ್ನು ಆಚರಿಸಲಾಗುತ್ತದೆ. ಶಿವನ ಆಶೀರ್ವಾದ ಪಡೆಯಲು ಈ ದಿನ ಶುಭದಿನ. ಈ ದಿನ ಭಕ್ತರು ಪರಮೇಶ್ವರನನ್ನು ಪೂಜಿಸಿ ಸಂಪನ್ನರಾಗುತ್ತಾರೆ.

ಗ್ರಹಗಳ ರಾಜ ಎಂದೇ ಕರೆಯಲ್ಪಡುವ ಬುಧ ಜನವರಿ 2, 2024 ರಂದು ವೃಶ್ಚಿಕ ರಾಶಿಯನ್ನು ಪ್ರವೇಶಿಸಿದ್ದಾನೆ. ಇದಾದ ನಂತರ ಜನವರಿ 15ರಂದು ಸೂರ್ಯನು ಧನು ರಾಶಿಯಿಂದ ಮಕರ ರಾಶಿಯನ್ನು ಪ್ರವೇಶಿಸಲಿದ್ದಾನೆ. ಈ ದಿನ ಮಕರ ಸಂಕ್ರಾಂತಿಯನ್ನು ಆಚರಿಸಲಾಗುವುದು. ಅದೇ ಸಮಯದಲ್ಲಿ ಶುಕ್ರನು ಕೂಡ ವೃಶ್ಚಿಕ ರಾಶಿಯನ್ನು ಬಿಟ್ಟು ಜನವರಿ 18 ರಂದು ಧನು ರಾಶಿಗೆ ಪ್ರವೇಶ ಪಡೆಯಲಿದ್ದಾನೆ.

ಜನವರಿಯಲ್ಲಿ ಪ್ರಮುಖ ಆಚರಣೆ ಎಂದರೆ ಮಕರ ಸಂಕ್ರಾಂತಿಯಾಗಿದೆ. ಇದನ್ನು ಪೊಂಗಲ್, ಉತ್ತರಾಯಣ, ಲೊಹ್ರಿ ಅಂತಲೂ ಹಲವು ಕಡೆ ಆಚರಿಸುತ್ತಾರೆ. ಮಕರ ಸಂಕ್ರಾಂತಿಯನ್ನು ಸುಗ್ಗಿ ಹಬ್ಬ ಎಂದು ಕರೆಯಲಾಗುತ್ತದೆ. ಆದರೆ ಈ ಹಬ್ಬದ ಆಚರಣೆ ರಾಜ್ಯದಿಂದ ರಾಜ್ಯಕ್ಕೆ ವಿಭಿನ್ನವಾಗಿದೆ.

ಈ ದಿನದಂದು ಸಮೃದ್ಧ ಫಸಲು ನೀಡಿದ ದೇವರಿಗೆ ಕೃತಜ್ಞತೆ ಅರ್ಪಿಸುವ ಮೂಲಕ ಆಚರಿಸಲಾಗುತ್ತದೆ. ಈ ಹಬ್ಬದಂದು ಎಳ್ಳು-ಬೆಲ್ಲ ಹಂಚಿ ಶುಭಾಶಯ ಕೋರಲಾಗುತ್ತದೆ. ಮಹಿಳೆಯರು ಬಾಗಿನ ನೀಡುವ ಮೂಲಕ ಹಬ್ಬ ಆಚರಿಸುತ್ತಾರೆ. ಹಸುಗಳನ್ನು ಅಲಂಕರಿಸಿದ ಮೆರವಣಿಗೆ ಮಾಡುವುದು ಈ ಹಬ್ಬದ ವಿಶೇಷ. ಹಾಗೆ ಗ್ರಾಮೀಣ ಭಾಗದಲ್ಲಿ ಎತ್ತುಗಳನ್ನು ಬೆಂಕಿಯ ಮೇಲೆ ಹಾರಿಸಿ ಈ ಹಬ್ಬ ಆಚರಿಸಲಾಗುತ್ತದೆ. ಈ ಹಬ್ಬದಿಂದ ಸೂರ್ಯ ತನ್ನ ದಿಕ್ಕನ್ನು ಬದಲಿಸುತ್ತಾನೆ ಎನ್ನಲಾಗಿದೆ. ಅಲ್ಲದೆ ಈ ಹಬ್ಬವೇ ಚಳಿಗಾಲದ ಅಂತ್ಯವೆನ್ನಲಾಗುತ್ತದೆ. ಅಲ್ಲದೆ ಈ ದಿನದಿಂದ ಕತ್ತಲು ಕಡಿಮೆಯಾಗಿ ಬೆಳಕು ಹೆಚ್ಚಾಗುತ್ತದೆ.

ಸೂರ್ಯನು ಧನು ರಾಶಿಯಿಂದ ಮಕರ ರಾಶಿಯನ್ನು ಪ್ರವೇಶಿಸಿದಾಗ ಈ ಸಂಕ್ರಮಣವನ್ನು ಮಕರ ಸಂಕ್ರಾಂತಿ ಎಂದು ಕರೆಯಲಾಗುತ್ತದೆ. ಮಕರ ಸಂಕ್ರಾಂತಿಯ ದಿನದಿಂದ ಸೂರ್ಯನು ದಕ್ಷಿಣಾಯಣದಿಂದ ಉತ್ತರಾಯಣಕ್ಕೆ ತನ್ನ ಪ್ರಯಾಣವನ್ನು ಪ್ರಾರಂಭಿಸುತ್ತಾನೆ. ಮಕರ ಸಂಕ್ರಾಂತಿಯ ದಿನದಂದು ಸೂರ್ಯದೇವನಿಗೆ ದಾನ, ಪೂಜೆ ಮಾಡಿದರೆ ಶುಭ ಫಲಿತಾಂಶವನ್ನು ಪಡೆಯುತ್ತಾನೆ ಎನ್ನಲಾಗುತ್ತದೆ. ಅಲ್ಲದೆ ಸಂಕ್ರಾತಿಯಂದು ಕೆಲವು ಕ್ರಮಗಳನ್ನು ಕೈಗೊಳ್ಳುವುದರಿಂದ ಸೂರ್ಯ ದೇವರು ಮತ್ತು ಶನಿದೇವರ ಆಶೀರ್ವಾದವನ್ನು ಪಡೆಯಬಹುದು. ಹೀಗೆ ಮಾಡುವುದರಿಂದ ಜೀವನವು ಯಾವಾಗಲೂ ಸಂತೋಷ ಮತ್ತು ಅದೃಷ್ಟದಿಂದ ತುಂಬಿರುತ್ತದೆ.