ಹಾರಾಡಿದ ಹನುಮಂತ: ಹನುಮಾನ್ ಡ್ರೋನ್ ವೈರಲ್ ವೀಡಿಯೋ

ಹನುಮಾನ್ ಡ್ರೋನ್‌ ವೀಡಿಯೋ ತುಂಬಾನೇ ವೈರಲ್ ಆಗುತ್ತಿದೆ. ಭಜರಂಗಿ ಭಾನದತ್ತ ಹಾರುವ ವೀಡಿಯೋ ನೋಡುಗರಲ್ಲಿ ಭಕ್ತಿ ಭಾವ ಮೂಡಿಸಿದೆ, ಸಾಕ್ಷಾತ್ ಹನುಮಂತನೇ ಹಾರುತ್ತಿದ್ದಾನೆ ಎಂಬ ಭಾವನೆ ಮೂಡಿಸುವಂತಿದೆ ಆ ವೀಡಿಯೋ, ಆ ವೀಡಿಯೋ ಇದೀಗ ಅಂತರ್ಜಾಲದಲ್ಲಿ ಆ ವೀಡಿಯೋ ತುಂಬಾನೇ ಸದ್ದು ಮಾಡುತ್ತಿದೆ. ಛತ್ತೀಸ್‌ಗಢದಲ್ಲಿ ಈ ಹನುಮಾನ್ ಡ್ರೋನ್ ವೀಡಿಯೋ ಹಾರಾಟ ಮಾಡಲಾಯಿತು.

ಈ ವೀಡಿಯೋವನ್ನು ವಿನಲ್ ಗುಪ್ತಾ ಎಂಬ ಪ್ರೊಟೋಗ್ರಾಫರ್ ತೆಗೆದು ಸಾಮಾಜಿಕ ತಾಣದಲ್ಲಿ ಪೋಸ್ಟ್ ಮಾಡಿದ್ದೇ ತಡ ಲಕ್ಷಾಂತರ ಶೇರ್‌ಗಳ ಮೂಲಕ ಈ ವೀಡಿಯೋ ಭಾರತದ ಬಹುತೇಕರ ಸಾಮಾಜಿಕ ತಾಣದಲ್ಲಿ ಕಂಡು ಬರುತ್ತಿದೆ. ಅಕ್ಟೋಬರ್‌ನಲ್ಲಿ ನಡೆದ ದಸರಾ ಸಂಭ್ರಮದಲ್ಲಿ ಈ ಹನುಮಾನ್ ಡ್ರೋನ್ ವೀಡಿಯೋ ಸೆರೆಹಿಡಿಯಲಾಗಿದೆ.

ನಂಬಿಕೆಯನ್ನು ಟೆಕ್ನಾಲಾಜಿ ಜೊತೆ ಸೇರಿಸುವುದು ಇದೇ ಮೊದಲೇನು ಅಲ್ಲ.... 9 ವರ್ಷಗಳ ಹಿಂದೆ ಲೂದಿಯಾನದಲ್ಲಿ ಇದೇ ರೀತಿ ಹನುಮಾನ್ ಡ್ರೋನ್ ಹಾರಿಸಿದ್ದನ್ನು ಅಲ್ಲಿಯ ಜನ ಸಂಭ್ರಮದಿಂದ ನೋಡಿದ್ದರು.

ಇದೀಗ ಈ ವೀಡಿಯೋ ವೈರಲ್ ಆಗಿದ್ದು ವೀಡಿಯೋ ನೋಡಿದವರು ವಿಜ್ಞಾನ ಚಮತ್ಕಾರ,ಟೆಕ್ನಾಲಾಜಿಯಿಂದ ಈಗ ಏನು ಬೇಕಾದರೂ ಮಾಡಲು ಸಾಧ್ಯ, ಹನುಮಾನ್‌ ಹಾರುತ್ತಾನೆ ಎಂದು ಪುರಾಣದಲ್ಲಿ ಹೇಳಿರುವ ಕತೆಗಳನ್ನು ಕೇಳಿದ್ದೇವೆ, ಆದರೆ ಈಗ ನೋಡುವ ಭಾಗ್ಯ ಸಿಕ್ಕಿದೆ ಎಂದೆಲ್ಲಾ ಕಮೆಂಟ್‌ ಮಾಡುತ್ತಿದ್ದಾರೆ.

ಹನುಮಾನ್ ಡ್ರೋನ್‌ ಹಾರುತ್ತಿರುವುದನ್ನು ನೋಡುವುದೇ ಆಕರ್ಷಕವಾಗಿದೆ, ಹನುಮಂತನೇ ಹಾರುತ್ತಿದ್ದಾನೆ ಎಂದನಿಸುವುದು. ಹಬ್ಬಗಳಲ್ಲಿ ಪುರಾಣದ ಕತೆಗಳನ್ನು ಹೇಳಲಾಗುವುದು, ನಮ್ಮ ಸಂಪ್ರದಾಯನ್ನು ತಿಳಿಸಲಾಗುವುದು. ಪೀಳಿಗೆಯಿಂದ ಪೀಳಿಗೆಗೆ ಈ ಆಚರಣೆಗಳು ಮುಂದುವರೆಯುವುದು. ಟೆಕ್ನಾಲಾಜಿ ಮುಂದುವರೆದಿರುವುದರಿಂದ ಹಬ್ಬದ ಸಮಯದಲ್ಲಿ ಟೆಕ್ನಾಲಾಜಿ ಬಳಸಿ ಹಬ್ಬದ ಸಂಭ್ರಮ ಹೆಚ್ಚಿಸಲು ನೋಡುತ್ತಾರೆ, ಇದು ಕೂಡ ಅಂಥದ್ದೇ ಒಂದು ಪ್ರಯತ್ನವಾಗಿತ್ತು, ಆದರೆ ಈ ಹನುಮಾನ್‌ ಡ್ರೋನ್‌ ಪ್ರತಿಯೊಬ್ಬ ವೀಕ್ಷಕರ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ.