ಕಿವಿ ಕೇಳದ ಬಾಯಿ ಬಾರದ ಅಭಿಮಾನಿಯೊಂದಿಗೆ ದೋನಿ ನಡೆದುಕೊಂಡ ರೀತಿಗೆ ಎಲ್ಲರೂ ಫಿದಾ: ವೀಡಿಯೋ ವೈರಲ್

Insync

oi-Reena TK

By Reena Tk

Updated: Saturday, April 20, 2024, 23:06 [IST]

ಮಹೇಂದ್ರ ಸಿಂಗ್‌ ಧೋನಿ ಅದ್ಭುತ ಕ್ರಿಕಟಿಗ ಮಾತ್ರವಲ್ಲ ಅದ್ಭುತ ವ್ಯಕ್ತಿತ್ವ ಹೊಂದಿರುವ ವ್ಯಕ್ತಿ. ಅನೇಕ ಸಂದರ್ಭಗಳಲ್ಲಿ ಧೋನಿ ತಮ್ಮ ನಡತೆಯ ಮೂಲಕ ಜನರಿಗೆ ಮತ್ತಷ್ಟು ಹತ್ತಿರವಾಗಿದ್ದಾರೆ.

ಸಿಎಸ್‌ಕೆಗೆ ಆರ್‌ಸಿಬಿ ರೀತಿಯೇ ದೊಡ್ಡ ಫ್ಯಾನ್‌ ಫಾಲೋವಿಂಗ್ ಇದ್ದಾರೆ, ನಮ್ಮ ಕರ್ನಾಟಕದಿಂದಲೇ ಅನೇಕ ಜನರು ಸಿಎಸ್‌ಕೆ ಅಭಿಮಾನಿಗಳ, ಅದಕ್ಕೆ ಕಾರಣ ಸಿಎಸ್‌ಕೆ ಅಲ್ಲ, ಒನ್‌ ಅಂಡ್‌ ಒನ್ಲಿ ಧೋನಿ.

ಧೋನಿ ಡೌನ್‌ ಟು ಅರ್ಥ್‌ ಸ್ವಭಾವದವರು, ಯಾವ ಅಭಿಮಾನಿಗೂ ನೋವುಂಟು ಮಾಡಲ್ಲ, ಅಭಿಮಾನಿಯನ್ನು ಅವರ ಗೌರವಿಸುವ ಮತ್ತೊಂದು ವೀಡಿಯೋ ವೈರಲ್ ಆಗುತ್ತಿದೆ. ಈ ವೀಡಿಯೋ ನೋಡಿದರೆ ಧೋನಿ ಮೇಲಿನ ಪ್ರೀತಿ ಮತ್ತಷ್ಟು ಹೆಚ್ಚುವುದು.

ಧೋನಿಯ ಒಂದೇ ಒಂದು ಆಟೋಗ್ರಾಫ್‌ ಬೇಕೆಂಬುವುದು ಬಹುತೇಕರ ಕನಸು, ಆಟೋಗ್ರಾಫ್‌ ಪಡೆಯಲು ತುಂಬಾನೇ ಕಷ್ಟಪಡುತ್ತಾರೆ, ಧೋನಿ ಸ್ಟೇಡಿಯಂಗೆ ಬಂದರೆ ಅಭಿಮಾನಿಗಳ ಕಣ್ಣು ಮಾತ್ರವಲ್ಲ ಕ್ಯಾಮರಾ ಕಣ್ಣುಗಳು ಧೋನಿ ಮೇಲಿರುತ್ತದೆ, ಏಕೆಂದರೆ ಧೋನಿಯ ಆಟ, ವರ್ತನೆ ಎಲ್ಲವೂ ಕ್ಯಾಮರಾ ಕಣ್ಣುಗಳಲ್ಲಿ ಸೆರೆಯಾಗುತ್ತದೆ, ಧೋನಿಯ ಫವರ್ ಅದು.

ವಿಶೇಷ ಚೇತನ ಅಭಿಮಾನಿ

ಧೋನಿಯ ಈ ಅಭಿಮಾನಿಗೆ ಕಿವಿ ಕೇಳಿಸಲ್ಲ, ಮಾತು ಬರಲ್ಲ, ಆದರೆ ಧೋನಿಯ ಸ್ಕೆಚ್‌ ಫೋಟೋವನ್ನು (ಅದು ಅವರೇ ಬಿಡಿಸಿರುವುದಾ ಎಂದು ಗೊತ್ತಿಲ್ಲ, ಆದರೆ ಅವರ ಕೈಯಲ್ಲಿ ಧೋನಿಯ ಚಿತ್ರವಿದೆ) ಹಿಡಿದು ಧೋನಿ ಪ್ರಾಕ್ಟಿಸ್‌ ಮಾಡುತ್ತಿರುವ ಕಡೆ ಬರುತ್ತಾನೆ.

ತನ್ನ ಚಿತ್ರವನ್ನು ಹಿಡಿದು ನಿಂತಿರುವ ವ್ಯಕ್ತಿಯನ್ನು ಧೋನಿ ಗಮನಿಸುತ್ತಾರೆ. ಗ್ರೌಂಡ್‌ ಸ್ಟಾಫ್‌ ಬಳಿ ಆ ಚಿತ್ರವನ್ನು ತರುವಂತೆ ಸೂಚಿಸುತ್ತಾರೆ, ಅವರು ಅದನ್ನು ತಂದು ಧೋನಿ ಕೈಗೆ ಕೊಡುತ್ತಾರೆ, ಧೋನಿಯ ಆ ಚಿತ್ರದ ಮೇಲೆ ತಮ್ಮ ಅಟೋಗ್ರಾಫ್ ಹಾಕುತ್ತಾರೆ!! ಈ ವೀಡಿಯೋ ವೈರಲ್ ಆಗುತ್ತಿದೆ.

ಆ ಅಭಿಮಾನಿಗೆ ಎಷ್ಟು ಖುಷಿಯಾಗಿರಬೇಡ, ಸಾವಿರಾರು ಜನ ಧೋನಿ ಧೋನಿ ಅಂತ ಸ್ಟೇಡಿಯಂನಲ್ಲಿ ಕೂಗುತ್ತಾರೆ, ಎಲ್ಲರಿಗೂ ಆಟೋಗ್ರಾಫ್‌ ನೀಡಲು ಸಾಧ್ಯವಿಲ್ಲ, ಈ ರೀತಿ ಕೆಲವೊಂದು ಅದೃಷ್ಟವಂತರಿಗೆ ಮಾತ್ರ ಆಟೋಗ್ರಾಫ್‌ ಸಿಗುವುದು, ಧೋನಿ ಆಟೋಗ್ರಾಫ್ ಪಡೆಯಲು ಈ ವ್ಯಕ್ತಿ ನಿಜಕ್ಕೂ ಪುಣ್ಯ ಮಾಡಿದ್ದ ಅಲ್ವಾ?

ತಂದೆಯ ಭುಜದಲ್ಲಿ ಕೂತು ಧೋನಿ ನೋಡುತ್ತಿದ್ದ ಪುಟಾಣಿಗೆ ಬಾಲ್‌ ನೀಡಿದ ಧೋನಿ

ಧೋನಿಯ ಈ ರೀತಿಯ ನಡುವಳಿಕೆ ಇದೇ ಮೊದಲ ಬಾರಿಯಲ್ಲ, ಸಿಎಸ್‌ಕೆ ಮ್ಯಾಚ್‌ನಲ್ಲಿ ಬ್ಯಾಕ್‌ ಟು ಬ್ಯಾಕ್‌ 3 ಸಿಕ್ಸ್ ಹೊಡೆದ ಧೋನಿ ತಾವು ಕೂರುವ ಕಡೆಗೆ ಹೋಗುತ್ತಿರುವಾಗ ಅಲ್ಲಿ ಬಾಲ್‌ ಬಿದ್ದಿರುವುದು ಕಾಣುತ್ತೆ, ಅದನ್ನು ಎತ್ತಿ ತಂದೆಯ ಭುಜದಲ್ಲಿ ಕುಳಿತಿದ್ದ ಪುಟ್ಟ ಬಾಲಕಿಗೆ ನೀಡುತ್ತಾರೆ.

ಧೋನಿ ತನ್ನ ಸ್ಪೆಷಲ್ ಅಭಿಮಾನಿಯೊಂದಿಗೆ ಫೋಟೋಗೆ ಪೋಸ್‌ ನೀಡಿರುವುದು'

ಕೂಲ್‌ ಕ್ಯಾಪ್ಟನ್‌ ಆಗಿದ್ದ ಧೋನಿ ತಮ್ಮ ಆಟ ಹಾಗೂ ಎಲ್ಲಿಯೂ ತಾಳ್ಮೆ ಕಳೆದುಕೊಳ್ಳದೆ ವರ್ತಿಸುವ ಸ್ವಭಾವದಿಂದ ತುಂಬಾನೇ ಗಮನ ಸೆಳೆದ ವ್ಯಕ್ತಿ. ಸ್ಟೈಲ್‌ ಅಂತ ಬಂದರೆ ಧೋನಿ ಸ್ಟೈಲ್‌ ಸ್ಟೇಟ್‌ಮೆಂಟ್‌ ಯಾವ ಸೆಲೆಬ್ರಿಟಿಗೂ ಕಡಿಮೆಯಿರಲ್ಲ, ಅವರು ಹೆಚ್ಚಾಗಿ ತಮ್ಮ ಹೇರ್‌ ಸ್ಟೈಲ್‌ನಿಂದಾಗಿ ಸುದ್ದಿಯಲ್ಲಿರುತ್ತಾರೆ.

ಧೋನಿ ಕಷ್ಟದಿಂದ ಮೇಲಕ್ಕೆ ಬಂದಿರುವ ವ್ಯಕ್ತಿ, ಹಾಗಾಗಿ ಅವರಿಗೆ ಇತರರ ಕಷ್ಟ ಸುಲಭವಾಗಿ ಅರ್ಥವಾಗುತ್ತದೆ, ಹೀಗಾಗಿಯೇ ಇಷ್ಟೊಂದು ಎತ್ತರಕ್ಕೆ ಬೆಳೆದರೂ ಒಂದಿಷ್ಟೂ ಅಹಂಕಾರವಿಲ್ಲ, ತುಂಬಾನೇ ತಾಳ್ಮೆ.... ಅವರ ತಂಡದೊಂದಿಗೆ ನಡೆದುಕೊಳ್ಳುವ ರೀತಿ, ಸಾರ್ವಜನಿಕವಾಗಿ ನಡೆದುಕೊಳ್ಳುವು ರೀತಿ ಎಲ್ಲವೂ ಮಾದರಿ, ಅವರೊಬ್ಬರು ಪರ್ಫೆಕ್ಟ್ ಜಂಟಲ್‌ಮ್ಯಾನ್‌. ಹೀಗಾಗಿಯೇ ನಮ್ಮೆಲ್ಲರ ಹೃದಯಕ್ಕೆ ಧೋನಿ ಹತ್ತಿರ... ತುಂಬಾ ಹತ್ತಿರ...