Dhanteras 2025: ಚಿನ್ನ-ಬೆಳ್ಳಿ ಖರೀದಿಸಿ! ಆದರೆ, ಈ 6 ವಸ್ತುಗಳನ್ನು ಮಿಸ್ ಮಾಡ್ದೆ ಬಿಟ್ಟುಬಿಡಿ.. ವರ್ಷಪೂರ್ತಿ ಪಶ್ಚಾತ್ತಾಪ

ಧನತೇರಸ್ ದಿನ ಇವೇ ಶಾಪಗ್ರಸ್ತ ವಸ್ತುಗಳು! ಚಿನ್ನ-ಬೆಳ್ಳಿ ಖರೀದಿಸಿ.. ಆದರೆ, ಈ 5 ವಸ್ತುಗಳನ್ನು ಮಿಸ್ ಮಾಡ್ದೆ ಬಿಟ್ಟುಬಿಡಿ. ವರ್ಷವಿಡೀ ಪಶ್ಚಾತ್ತಾಪ ಖಚಿತ. ಹೌದು, ದೀಪಾವಳಿ ಹಬ್ಬವು (diwali 2025) ಹತ್ತಿರವಾಗುತ್ತಿದ್ದಂತೆ, ಶುಭ ದಿನವಾದ ಧನತೇರಸ್ ಅಂದು ಯಾವ ವಸ್ತುಗಳನ್ನು ಖರೀದಿಸಬೇಕು ಮತ್ತು ಯಾವ ವಸ್ತುಗಳನ್ನು ಖರೀದಿಸಬಾರದು ಎಂಬ ಬಗ್ಗೆ ಕುತೂಹಲ ಹೆಚ್ಚುತ್ತದೆ. ಹಿಂದೂ ಪಂಚಾಂಗದ ಪ್ರಕಾರ, ಅಶ್ವಿನಿ ಮಾಸದ ಕೃಷ್ಣ ಪಕ್ಷದ ತ್ರಯೋದಶಿ ತಿಥಿಯಂದು ಈ ಹಬ್ಬವನ್ನು ಆಚರಿಸಲಾಗುತ್ತದೆ. ಈ ಬಾರಿ ಅಕ್ಟೋಬರ್ 18 ರಂದು ಧನ್‌ತೇರಸ್‌ (Dhanteras 2025) ಬರಲಿದೆ.

ಸಾಮಾನ್ಯವಾಗಿ, ಧನ್‌ತೇರಸ್‌ ಹಬ್ಬದಂದು ಚಿನ್ನ, ಬೆಳ್ಳಿ, ಹಿತ್ತಾಳೆ ಮತ್ತು ತಾಮ್ರದ ವಸ್ತುಗಳನ್ನು ಖರೀದಿಸುವುದು (gold purchase on dhanteras) ಮಂಗಳಕರ ಎಂದು ಪರಿಗಣಿಸಲಾಗುತ್ತದೆ. ಇಂತಹ ವಸ್ತುಗಳ ಖರೀದಿ ಮನೆಯಲ್ಲಿ ಸುಖ, ಸಮೃದ್ಧಿ ಮತ್ತು ಸಂಪತ್ತನ್ನು ತರುತ್ತದೆ ಎಂಬ ನಂಬಿಕೆ ಇದೆ. ಆದರೆ, ಈ ದಿನ ಕೆಲವು ವಸ್ತುಗಳನ್ನು ಖರೀದಿಸುವುದನ್ನು (Dhanteras Shopping) ಅಶುಭ ಎಂದು ಭಾವಿಸಲಾಗುತ್ತದೆ. ಅವು ಯಾವುವು ಎಂಬ ಬಗ್ಗೆ ಈ ಲೇಖನದಲ್ಲಿ ತಿಳಿಸಲಾಗಿದೆ.

ಧನ್‌ತೇರಸ್‌ 2025: ಶುಭ ಮುಹೂರ್ತ

ಹಿಂದೂ ಪಂಚಾಂಗದ ಪ್ರಕಾರ, 2025ರ ಅಕ್ಟೋಬರ್ 18ರ ಶನಿವಾರದಂದು ಮಧ್ಯಾಹ್ನ 12.18ಕ್ಕೆ ಧನತ್ರಯೋದಶಿ ಶುಭ ಮುಹೂರ್ತ ಪ್ರಾರಂಭವಾಗುತ್ತದೆ. ಇದು ಅಕ್ಟೋಬರ್ 19ರ ಭಾನುವಾರ ಮಧ್ಯಾಹ್ನ 1.51ರವರೆಗೆ ಇರುತ್ತದೆ. ಆದರೂ, ಅಕ್ಟೋಬರ್ 18ರಂದು ಪ್ರದೋಷ ಕಾಲ ಇರುವ ಕಾರಣ, ಅಂದೇ ಧನತ್ರಯೋದಶಿ (ಧನ್‌ತೇರಸ್‌) ಆಚರಿಸಲಾಗುತ್ತದೆ.

ಖರೀದಿಗಳಿಗೆ ಶುಭ ಮುಹೂರ್ತಗಳು

ಜ್ಯೋತಿಷ್ಯ ತಜ್ಞರ ಪ್ರಕಾರ, ಧನತ್ರಯೋದಶಿ ದಿನದಂದು ಮಾತ್ರವಲ್ಲದೆ, ಈ ತಿಂಗಳಾದ್ಯಂತ ಖರೀದಿಗಳಿಗೆ ಅನುಕೂಲಕರವಾದ ಶುಭ ದಿನಗಳಿವೆ. ಚಿನ್ನ, ಬೆಳ್ಳಿ, ಹಿತ್ತಾಳೆ ಮುಂತಾದ ಲೋಹಗಳನ್ನು ಖರೀದಿಸಲು ಈ ದಿನಗಳು ಶುಭಕರ. ಅಕ್ಟೋಬರ್ 13, ಅಕ್ಟೋಬರ್ 15, ಅಕ್ಟೋಬರ್ 17, ಅಕ್ಟೋಬರ್ 18 ಮತ್ತು ಅಕ್ಟೋಬರ್ 19.

ಧನ್‌ತೇರಸ್‌ ದಿನ ಖರೀದಿಸಬಾರದ ವಸ್ತುಗಳಿವು

• ಕಬ್ಬಿಣದ ಪಾತ್ರೆಗಳು: ಧನ್‌ತೇರಸ್‌ ದಿನದಂದು ಅನೇಕರು ಪಾತ್ರೆಗಳನ್ನು ಖರೀದಿಸುತ್ತಾರೆ. ಆದರೆ, ಈ ದಿನ ಕಬ್ಬಿಣದ ಪಾತ್ರೆಗಳನ್ನು ಖರೀದಿಸುವುದನ್ನು ತಪ್ಪಿಸಬೇಕು. ಹಾಗೆಯೇ, ಸ್ಟೀಲ್ ಅಥವಾ ಅಲ್ಯೂಮಿನಿಯಂ ಪಾತ್ರೆಗಳನ್ನು ಸಹ ಖರೀದಿಸದಿರುವುದು ಉತ್ತಮ.

• ಕಪ್ಪು ಬಣ್ಣದ ವಸ್ತುಗಳು: ಧನ್‌ತೇರಸ್‌ ದಿನ ಕಪ್ಪು ಬಣ್ಣದ ವಸ್ತುಗಳಾದ ಬ್ಯಾಗ್‌ಗಳು, ಬಟ್ಟೆಗಳು, ಬೂಟುಗಳು ಇತ್ಯಾದಿಗಳನ್ನು ಖರೀದಿಸುವುದು ಅಶುಭ ಎಂದು ಪರಿಗಣಿಸಲಾಗುತ್ತದೆ. ಇವು ನಕಾರಾತ್ಮಕ ಶಕ್ತಿಯನ್ನು ಆಕರ್ಷಿಸುತ್ತವೆ ಎಂಬ ನಂಬಿಕೆ ಇದೆ.

• ಗಾಜಿನ ವಸ್ತುಗಳು: ಧನ್‌ತೇರಸ್‌ ದಿನ ಗಾಜಿನ ಪಾತ್ರೆಗಳು ಅಥವಾ ಅಲಂಕಾರಿಕ ವಸ್ತುಗಳನ್ನು ಖರೀದಿಸಬಾರದು ಎಂದು ಹೇಳಲಾಗುತ್ತದೆ. ಗಾಜಿನ ವಸ್ತುಗಳು ದುರ್ಬಲ ಮತ್ತು ಅಶುಭ ಎಂದು ಕೆಲವು ಸಂಪ್ರದಾಯಗಳಲ್ಲಿ ಭಾವಿಸಲಾಗಿದೆ.

• ನಕಲಿ ವಸ್ತುಗಳು: ಖಚಿತವಲ್ಲದ ಅಥವಾ ನಕಲಿ ವಸ್ತುಗಳ ಖರೀದಿ ಬೇಡ. ಅಂದರೆ ಚಾಕು, ಕತ್ತರಿ, ಸೂಜಿ ಮುಂತಾದ ತೀಕ್ಷ್ಣವಾದ ವಸ್ತುಗಳನ್ನು ಈ ದಿನ ಖರೀದಿಸಬಾರದು. ಅವು ನಕಾರಾತ್ಮಕ ಪರಿಣಾಮಗಳನ್ನು ಬೀರಬಹುದು ಎಂದು ನಂಬಲಾಗಿದೆ.

• ಕೃತಕ ಆಭರಣಗಳು: ಚಿನ್ನ ಮತ್ತು ಬೆಳ್ಳಿಯ ಆಭರಣಗಳು ಶುಭಕರ ಎಂದು ಹೇಳಲಾಗಿದೆ. ಆದರೆ, ಕೃತಕ ಆಭರಣಗಳನ್ನು ಧನ್‌ತೇರಸ್‌ ದಿನದಂದು ಖರೀದಿಸುವುದು ಅಶುಭ ಎಂದು ಪರಿಗಣಿಸಲಾಗುತ್ತದೆ. ನಿಜವಾದ ಸಮೃದ್ಧಿಯನ್ನು ಸೂಚಿಸುವ ಲೋಹಗಳಿಗೆ ಆದ್ಯತೆ ನೀಡಬೇಕು.

• ಪ್ಲಾಸ್ಟಿಕ್ ವಸ್ತುಗಳು: ಧನ್‌ತೇರಸ್‌ ದಿನದಂದು ಪ್ಲಾಸ್ಟಿಕ್‌ನಿಂದ ತಯಾರಿಸಿದ ವಸ್ತುಗಳನ್ನು ಖರೀದಿಸುವುದನ್ನು ಅಶುಭ ಎಂದು ಪರಿಗಣಿಸಲಾಗುತ್ತದೆ. ಪ್ಲಾಸ್ಟಿಕ್ ಅಲ್ಪಕಾಲಿಕ ಮತ್ತು ನೈಸರ್ಗಿಕವಲ್ಲದ ವಸ್ತುವಾದ ಕಾರಣ, ಇದನ್ನು ಶುಭ ದಿನದಂದು ಖರೀದಿಸಬಾರದು ಎಂದು ಹೇಳಲಾಗಿದೆ. ಈ ವಸ್ತುಗಳನ್ನು ಖರೀದಿಸುವುದರಿಂದ ಅಶುಭ ಫಲಿತಾಂಶಗಳು ಉಂಟಾಗಬಹುದು.