ಅಂಬಾನಿ ಕಿಸೆಗೆ ಕೈ ಹಾಕಿದ್ದಾನೆ ದೆಹಲಿ ವ್ಯಕ್ತಿ..! ಆತನ ಐಡಿಯಾ ಕೇಳಿದ್ರೆ ನಿಮಗೂ ಶಾಕ್ ಆಗುತ್ತೆ..!

ರಿಲಯನ್ಸ್ ಜಿಯೋ ಅಂಬಾನಿ ಗ್ರೂಪ್‌ನ ಅತ್ಯಂತ ದೊಡ್ಡ ಪಾಲು ಹೊಂದಿರುವ ಸಂಸ್ಥೆ. ಟೆಲಿಕಾಮ್ ಹಾಗೂ ಡಿಜಿಟಲ್ ಮಾಧ್ಯಮದಲ್ಲಿ ಅತೀ ಹೆಚ್ಚು ಷೇರುಗಳ ಹೊಂದಿರುವ ರಿಲಯನ್ಸ್‌ನ ಭಾಗವಾಗಿದೆ. ಇತ್ತೀಚಿಗೆ ಲೈವ್ ಸ್ಟ್ರೀಮಿಂಗ್, ಸಿನಿಮಾ, ಒರಿಜಿನಲ್ಸ್‌ ನೀಡುತ್ತಿದ್ದ ಜಿಯೋ ಸಿನಿಮಾ ಅಂತ್ಯಗೊಳ್ಳಲಿ ಎಂಬ ವರದಿಗಳಾಗಿತ್ತು. ಜಿಯೋ ಸಿನಿಮಾ ಡಿಸ್ನಿ ಹಾಟ್‌ಸ್ಟಾರ್ ಜೊತೆ ವಿಲೀನವಾಗಲಿದೆ ಎಂದು ವರದಿಯಾಗಿದೆ.

ಡಿಸ್ನಿ ಪ್ಲಸ್ ಹಾಟ್ ಸ್ಟಾರ್ ಬಹುಕೋಟಿ ಕಂಪನಿಯ ಭಾಗವಾಗಿದೆ. ಭಾರತದಲ್ಲಿ ಕೆಲವೊಂದು ಕಂಪನಿಯನ್ನು ಈಗಾಗಲೇ ವಿಲೀನ ಮಾಡಿಕೊಂಡಿದೆ. ಈಗ ಜಿಯೋ ಸಿನಿಮಾದ ಮೇಲೂ ಕಣ್ಣಿಟ್ಟಿದೆ. ಇನ್ನು ಜಿಯೋ ಮೂಲಕ ಉಚಿತವಾಗಿ ಜನರಿಗೆ ಲಭ್ಯವಿತ್ತು, ಹಾಗೆ ತಿಂಗಳಿಗೆ ಕೇವಲ 28 ರೂಪಾಯಿಯ ಚಂದಾದಾರಿಕೆಯಲ್ಲಿ ಪ್ರೀಮಿಯಂ ಮೆಂಬರ್‌ಶಿಪ್ ನೀಡುತ್ತಿತ್ತು.

ಆದರೆ ಐಪಿಎಲ್ ಆರಂಭಕ್ಕೂ ಮುನ್ನ ಡಿಸ್ನಿ ಜೊತೆ ವಿಲೀನಾಗಲಿದ್ದು, ಮುಂದೆ ದುಬಾರಿ ಮೊತ್ತ ನೀಡಿ ಚಂದಾದಾರರಾಬೇಕಾದ ಅನಿವಾರ್ಯತೆ ಬರುವ ಸಾಧ್ಯತೆ ಇದೆ. ಇದೆಲ್ಲಾ ಆಗು ಹೋಗುಗಳ ನಡುವೆ ದೆಹಲಿಯ ವ್ಯಕ್ತಿಯೊಬ್ಬ ಅಂಬಾನಿ ಕಿಸೆಯಿಂದಲೇ ಹಣ ಎಗರಿಸುವ ಐಡಿಯಾ ಮಾಡಿದ್ದಾನೆ. ಜಿಯೋ ಸಿನಿಮಾ ಡಿಸ್ನಿ ಜೊತೆ ವಿಲೀನ ಆಗಲಿದೆ ಎಂಬ ಸುದ್ದಿ ತಿಳಿದ ಆತ ಖತರ್ನಾಕ್ ಐಡಿಯಾ ಮಾಡಿ ಹಣ ಮಾಡಲು ಮುಂದಾಗಿದ್ದಾನೆ.

ಡಿಸ್ನಿ ಜೊತೆಗೆ ಜಿಯೋ ಸಿನಿಮಾ ವಿಲೀನವಾದರೆ ಭಾರತದಲ್ಲಿ ಅದರ ಸೇವೆ ಹೊಸದೊಂದು ಡೊಮೈನ್ ಮೂಲಕ ಆರಂಭಿಸಬೇಕಾಗುತ್ತದೆ. ಹೀಗಾಗಿ ಈ ಡೊಮೈನ್ ಅನ್ನು ವ್ಯಕ್ತಿಯೊಬ್ಬ ಹಣ ನೀಡಿ ಖರೀದಿಸಿ ಬಿಟ್ಟಿದ್ದಾನೆ. JioHotstar.com ಎಂಬ ಡೊಮೈನ್ ಅನ್ನು ದೆಹಲಿಯ ವ್ಯಕ್ತಿ ಖರೀದಿಸಿದ್ದಾನೆ. ಈಗ ಡಿಸ್ನಿ ಈ ಡೊಮೈನ್ ಬಳಸಲು ಸಾಧ್ಯವಿಲ್ಲ, ಒಂದಿಷ್ಟು ಬದಲಾವಣೆ ಮಾಡಿಕೊಂಡು ಇದೇ ಹೆಸರು ಹೋಲುವ ಡೊಮೈನ್ ಬಳಸಬಹುದು. ಆದ್ರೆ ಒಂದೇ ರೀತಿಯ ಎರಡು ಹೆಸರಿನ ಡೊಮೈನ್ ಬಳಸಲು ಆಗುವುದಿಲ್ಲ.

ಡೊಮೈನ್ ಬೇಕಾದರೆ ತೀರಿಸಬೇಕು ಆತನ ಆಸೆ..!

ಮೀಡಿಯಾದಲ್ಲಿ ಡಿಸ್ನಿ ಹಾಗೂ ಜಿಯೋ ಸಿನಿಮಾ ವಿಲೀನದ ಸುದ್ದಿ ನೋಡಿದ್ದ ಆತ ತಕ್ಷಣ ತಲೆ ಓಡಿಸಿ JioHotstar.com ಡೊಮೈನ್ ಇದೆಯೇ ಎಂದು ಪರಿಶೀಲನೆ ಮಾಡಿದ್ದಾನೆ. ಆದ್ರೆ ಆಗ ಈ ಡೊಮೈನ್ ಯಾರ ಮಾಲಿಕತ್ವದಲ್ಲೂ ಇರಲಿಲ್ಲ. ತಕ್ಷಣ ಆಗ ಹಣ ನೀಡಿ ಖರೀದಿಸಿದ್ದಾನೆ. ಏಕೆಂದರೆ ಆತನಿಗೆ ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯಕ್ಕೆ ಹೋಗಿ ಉನ್ನತ ವ್ಯಾಸಾಂಗ ಮಾಡಬೇಕು ಎಂಬ ಆಸೆ ಇದೆಯಂತೆ. ಒಂದು ವೇಳೆ ತನ್ನ ಆಸೆ ಈಡೇರಿಸುವುದಾದರೆ ಈ ಹೆಸರಿನ ಡೊಮೈನ್ ಬಿಟ್ಟು ಕೊಡುತ್ತೇನೆ ಎಂದಿದ್ದಾನೆ.

ವಿದೇಶಿ ವಿಶ್ವವಿದ್ಯಾಲಯದಲ್ಲಿ ವಿದ್ಯಾಭ್ಯಾಸದ ಖರ್ಚು ಅಂದ್ರ ಕೋಟಿಗಳ ಲೆಕ್ಕದಲ್ಲಿ ಎಣಿಸಬೇಕಾಗುತ್ತದೆ. ಅಷ್ಟೊಂದು ದೊಡ್ಡ ಮೊತ್ತಕ್ಕೆ ಆತ ಮನವಿ ಮಾಡಿದ್ದಾನೆ. ಆದ್ರೆ ಜಿಯೋ ಸಿನಿಮಾ ಹಾಗೂ ಡಿಸ್ನಿ ನಡುವೆ ವಿಲೀನಮತೆ ಮಾತು ಎರಡೂ ಕಂಪನಿಗಳ ಮೂಲದಿಂದ ಹೊರಬಂದಿಲ್ಲ. ಐಪಿಎಲ್ ಆರಂಭಕ್ಕೂ ಮುನ್ನವೇ ವಿಳಿನ ನಡೆಯಲಿದೆ ಎಂಬ ಸುದ್ದಿಗಳು ಹರಿದಾಡಿದೆ.

ಈಗ ದೆಹಲಿಯ ವ್ಯಕ್ತಿ ಈ ಸುದ್ದಿ ಕೇಳಿ ಜಿಯೋ ಡಿಸ್ನಿ ಹೆಸರಿನ ಡೊಮೈನ್ ಕೂಡ ಖರೀದಿಸಿ ತನ್ನ ಬಳಿ ಇಟ್ಟುಕೊಂಡಿದ್ದಾನೆ. ಆತ ನೀಡದೆ ಹೋದರೆ ಬೇರೆ ಹೆಸರಿನ ಡೊಮೈನ್ ಅನ್ನು ಅವರು ಪಡೆಯಬೇಕಾಗುತ್ತದೆ. ಇಲ್ಲವೆ ಆತನ ಆಸೆ ಈಡೇರಿಸಬೇಕಾಗುತ್ತದೆ.

ಈ ಹಿಂದೆ Saavn ಮ್ಯೂಸಿಕ್ ಸ್ಟ್ರೀಮಿಂಗ್ ಅನ್ನು ಜಿಯೋ ಸಮೂಹ ಖರೀದಿಸಿ ಅದಕ್ಕೆ JioSaavn.com ಎಂಬ ಹೆಸರಿನ ಡೊಮೈನ್ ಮೂಲಕ ಗ್ರಾಹಕರಿಗೆ ತಲುಪುವಂತೆ ಮಾಡಿತ್ತು. ಇದೇ ಐಡಿಯಾದಲ್ಲಿ ಈಗಲೂ JioHotstar.comಗೆ ಸಂಸ್ಥೆ ಮುಂದಾಗಲಿದೆ ಎಂದು ಆತ ಈ ಕೆಲಸ ಮಾಡಿದ್ದಾನೆ. ಒಂದು ವೇಳೆ ಈ ವಿಲೀನ ಪ್ರಕ್ರಿಯೆ ನಡೆದರೆ ಆತನ ಅದೃಷ್ಟ ಬದಲಾಗಬಹುದು.