ವಿಶ್ವಕಪ್ ಗೆದ್ದ ಬಳಿಕ ದೊಡ್ಡ ನಿರ್ಧಾರ! ಕೋಟ್ಯಂತರ ಅಭಿಮಾನಿಗಳ ಹೃದಯ ಮುರಿಯುವ ಕೆಲಸ ಮಾಡ್ತಾರಾ ಸ್ಮೃತಿ ಮಂದನಾ?

ವಿಶ್ವಕಪ್ ಗೆಲುವಿನ ಬಳಿಕ ನ್ಯಾಷನಲ್ ಕ್ರಶ್ ದೊಡ್ಡ ನಿರ್ಧಾರ! ಕೋಟ್ಯಂತರ ಅಭಿಮಾನಿಗಳ ಹೃದಯ ಒಡೆಯಲಿದೆಯೇ? ಸ್ಮೃತಿ ಮಂದಾನಾ ಅವರು ಈ ಕೆಲಸ ಮಾಡಲು ಹೊರಟಿರುವುದು ಯಾಕೆ? ಹೌದು, ಭಾರತೀಯ ಮಹಿಳಾ ಕ್ರಿಕೆಟ್ ತಂಡವು ಇತ್ತೀಚೆಗೆ ಐಸಿಸಿ ಮಹಿಳಾ ಏಕದಿನ ವಿಶ್ವಕಪ್ 2025ರ ಫೈನಲ್ ಪಂದ್ಯವನ್ನು ಗೆದ್ದಿದೆ. ಇದರಿಂದ ದೇಶಾದ್ಯಂತ ಸಂಭ್ರಮ ಮನೆಮಾಡಿದೆ. ಈ ಸಂತಸದ ನಡುವೆ ಮತ್ತೊಂದು ದೊಡ್ಡ ಸುದ್ದಿ ಹೊರಬಿದ್ದಿದೆ. ವರದಿಗಳ ಪ್ರಕಾರ, ಭಾರತೀಯ ಮಹಿಳಾ ಕ್ರಿಕೆಟ್ ತಂಡದ ಉಪನಾಯಕಿ ಮತ್ತು ಸ್ಟಾರ್ ಓಪನರ್ ಸ್ಮೃತಿ ಮಂದಾನಾ (Smriti Mandhana) ಶೀಘ್ರದಲ್ಲೇ ವಿವಾಹ ಬಂಧನಕ್ಕೆ ಒಳಗಾಗಲಿದ್ದಾರೆ.

ಹೌದು, ಮಾಧ್ಯಮ ವರದಿಗಳ ಪ್ರಕಾರ, ಸ್ಮೃತಿ ಮಂದಾನಾ ಇದೇ ತಿಂಗಳು (ನವೆಂಬರ್ 2025) ಪ್ರಸಿದ್ಧ ಸಂಗೀತ ನಿರ್ದೇಶಕ (ಸಂಯೋಜಕ), ಗಾಯಕ ಮತ್ತು ಚಲನಚಿತ್ರ ನಿರ್ದೇಶಕ ಪಲಾಶ್ ಮುಚ್ಚಲ್ (Smriti Mandhana-Palash Muchhal Marriage) ಅವರನ್ನು ಮದುವೆಯಾಗಲಿದ್ದಾರೆ. ಸ್ಮೃತಿ ಮಂದಾನಾ ಅವರನ್ನು ನ್ಯಾಷನಲ್ ಕ್ರಶ್ ಎಂದೂ ಕರೆಯುತ್ತಾರೆ. ಹೀಗಾಗಿ, ಮಂದಾನಾ ವಿವಾಹದ ಸುದ್ದಿ ಅನೇಕ ಅಭಿಮಾನಿಗಳ ಹೃದಯವನ್ನು ಒಡೆಯುವುದು ಖಚಿತ.

ಹುಟ್ಟೂರು ಸಾಂಗ್ಲಿಯಲ್ಲಿ ವಿವಾಹ?

ಮೂಲಗಳ ಪ್ರಕಾರ, ಸ್ಮೃತಿ ಮತ್ತು ಪಲಾಶ್ ಅವರ ವಿವಾಹ ಸಮಾರಂಭ ನವೆಂಬರ್ 20 ರಿಂದ ಪ್ರಾರಂಭವಾಗಲಿದೆ. ಮದುವೆ ಸ್ಮೃತಿ ಅವರ ಹುಟ್ಟೂರು ಸಾಂಗ್ಲಿಯಲ್ಲಿ (smriti mandhana and palak muchhal wedding) ನಡೆಯುವ ನಿರೀಕ್ಷೆ ಇದೆ. ಈ ಕುರಿತು ಎರಡೂ ಕುಟುಂಬಗಳಿಂದ ಯಾವುದೇ ಅಧಿಕೃತ ಪ್ರಕಟಣೆ ಬಂದಿಲ್ಲ. ಆದರೂ, ಮದುವೆ ಸಿದ್ಧತೆಗಳು ಈಗಾಗಲೇ ಆರಂಭವಾಗಿವೆ. ವಿವಾಹ ದಿನಾಂಕವನ್ನು ನವೆಂಬರ್ 20 ಅಥವಾ ಆಸುಪಾಸಿನಲ್ಲಿ ನಿಗದಿಪಡಿಸಲಾಗಿದೆ ಎಂದು ಹೇಳಲಾಗುತ್ತಿದೆ. ಕ್ರಿಕೆಟ್ ಮತ್ತು ಮ್ಯೂಸಿಕ್‌ನ ಈ ಹೊಸ ಜೋಡಿಯನ್ನು ನೋಡಲು ಅಭಿಮಾನಿಗಳು ಈ ತಿಂಗಳ ಅಂತ್ಯದವರೆಗೂ ಕಾಯಬೇಕಿದೆ.

ಕ್ರಿಕೆಟ್ ಮತ್ತು ಮ್ಯೂಸಿಕ್‌ ಲವ್ ಸ್ಟೋರಿ ಶುರುವಾಗಿದ್ದು ಹೀಗೆ

ಸ್ಮೃತಿ ಮಂದಾನಾ ಮತ್ತು ಪಲಾಶ್ ಮುಚ್ಚಲ್ ಅವರ ಭೇಟಿ 2019 ರಲ್ಲಿ ಒಂದು ಕಾರ್ಯಕ್ರಮದಲ್ಲಿ ಆಗಿತ್ತು. ಒಬ್ಬರನ್ನೊಬ್ಬರು ತಿಳಿದುಕೊಂಡ ನಂತರ, ಅವರು ಶೀಘ್ರದಲ್ಲೇ ಡೇಟಿಂಗ್ ಪ್ರಾರಂಭಿಸಿದರು ಮತ್ತು ಅಂದಿನಿಂದ ಅವರ ಸಂಬಂಧ ನಿರಂತರವಾಗಿ ಬೆಳೆಯುತ್ತಿದೆ. ಈ ಆರು ವರ್ಷಗಳ ಸುಂದರ ಪಯಣದಲ್ಲಿ, ಇಬ್ಬರೂ ಸಾಮಾಜಿಕ ಮಾಧ್ಯಮದಲ್ಲಿ ಪರಸ್ಪರ ಪ್ರೀತಿಯ ಪೋಸ್ಟ್‌ಗಳನ್ನು ಹಂಚಿಕೊಂಡಿದ್ದಾರೆ.

ಈ ವರ್ಷ ಜುಲೈನಲ್ಲಿ ಅವರು ತಮ್ಮ ಐದನೇ ವಾರ್ಷಿಕೋತ್ಸವವನ್ನು ಆಚರಿಸಿದಾಗ, ಅವರ ವಿವಾಹದ ಕುರಿತು ಚರ್ಚೆಗಳು ತೀವ್ರಗೊಂಡವು. ಇತ್ತೀಚೆಗೆ, ಇಂದೋರ್‌ನಲ್ಲಿ ನಡೆದ ಒಂದು ಕಾರ್ಯಕ್ರಮದಲ್ಲಿ, ಪಲಾಶ್, ಸ್ಮೃತಿ ಶೀಘ್ರದಲ್ಲೇ ಇಂದೋರ್‌ನ ಸೊಸೆಯಾಗಲಿದ್ದಾರೆ ಎಂದು ಹೇಳಿದ್ದರು. ಅವರ ಈ ಹೇಳಿಕೆಯ ನಂತರ, ಅಭಿಮಾನಿಗಳಲ್ಲಿ ಸಂತೋಷದ ಅಲೆ ಎದ್ದಿತು.

ಪಲಾಶ್ ಮುಚ್ಚಲ್ ಯಾರು?

ಪಲಾಶ್ ಮುಚ್ಚಲ್ ಒಬ್ಬ ಪ್ರಸಿದ್ಧ ಸಂಗೀತಗಾರ, ಗಾಯಕ, ನಟ ಮತ್ತು ಚಲನಚಿತ್ರ ನಿರ್ದೇಶಕ. ಅವರು ಪ್ರಸಿದ್ಧ ಗಾಯಕಿ ಪಲಕ್ ಮುಚ್ಚಲ್ ಅವರ ಕಿರಿಯ ಸಹೋದರ. ಅವರು 1995 ರಲ್ಲಿ ಇಂದೋರ್‌ನ ಮಾರ್ವಾಡಿ ಕುಟುಂಬದಲ್ಲಿ ಜನಿಸಿದರು. 2014 ರಲ್ಲಿ ತಮ್ಮ ಸಂಗೀತ ಚೊಚ್ಚಲ ಚಲನಚಿತ್ರ 'ಧಿಶ್ಕಿಯೋನ್' ಮೂಲಕ ಬಾಲಿವುಡ್‌ಗೆ ಕಾಲಿಟ್ಟರು.

ಅವರು 'ಭೂತನಾಥ್ ರಿಟರ್ನ್ಸ್' ನಂತಹ ಚಲನಚಿತ್ರಗಳಿಗೆ ಸಂಗೀತ ಸಂಯೋಜಿಸಿದ್ದು, ಹಲವಾರು ಏಕಗೀತೆಗಳನ್ನು ಸಹ ಬಿಡುಗಡೆ ಮಾಡಿದ್ದಾರೆ. ಸಂಗೀತದ ಜೊತೆಗೆ, ಅವರು ದೀಪಿಕಾ ಪಡುಕೋಣೆ ಅವರ 'ಖೇಲೆ ಹಮ್ ಜಾನ್ ಸೇ' ಚಿತ್ರದಲ್ಲಿ ನಟಿಸಿದ್ದಾರೆ. ಇದಲ್ಲದೆ, ಅವರು 'ರಿಕ್ಷಾ' ಎಂಬ ವೆಬ್ ಸರಣಿ ಮತ್ತು 'ಅರ್ಧ್' ಚಿತ್ರವನ್ನು ನಿರ್ದೇಶಿಸಿದ್ದಾರೆ.