ಕೋಳಿಗೆ 24 ಗಂಟೆಯೂ ಪೊಲೀಸ್‌ ಭದ್ರತೆ, ಪಂಜಾಬ್‌ನಲ್ಲಿನ ಈ ಕೋಳಿ ವಿಐಪಿ ಆದ ಕತೆಯಿದು

ಕೋಳಿಗೆ ಪೊಲೀಸ್‌ ಪ್ರೊಟೆಕ್ಷನ್‌, ಇಂಥದ್ದೊಂದು ಘಟನೆ ನಡೆದಿರುವುದು ಬೇರೆಲ್ಲೂ ಅಲ್ಲ,, ನಮ್ಮ ದೇಶದ ಪಂಜಾಬಿನ ಬಾಥಿಂದ ಎಂಬ ಗ್ರಾಮದಲ್ಲಿ. ಅದರಲ್ಲೂ ಈ ಕೋಳಿಗೆ ಫುಲ್‌ ವಿಐಪಿ ಭದ್ರತೆ, ಶಿಫ್ಟ್‌ನಲ್ಲಿ ಈ ಕೋಳಿಯನ್ನು ರಕ್ಷಣೆ ಮಾಡುತ್ತಿದ್ದಾರೆ ಪೊಲೀಸರು, ತುಂಬಾ ವಿಚಿತ್ರ ಅನಿಸುತ್ತಿದೆಯಲ್ಲಾ? ಅಷ್ಟಕ್ಕೂ ಈ ಘಟನೆಯೇನು ಎಂದು ನೋಡೋಣ ಬನ್ನಿ:

ಕೋಳಿ ಅಂಕ

ಕೋಳಿ ಅಂಕ ನಡೆಯುವುದನ್ನು ನೋಡಿರುತ್ತೀರಿ, ನೋಡಿಲ್ಲ ಎಂದರೂ ಕೇಳಿರುತ್ತೀರಿ. ಕೋಳಿಗಳ ಆ ಭಯಾನಕ ಕಾಳಗ ನೋಡಲು ನೂರಾರು ಸಂಖ್ಯೆಯಲ್ಲಿ ಜನ ಸೇರಿರುತ್ತಾರೆ. ಹುಂಜದ ಕಾಲಿಗೆ ಹರಿತಾದ ಚಿಕ್ಕ ಕತ್ತಿ (ನೈಫ್) ಕಟ್ಟಿರುತ್ತಾರೆ, ಹುಂಜಗಳು ಕಿತ್ತಾಡುತ್ತವೆ, ಕತ್ತಿ ತಾಗಿ ಹುಂಜಗಳಿಗೆ ಗಾಯಗಳಾಗುವುದು, ರಕ್ತ ಸುರ್ಕ್ಕೊಂಡು ಕಿತ್ತಾಡುತ್ತವೆ, ಅದನ್ನು ನೋಡಿ ಜನ ಖುಷಿ ಪಡುತ್ತಾರೆ, ಆದರೆ ಪ್ರಾಣಿಗಳಿಗೆ ಹಾಗೆ ಹಿಂಸೆ ನೀಡುವುದು ಸರಿಯಲ್ಲ ಎಂದು ಈ ಆಟವನ್ನು ಬ್ಯಾನ್‌ ಮಾಡಲಾಗಿದೆ. ಆದರೂ ಇದನ್ನು ಕದ್ದುಮುಚ್ಚಿ ಮಾಡಲಾಗುವುದು. ಪಂಜಾಬ್‌ನಲ್ಲಿ ಈ ಕೋಳಿ ಅಂಕ ತುಂಬಾನೇ ಜನಪ್ರಿಯವಾಗಿದೆ. ಇಲ್ಲಿಯ ಬಾಥಿಂದ ಎಂಬ ಗ್ರಾಮದಲ್ಲಿ ಕೋಳಿ ಅಂಕವನ್ನು ಆಯೋಜಿಸಲಾಗಿತ್ತು. ಈ ವಿಷಯ ಪೊಲೀಸರ ಕಿವಿಗೆ ತಲುಪಿದೆ.

ಪೊಲೀಸರು ಬಂದಾಗ ಕಾಲ್ಕಿತ್ತ ಜನ

ಪೊಲೀಸರು ದಾಳಿ ಮಾಡುತ್ತಿದ್ದಂತೆ ಅಲ್ಲಿ ನೆರೆದಿದ್ದ ಜನರು ಕಾಲ್ಕಿತ್ತಿದ್ದಾರೆ. ಇದನ್ನು ಆಯೋಜನೆ ಮಾಡಿದವರನ್ನು ಅರೆಸ್ಟ್ ಮಾಡಲಾಯಿತು. ಆವಾಗ ಅಲ್ಲಿ ಗಾಯಕೊಮಡ ಒಂದು ಕೋಳಿಯನ್ನೂ ವಶಪಡಿಸಲಾಯಿತು ಜೊತೆಗೆ ಅಲ್ಲಿದ್ದ 12 ಟ್ರೋಫಿಗಳನ್ನು ವಶಪಡಿಸಲಾಯಿತು.

ಈ ಪ್ರಕರಣವನ್ನು ಗಂಭೀರವಾಗಿ ತೆಗೆದುಕೊಂಡ ಪೊಲೀಸರು

ಈ ಪ್ರಕರಣದಲ್ಲಿ ಕೋಳಿಗೆ ಭದ್ರತೆ ನೀಡುವ ಜವಾಬ್ದಾರಿ ಪೊಲೀಸರ ಮೇಲಿದೆ. ಹಾಗಾಗಿ ಪೊಲೀಸರು ಕೋಳಿಗೆ ಭದ್ರತೆ ನೀಡಲಾಗುತ್ತಿದೆ. ಕೋಳಿಗೆ ಕಾಳು, ಆಹಾರ, ನೀರು ಎಲ್ಲವನ್ನೂ ನೀಡಿ ಸಾಕುತ್ತಿದ್ದಾರೆ. ಕೋಳಿ ಅಂಕದ ಕೋಳಿಗಳಿಗೆ ಭಾರೀ ಡಿಮ್ಯಾಂಡ್ ಇದನ್ನು ಕದ್ದುಕ್ಕೊಂಡು ಹೋಗುತ್ತಾರೆ ಎಂದು ಕಾವಲು ನೀಡುತ್ತಿದ್ದಾರೆ.

ಅಂತೂ ಇಂತೂ ಸಕತ್ ಡಿಮ್ಯಾಂಡ್ ಬಂತು ಈ ಕೋಳಿಗೆ

ಪೊಲೀಸರೇ ಭದ್ರತೆ ನೀಡುತ್ತಿರುವ ಕೋಳಿ ಎಂದರೆ ಸುಮ್ಮನೆಯೇ? ಇದೀಗ ಈ ಕೋಳಿಯದ್ದೇ ಎಲ್ಲಡೆ ಸದ್ದು... ಕೆಲವೊಮ್ಮೆ ಯಾವುದೋ ಒಂದು ಸನ್ನಿವೇಶ ಒಬ್ಬರನ್ನು ವಿಐಪಿ ಮಾಡುತ್ತದೆ ಎನ್ನುವುದಕ್ಕೆ ಉದಾಹರಣೆಯೇ ಈ ಕೋಳಿ, ಈ ವಿಚಿತ್ರ ಕತೆ ಕೇಳಿ ನಿಮಗೆ ಏನು ಅನಿಸಿತು? ಕಮೆಂಟ್ ಮಾಡಿ.