ಚೈತ್ರ ನವರಾತ್ರಿ 2023: ಯಾವ ದಿನ ಯಾವ ಬಣ್ಣ, ಇದರ ಮಹತ್ವವೇನು?

ಪ್ರತಿವರ್ಷ ಎರಡು ಬಾರಿ ನವರಾತ್ರಿಯನ್ನು ಆಚರಿಸಲಾಗುವುದು. ಈಗ ಬಂದಿರುವುದು ಚೈತ್ರ ನವರಾತ್ರಿ. ಅದಾಗಿ ಕೆಲವು ತಿಂಗಳುಗಳಲ್ಲಿ ಶಾರದೀಯ ನವರಾತ್ರಿ ಆಚರಿಸಲಾಗುವುದು. ಇದು ಸಾಮಾನ್ಯವಾಗಿಅಕ್ಟೋಬರ್‌-ನವೆಂಬರ್‌ ತಿಂಗಳಿನಲ್ಲಿ ಬರುವುದು.

ಈ ವರ್ಷ ಚೈತ್ರ ನವರಾತ್ರಿಯನ್ನು ಮಾರ್ಚ್‌ 22ರಿಂದ ಮಾರ್ಚ್ 30ರವರೆಗೆ ಆಚರಿಸಲಾಗುವುದು. ಈ ವರ್ಷ ಶಾರದೀಯ ನವರಾತ್ರಿಯನ್ನು ಅಕ್ಟೋಬರ್ 15ರಿಂದ ಅಕ್ಟೋಬರ್‌ 24ರವರೆಗೆ ಆಚರಿಸಲಾಗುವುದು.

ನವರಾತ್ರಿಯ 9ನೇ ದಿನ ರಾಮನವಮಿ ಆಚರಿಸಲಾಗುವುದು. ಚೈತ್ರ ನವರಾತ್ರಿ 9 ದಿನ ದೇವಿಯ 9 ಅವತಾರಗಳನ್ನು ಪೂಜಿಸಲಾಗುವುದು. ಶೈಲಪುತ್ರಿ, ಬ್ರಹ್ಮಚಾರಿಣಿ, ಚಂದ್ರಘಂಟಾ, ಕೂಷ್ಮಾಂಡಾ, ಸ್ಕಂದಮಾತಾ, ಕಾತ್ಯಾಯನಿ, ಕಾಳರಾತ್ರಿ, ಮಹಾಗೌರಿ ಮತ್ತು ಸಿದ್ಧಿದಾತ್ರಿ ದುರ್ಗೆಯ 9 ಅವತಾರಗಳಾಗಿವೆ. ಒಂದೊಂದು ದಿನ ಒಂದೊಂದು ದೇವಿಯನ್ನು ಪೂಜಿಸಲಾಗುವುದು.

ನವರಾತ್ರಿ ನವದುರ್ಗೆಯರನ್ನು ಒಂದೊಂದು ಬಣ್ಣದ ಮೂಲಕ ಆರಾಧಿಸುತ್ತೇವೆ. ಈ ವರ್ಷ ಚೈತ್ರ ನವರಾತ್ರಿಯಂದು ಯಾವ ದಿನ ಯಾವ ಬಣ್ಣ ಶ್ರೇಷ್ಠ ಎಂದು ನೋಡೋಣ ಬನ್ನಿ:

ನವರಾತ್ರಿಯ ಮೊದಲ ದಿನ: ಕಡು ನೀಲಿ

ಮೊದಲ ಶೈಲ ಪುತ್ರಿಯ ಆರಾಧನೆ ಮಾಡುವಾಗ ನೀಲಿ ಬಣ್ಣದ ಉಡುಪು ಧರಿಸಿದರೆ ನಿಮಗೆ ಮತ್ತಷ್ಟು ಶುಭ ಫಲ ದೊರೆಯಲಿದೆ.

ನೀಲಿಬಣ್ಣ ಐಶ್ವರ್ಯ, ಸಂಪತ್ತಿನ ಸಂಕೇತವಾಗಿದೆ. ಈ ಬಣ್ಣವನ್ನು ನವರಾತ್ರಿಗೆ ಧರಿಸುವುದರಿಂದ ಸಂಪತ್ತು, ಐಶ್ವರ್ಯ ಹೆಚ್ಚಾಗಲಿದೆ.

ಚೈತ್ರ ನವರಾತ್ರಿ 2ನೇ ದಿನ: ಹಳದಿ ಬಣ್ಣ

ಈ ದಿನ ಬ್ರಹ್ಮಚಾರಿಣಿಯನ್ನು ಪೂಜಿಸಲಾಗುವುದು. ಹಳದಿ ಶುಭದ ಸಂಕೇತ. ಈ ದಿನ ಹಳದಿ ಬಣ್ಣದ ಉಡುಪು ಧರಿಸಿ ಪೂಜೆಯನ್ನು ಮಾಡಿ.

ಹಳದಿ ಶುಭ ಹಾಗೂ ಜ್ಞಾನದ ಸಂಕೇತವಾಗಿದೆ.

ನವರಾತ್ರಿ 3ನೇ ದಿನ: ಹಸಿರು

ನವರಾತ್ರಿ 3ನೇ ದಿನ ಚಂದ್ರಘಂಟಾ ದೇವಿಯನ್ನು ಆರಾಧಿಸಲಾಗುವುದು. ಈ ದಿನ ನೀವು ದೇವಿಯ ಆರಾಧನೆಗೆ ಹಸಿರು ಬಣ್ಣದ ಉಡುಪು ಧರಿಸಿ.

ಹಸಿರು ಹೊಸ ಆರಂಭ, ಫಲವತ್ತತೆಯ ಸಂಕೇತ.

ನವರಾತ್ರಿ 4ನೇ ದಿನ: ಬೂದು ಬಣ್ಣ

ನವರಾತ್ರಿ 4ನೇ ದಿನ ಕೂಷ್ಮಾಂಡಾ ದೇವಿಯನ್ನು ಆರಾಧಿಸಲಾಗುವುದು. ಈ ದೇವಿಯನ್ನು ಆರಾಧನೆ ಮಾಡುವಾಗ ನೀವು ಕಿತ್ತಳೆ ಬಣ್ಣದ ಉಡುಪು ಧರಿಸಿ.

ಬೂದು ಬಣ್ಣ ಧರಿಸುವುದರಿಂದ ಜೀವನದಲ್ಲಿರುವ ನೆಗೆಟಿವ್‌ ಅಂಶಗಳು ದೂರಾಗಲಿದೆ.

ನವರಾತ್ರಿ 5ನೇ ದಿನ: ಕಿತ್ತಳೆ

ನವರಾತ್ರಿ 5ನೇ ದಿನ ಸ್ಕಂದಮಾತಾ ದೇವಿಯನ್ನು ಆರಾಧಿಸಲಾಗುವುದು. ಈ ದಿನ ಮಾತೆ ಸ್ಕಂದಮಾತೆಯನ್ನು ಪೂಜಿಸುವಾಗ ನೀವು ಬಿಳಿ ಬಣ್ಂದ ಉಡುಪು ಧರಿಸಿ.

ಕಿತ್ತಳೆ ಅಂದರೆ ಬೆಂಕಿಯ ಬಣ್ಣ ಇದು ಶಕ್ತಿಯ ಸಂಕೇತ

ನವರಾತ್ರಿ 6ನೇ ದಿನ: ಬಿಳಿ

ನವರಾತ್ರಿ 6ನೇ ದಿನದಂದು ಕಾತ್ಯಾಯನಿ ದೇವಿಯನ್ನು ಆರಾಧಿಸಲಾಗುವುದು. ದೇವಿ ಕಾತ್ಯಾಯನಿ ಪೂಜೆಯಂದು ನೀವು ಬಿಳಿ ಬಣ್ಣದ ಉಡುಪು ಧರಿಸಿ ಪೂಜೆಯನ್ನು ಮಾಡಿ.

ಬಿಳಿ ಬಣ್ಣವು ಶಾಂತಿ, ಶುದ್ಧತೆಯ ಸಂಕೇತವಾಗಿದೆ.

ನವರಾತ್ರಿ 7ನೇ ದಿನ: ಕೆಂಪು

ನವರಾತ್ರಿ 7ನೇ ದಿನ ಕಾಳರಾತ್ರಿ ದೇವಿಯನ್ನು ಆರಾಧಿಸಲಾಗುವುದು. ಈ ದಿನ ಕೆಂಪು ವಸ್ತ್ರದ ಬಟ್ಟೆ ಧರಿಸಿ ದೇವಿಯನ್ನು ಆರಾಧಿಸಿ.

ಕೆಂಪು ಬಕ್ತಿ, ಸಾಧನೆಯ ಸಂಕೇತವಾಗಿದೆ.

ನವರಾತ್ರಿ 8ನೇ ದಿನ: ಆಕಾಶ ನೀಲಿ

ನವರಾತ್ರಿ 8ನೇ ದಿನ ಮಹಾಗೌರಿಯನ್ನು ಆರಾಧಿಸಲಾಗುವುದು. ಈ ದಿನ ನೀವು ಆಕಾಶ ನೀಲಿ ಬಣ್ಣದ ಬಟ್ಟೆ ಧರಿಸಿ ಮಹಾಗೌರಿಯನ್ನು ಆರಾಧಿಸಿ.

ನವರಾತ್ರಿಯಂದು ಆಕಾಶ ನೀಲಿ ಬಣ್ಣ ಧರಿಸುವುದರಿಂದ ಜೀವನದಲ್ಲಿರುವ ಎಲ್ಲಾ ಸಮಸ್ಯೆಗಳು ಬಗೆಹರಿಯಲಿದೆ.

ನವರಾತ್ರಿ 9ನೇ ದಿನ : ಗುಲಾಬಿ ಬಣ್ಣ

ನವರಾತ್ರಿ 9ನೇ ದಿನ ಸಿದ್ಧಿದಾತ್ರಿ ದೇವಿಯನ್ನು ಆರಾಧಿಸಲಾಗುವುದು. ಈ ದಿನ ಗುಲಾಬಿ ಬಣ್ಣದ ಬಟ್ಟೆ ಧರಿಸಿದರೆ ಮತ್ತಷ್ಟು ಶುಭವಾಗಿರುತ್ತದೆ.

ಗುಲಾಬಿ ಬಣ್ಣ ಸೌರ್ಹಾದತೆ, ಪ್ರೀತು ಸಂಕೇತ.

ಮಾರ್ಚ್‌ 22: ಕಡು ನೀಲಿ
ಮಾರ್ಚ್ 23: ಹಳದಿ
ಮಾರ್ಚ್‌ 24: ಹಸಿರು
ಮಾರ್ಚ್‌ 25: ಬೂದು ಬಣ್ಣ
ಮಾರ್ಚ್ 26: ಕಿತ್ತಳೆ ಬಣ್ಣ
ಮಾರ್ಚ್ 27: ಬಿಳಿ
ಮಾರ್ಚ್‌ 28: ಕೆಂಪು
ಮಾರ್ಚ್ 29: ಆಕಾಶ ನೀಲಿ
ಮಾರ್ಚ್ 30: ಗುಲಾಬಿ ಬಣ್ಣ