ವಿಶ್ವದ ಎತ್ತರದ ಕಟ್ಟಡ ಬುರ್ಜ್ ಖಲೀಫಾ ಅಲ್ಲಾ.!! ತಲೆ ಎತ್ತಲಿದೆ ಹೊಸ ಗಗನಚುಂಬಿ ಕಟ್ಟಡ

ವಿಶ್ವದ ಅತ್ಯಂತ ಎತ್ತರದ ಕಟ್ಟಡ ಯಾವುದು ಅಂದ್ರೆ ಥಟ್ ಅಂತ ನಾವು ದುಬೈನ ಜುರ್ಜ್ ಖಲಿಫಾ ಎಂದು ಬಿಡುತ್ತೇವೆ. ಅದು ಎತ್ತರದಿಂದ ಎಷ್ಟು ಫೇಮಸ್ ಆಗಿದ್ಯೋ ಅದರಷ್ಟೇ ಕಟ್ಟಡದ ವಿನ್ಯಾಸಕ್ಕೂ ಹೆಸರಾಗಿದೆ. ಗಗನಚುಂಬಿ ಕಟ್ಟಡದ ತುದಿಗೆ ತಲುಪಿ ಇಡೀ ದುಬೈ ಕಣ್ತುಂಬಿಕೊಳ್ಳಲು ದಿನಾಲು ಸಾವಿರಾರು ಮಂದಿ ಅಲ್ಲಿಗೆ ಪ್ರವಾಸ ಬರುತ್ತಾರೆ.

ಈ ಬುರ್ಜ್ ಖಲಿಫಾ ಬರೋಬ್ಬರಿ 828 ಮೀಟರ್ ಎತ್ತರವಾಗಿದೆ. ಅಂದರೆ ಮೇಲೆ ತೆರಳಲು ಲಿಫ್ಟ್ ನಿಮಿಷಗಳಿಗೂ ಹೆಚ್ಚು ಕಾಲ ಚಲಿಸುತ್ತದೆ. ಇನ್ನು ಪ್ರಪಂಚ ಸುತ್ತಾಡುವ ಮಂದಿ ದುಬೈಗೆ ಒಮ್ಮೆ ಭೇಟಿ ನೀಡಿ ಈ ಕಟ್ಟಡ ಏರಬೇಕು ಎಂದು ಕೊಂಡಿರುತ್ತಾರೆ. ಕೇವಲ 6 ವರ್ಷದಲ್ಲಿ ಈ ಕಟ್ಟಡವನ್ನು ನಿರ್ಮಿಸಲಾಗಿದ್ದು, ಇಂಜಿನಿಯರ್ಸ್‌ ಲೋಕದ ಅಚ್ಚರಿಗಳಲ್ಲಿ ಇದೂ ಒಂದಾಗಿದೆ.

ಆದರೆ ಇಷ್ಟೆಲ್ಲಾ ವಿಶೇಷ ತನ್ನಲ್ಲಿಟ್ಟುಕೊಂಡಿರುವ ಬುರ್ಜ್ ಖಲೀಫಾ ಇನ್ನೇನು ಕೆಲವೇ ವರ್ಷದಲ್ಲಿ ತನ್ನ ಹೆಗ್ಗಳಿಕೆಯಿಂದ ಮುಕ್ತಿ ಪಡೆಯಲಿದೆ. ಹೌದು ಬುರ್ಜ್ ಖಲೀಫಾಗಿಂತಲೂ ದೊಡ್ಡದಾದ ಕಟ್ಟಡ ನಿರ್ಮಾಣ ಕಾರ್ಯ ಭರದಿಂದ ಸಾಗಿದ್ದು, ಕೆಲವೇ ವರ್ಷದಲ್ಲಿ ವಿಶ್ವದ ಅತ್ಯಂತ ಎತ್ತರದ ಕಟ್ಟಡಗಳ ಸಾಲಿನಿಂದ ಬುರ್ಜ್‌ ಖಲೀಫಾ ಕೆಳಗಿಳಿಯಲಿದೆ.

ಬುರ್ಜ್‌ನ ನಿರ್ಮಾಣವು 2004 ರಲ್ಲಿ ಪ್ರಾರಂಭವಾಯಿತು ಮತ್ತು ಇದು ಅಧಿಕೃತವಾಗಿ 2010 ರಲ್ಲಿ ಪ್ರಾರಂಭವಾಯಿತು. ದುಬೈನ ಮಧ್ಯಭಾಗದಲ್ಲಿರುವ ದೊಡ್ಡ, ವೈವಿಧ್ಯಮಯ ಅಭಿವೃದ್ಧಿಯಲ್ಲಿ ಕಟ್ಟಡವು ಪ್ರಮುಖ ಆಕರ್ಷಣೆಯಾಗಲು ಯೋಜಿಸಲಾಗಿತ್ತು. ವ್ಯಾಪಾರ, ಪ್ರವಾಸೋದ್ಯಮ ಮತ್ತು ಐಷಾರಾಮಿ ಮೇಲೆ ಕೇಂದ್ರೀಕರಿಸಿದ ಆರ್ಥಿಕತೆಯನ್ನು ನಿರ್ಮಿಸಲು ಭಾಗವಾಗಿದೆ. ಆದಾಗ್ಯೂ, ಈಗ ಅದನ್ನು ಮೀರಿಸಬಹುದಾದ ಹೊಸ ಕಟ್ಟಡದ ಬಗ್ಗೆ ಮಾತುಕತೆಗಳು ನಡೆಯುತ್ತಿದ್ದು, ಬುರ್ಜ್ ಖಲೀಫಾ ಇನ್ನು ಮುಂದೆ ಎತ್ತರವಾಗುವುದಿಲ್ಲವೇ ಎಂದು ಜನರು ಆಶ್ಚರ್ಯ ಪಡುತ್ತಿದ್ದಾರೆ.

(ಫೋಟೋ ಕೃಪೆ ಗಿನ್ನೀಸ್ ವರ್ಡ್‌ ರೆಕಾರ್ಡ್‌ ತಾಣ)

ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಪ್ರಕಾರ, ಸೌದಿ ಅರೇಬಿಯಾದಲ್ಲಿ ಪ್ರಸ್ತುತ ನಿರ್ಮಾಣ ಹಂತದಲ್ಲಿರುವ ಕಟ್ಟಡವು ಪೂರ್ಣಗೊಂಡ ನಂತರ ಬುರ್ಜ್ ಖಲೀಫಾಕ್ಕಿಂತಲೂ ಎತ್ತರವಾಗಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಕಿಂಗ್ಡಮ್ ಟವರ್ ಎಂದೂ ಕರೆಯಲ್ಪಡುವ ಜೆಡ್ಡಾ ಟವರ್, 1,000 ಮೀ (1 ಕಿಮೀ; 3,281 ಅಡಿ) ಎತ್ತರವನ್ನು ಹೊಂದಿರಲಿದೆ ಎಂದು ವರದಿಯಾಗಿದೆ. ಜೆಡ್ಡಾ ಎಕನಾಮಿಕ್ ಕಂಪನಿ ಕಟ್ಟಡವು ಐಷಾರಾಮಿ ವಸತಿ, ಕಚೇರಿ ಸ್ಥಳ, ಸರ್ವಿಸ್ಡ್ ಅಪಾರ್ಟ್‌ಮೆಂಟ್‌ಗಳು ಮತ್ತು ಐಷಾರಾಮಿ ಕಾಂಡೋಮಿನಿಯಂಗಳ ಮಿಶ್ರಣವಾಗಿದೆ.

ಈ ಜೆಡ್ಡಾ ಟವರ್ ಅನ್ನು $1.23 ಶತಕೋಟಿ ಹೂಡಿಕೆ ಮಾಡಿ ನಿರ್ಮಿಸಲಾಗುತ್ತಿದೆ. ಕೆಲವೇ ವರ್ಷದಲ್ಲಿ ಖಲೀಫಾದ ಎತ್ತರ ಕಟ್ಟಡ ಎಂಬ ಕಿರೀಟವನ್ನು ಕದಿಯಬಹುದು. ಆದರೆ ಇದರ ನಿರ್ಮಾಣ ಕಾರ್ಯ ಯಾವಾಗ ಅಂತ್ಯವಾಗಲಿದೆ ಎಂಬುದು ಇನ್ನೂ ನಿಗದಿಯಾಗಿಲ್ಲ. ಒಂದೊಮ್ಮೆ ಗಗನಚುಂಬಿ ಕಟ್ಟಡವಾದರೆ ಇದೂ ಸಹ ಪ್ರಪಂಚದ ಅದ್ಭುತಗಳಲ್ಲಿ ಒಂದಾಗಲಿದೆ.

ವಿಶ್ವದ ಎತ್ತರದ ಕಟ್ಟಡಗಳ ಪಟ್ಟಿ

• ಬುರ್ಜ್ ಖಲೀಫಾ- ದುಬೈ, ಯುನೈಟೆಡ್ ಅರಬ್ ಎಮಿರೇಟ್ಸ್- 2717 ಅಡಿ
• ಮೆರ್ಡೆಕಾ 118- ಕುಲಾಲಂಪುರ್-ಮಲೇಷ್ಯಾ- 2227 ಅಡಿ
• ಶಾಂಘೈ ಟವರ್- ಶಾಂಘೈ, ಚೀನಾ- 2073 ಅಡಿ
• ಅಬ್ರಾಜ್ ಅಲ್-ಬೈಟ್ ಗಡಿಯಾರ ಗೋಪುರ, ಮೆಕ್ಕಾ, ಸೌದಿ ಅರೇಬಿಯಾ--1972 ಅಡಿ
• ಪಿಂಗ್ ಆನ್ ಇಂಟರ್ನ್ಯಾಷನಲ್ ಫೈನಾನ್ಸ್ ಟವರ್-ಶೆನ್ಜೆನ್, ಚೀನಾ- 1966 ಅಡಿ
• ಲೊಟ್ಟೆ ವರ್ಲ್ಡ್ ಟವರ್- ಸಿಯೋಲ್-ದಕ್ಷಿಣ ಕೊರಿಯಾ- 1819 ಅಡಿ
• ವಿಶ್ವ ವ್ಯಾಪಾರ ಕೇಂದ್ರ-ನ್ಯೂಯಾರ್ಕ್- ಯುನೈಟೆಡ್ ಸ್ಟೇಟ್ಸ್- 1776 ಅಡಿ
• ಗುವಾಂಗ್ಝೌ CTF ಹಣಕಾಸು ಕೇಂದ್ರ-ಗುವಾಂಗ್ಝೌ, ಚೀನಾ- 739 ಅಡಿ
• ಟಿಯಾಂಜಿನ್ CTF ಹಣಕಾಸು ಕೇಂದ್ರ-ಟಿಯಾಂಜಿನ್, ಚೀನಾ-1739 ಅಡಿ
• ಚೀನಾ ಝುನ್- ಬೀಜಿಂಗ್, ಚೀನಾ- 1731 ಅಡಿ