ಮಹಿಳೆ, ರಾಟ್ವೀಲರ್‌ ನಾಯಿ ಜೊತೆ ಕರಿ ಚಿರತೆಯ ಫ್ರೆಂಡ್‌ಶಿಪ್‌ : ವೀಡಿಯೋ ವೈರಲ್

ರಾಟ್ವೀಲರ್ ನಾಯಿ ಸಾಕಿದವರಿಗೆ ಅದರ ಗುಣ ಹೇಗಿರುತ್ತೆ ಎಂಬುವುದು ಗೊತ್ತಿರುತ್ತದೆ, ಬಲು ಜೋರಿನ ನಾಯಿಯದು. ಅದು ಮನೆಯಲ್ಲಿದ್ದರೆ ಅದು ಬೊಗಳಿದರೆ ಸಾಕು ಆ ಮನೆಯೊಳಗಡೆ ಹೆಜ್ಜೆ ಹಿಡಲು ಭಯವಾಗುತ್ತೆ, ಇನ್ನ ಅಪರಿಚಿತರು ಎದುರಿಗೆ ಬಂದರೆ ಸಿಗದೇ ಬಿಡುವ ರೋಷ ಅದರಲ್ಲಿರುತ್ತೆ, ಆದ್ದರಿಂದ ಆ ನಾಯಿ ಸಾಕಿರುವ ಯಜಮಾನನಿಗೆ ಒಂಥರಾ ಗತ್ತು. ಮನೆಯಲ್ಲಿ ಹುಲಿಯನ್ನೇ ಸಾಕಿಕೊಂಡಿದ್ದೇನೆ ಎಂಬ ಫೀಲ್.

ಇಲ್ಲೊಬ್ಬರು ರಾಟ್ವೀಲರ್ ನಾಯಿ ಜೊತೆ ಕರಿ ಚಿರತೆಯನ್ನು ಸಾಕಿದ್ದಾರೆ. ಅಷ್ಟಕ್ಕೂ ಅವರಿಗೆ ತಾವು ಸಾಕುತ್ತಿರುವುದು ಕರಿ ಚಿರತೆ ಎಂದು ಗೊತ್ತಿಲ್ಲದೆ ಸಾಕಿದ್ದಾರೆ. ಇದೀಗ ಆ ಯಜಮಾನಿಯ ಜೊತೆಗೆ ಕರಿ ಚಿರತೆ, ರಾಟ್ವೀಲರ್ ನಾಯಿ ಆಟ ಆಡುತ್ತಿರುವುದು, ಕರಿ ಚಿರತೆ-ರಾಟ್ವೀಲರ್ ಸ್ನೇಹದಿಂದ ಇರುವ ವೀಡಿಯೋ ತುಂಬಾನೇ ವೈರಲ್ ಆಗುತ್ತಿದೆ.

ಆಕೆಗೆ ಆ ಕರಿಚಿರತೆ ಬೀದಿ ಬದಿಯಲ್ಲಿ ಸಿಗುತ್ತದೆ, ಪಾಪ ಆಕೆ ಅದನ್ನು ಬೆಕ್ಕೆಂದು ಯೋಚಿಸುತ್ತಾಳೆ. ತುಂಬಾ ಚಿಕ್ಕ ಮರಿಯಾಗಿರುತ್ತದೆ. ಮನೆಗೆ ತಂದು ಆರೈಕೆ ಮಾಡುತ್ತಾಳೆ. ಆ ಬೆಕ್ಕಿನ ಮರಿ ದಿನಗಳು ಉರುಳುತ್ತಿದ್ದಂತೆ ಎತ್ತರಕ್ಕೆ ಬೆಳೆಯಲಾರಂಭಿಸುತ್ತದೆ, ಆವಾಗ ಆಕೆಗೆ ತಾನು ಸಾಕಿರುವು ಕರಿ ಚಿರತೆ ಎಂಬುವುದು ಗೊತ್ತಾಗಿದೆ, ಆದರೆ ಅಷ್ಟೊತ್ತಿಗೆ ಆ ಪ್ರಾಣಿ ಸಾಕು ಪ್ರಾಣಿಯಷ್ಟೇ ಮೃದು ಸ್ವಭಾವದ ಪ್ರಾನಿಯಾಗಿ ಬದಲಾಗಿತ್ತು.

ಆಕೆ ತನ್ನ ಕೈ ಬೆರಳನ್ನು ಆ ಕರಿ ಚಿರತೆಯ ಬಾಯಿಯೊಳಗೆ ಇಟ್ಟರೂ ಕಚ್ಚುವುದಿಲ್ಲ. ಮನುಷ್ಯ-ಚಿರತೆ-ನಾಯಿಯ ಸ್ನೇಹದ ವೀಡಿಯೋ ಸಾಮಾಜಿಕ ತಾಣದಲ್ಲಿ ತುಂಬಾನೇ ಗಮನ ಸೆಳೆದಿದೆ.