60 ವರ್ಷ ಸ್ನಾನ ಮಾಡಿರದ ವ್ಯಕ್ತಿ ಸ್ನಾನ ಮಾಡಲು ಹೇಳಿದ ಗ್ರಾಮಸ್ಥರು, ಸ್ನಾನದ ಭಯದಲ್ಲಿಯೇ ಪ್ರಾಣಹೋಯ್ತಾ?

ವಿಶ್ವದ ಅತ್ಯಂತ ಕೊಳಕ ಮನುಷ್ಯ , ವರ್ಷಗಟ್ಟಲೆ ಸ್ನಾನ ಮಾಡದೇ ಇದ್ದ ಮನುಷ್ಯ ಕೊನೆಗೂ ಸ್ನಾನ ಮಾಡಲು ಒಪ್ಪಿಕೊಂಡಿದ್ದರು, ಅವರು ಕೊನೆಗೂ ಸ್ನಾನ ಮಾಡಲು ಒಪ್ಪಿಕೊಂಡಿದ್ದು ಸ್ನಾನ ಮಾಡುವ ಮುನ್ನ ಪ್ರಾಣ ಬಿಟ್ಟಿರುವುದು ವಿಪರ್ಯಾಸವೇ ಸರಿ.

ಎರಡು ದಿನ ಸ್ನಾನ ಮಾಡದಿದ್ದರೆ ನಿದ್ದೆ ಬರಲ್ಲ, ಆದರೆ ಈ ಮನುಷ್ಯ 60 ವರ್ಷದಿಂದ ಸ್ನಾನನೇ ಮಾಡಿಲ್ಲ. ಮೈಗೆ ಸೋಪು ಹಚ್ಚಿ ಸ್ನಾನ ಮಾಡದಿದ್ದರೂ ಬರಿ ನೀರಿನಲ್ಲಾದರೂ ಸ್ನಾನ ಮಾಡಿದ್ದಾರಾ? ಎಂದು ನೋಡುವುದಾದರೆ ಅದೂ ಇಲ್ಲ. ಆತನ ಮೈಗೆ ನೀರು ಬಿದ್ದು 60 ವರ್ಷವಾಗಿದೆ.

ಈತನ ಹೆಸರು ಅಮೌ ಹಾಜಿ, ಈತ ಸ್ನಾನ ಮಾಡದೆ ವಿಶ್ವದ ಅತ್ಯಂತ ಕೊಳಕ ಮನುಷ್ಯ ಅನಿಸಿಕೊಂಡಿದ್ದಾನೆ. ಇದನ್ನು ಭೇಟಿಯಾಗಲು ಹೋದ ಲೇಖಕರಿಗೆ ಈತನ ನೋಡಿ ಆಶ್ವರ್ಯವಾಗಿತ್ತಂತೆ, ಏಕೆಂದರೆ ಈತನ ಮೈ ನೋಡಿದರೆ ಯಾವುದೋ ಕಲ್ಲು ಬಂಡೆಯಂತೆ ಇತ್ತು, ತ್ವಚೆ ಒಣ ಭೂಮಿಯಂತೆ ಒರಟಾಗಿ ಇತ್ತು ಎಂದು ಬರೆದಿದ್ದಾರೆ.

ಹಾಜಿ ಮೈಗೆ ನೀರು ಬೀಳುವುದೆಂದರೆ ಭಯ
ಈತನಿಗೆ ಮೈಗೆ ನಿರು ಬಿದ್ದರೆ ಎಲ್ಲಿ ಹುಷಾರಿಲ್ಲದೆ ಆಗುತ್ತೀನೋ ಎಂಬ ಭಯ, ಹಾಗಾಗಿ ಸ್ನಾನನೇ ಮಾಡುತ್ತಿರಲಿಲ್ಲ, ಹೀಗೆ ಬರೋಬರಿ 6 ವರ್ಷಗಳನ್ನೇ ಕಳೆದ, ಅತ್ಯಂತ ಕೊಳಕು ಮೈ, ದುರ್ವಾಸನೆಯಿಂದ ಕೂಡಿದ ಈತನ ಸಮೀಪ ಜನ ಹೋಗುತ್ತಿರಲಿಲ್ಲ. ಆದರೂ ಈತ 90 ವರ್ಷ ಬದುಕಿದ್ದ ಎಂಬುವುದೇ ಅಚ್ಚರಿಯ ಸಂಗತಿ.

ತಾನು ಇರುವ ರೀತಿಯನ್ನು ಇಷ್ಟಪಡುತ್ತಿದ್ದ ಹಾಜಿ
ಮೊದ ಮೊದಲಿಗೆ ಆತನ ಜೊತೆಗೆ ಇದ್ದವರು ಆತನ ಬಳಿ ಸ್ನಾನ ಮಾಡುವಂತೆ ಹೇಳುತ್ತಿದ್ದರು, ಆದರೆ ಯಾರ ಮಾತನ್ನೂ ಕೇಳುತ್ತಿರಲಿಲ್ಲ, ಆತ ದುರ್ವಾಸನೆ ಬೀರಲಾರಂಭಿಸಿದಾಗ ಜನರು ದೂರಾದರು. ಕೆಲವರು ನೀನು ಸ್ನಾನ ಮಾಡಿ ಬಾ ಊಟ ಕೊಡ್ತೀನಿ ಎಂದು ಹೇಳಿದರೂ ಕೇಳುತ್ತಿರಲಿಲ್ಲ, ತಾನು ಕೊಳಕನಾಗಿಯೇ ಇರುವುದನ್ನು ಇಷ್ಟಪಟ್ಟಿದ್ದ.

ನೀರು ಮೈ ಮೇಲೆ ಬಿದ್ದರೆ ಕಾಯಿಲೆ ಬರುತ್ತೆ ಎಂಬ ಭಯ
ಕೆಲವರಿಗೆ ವಿಚಿತ್ರ ಭಯ ಇರುತ್ತದೆ, ನೀರು ಕಂಡರೆ ಭಯ, ಎತ್ತರ ಭಯ ಇದನ್ನು ಫೋಬಿಯಾ ಎಂದು ಹೇಳಲಾಗುವುದು, ಈತನಿಗೆ ಅಷ್ಟೆ ನೀರು ಕಂಡರೆ ಭಯ. ಹಾಗಾಗಿ ಸ್ನಾನ ಮಾಡುತ್ತಿರಲಿಲ್ಲ. ಈತ ಗೋಣಿ ಚೀಲದಲ್ಲಿ ಮಲಗುತ್ತಿದ್ದ, ಯಾರಾದರೂ ಈತನಿಗೆ ಸ್ನಾನ ಮಾಡು ಎಂದರೆ ಬೇಸರವಾಗುತ್ತಿತ್ತು.

ಈತನಿಗೆ ಸ್ನಾನ ಮಾಡಿಸಲು ಪಣತೊಟ್ಟು ಗ್ರಾಮಸ್ಥರು
ಈತನಿಗೆ ಸ್ನಾನ ಮಾಡಿಸಬೇಕೆಂದು ಆತ ಇದ್ದ ಇರಾನಿನ ದೇಜ್‌ಗಹ್‌ ಎಂಬ ಹಳ್ಳಿಯವರು ಈತನ ಬಳಿ ತುಂಬಾನೇ ಕೇಳಿಕೊಳ್ಳುತ್ತಾರೆ, ಆ ಊರಿನ ಹಿರಿಯರು ಬಂದು ಹೇಳುತ್ತಾರೆ, ಅಂತು ಈ ಕೊಳಕ ಮನುಷ್ಯ ಕೊನೆಗೂ ಸ್ನಾನ ಮಾಡಲು ಒಪ್ಪುತ್ತಾನೆ. ನಂತರ ನೋಡಿದರೆ ಆತನ ಸಾವಿನ ಸುದ್ದಿಗೆ ಊರಿಗೆ ತಿಳಿಯುತ್ತದೆ, ಸಾಯುವಾಗ 90 ವುಸ್ಸು ಸ್ನಾನ ಮಾಡುವ ಭಯದಿಂದಲೇ ಸತ್ತಿರಬಹುದು, ಇಲ್ಲದಿದ್ದರೆ ನೂರು ವರ್ಷ ಬದುಕುತ್ತಿದ್ದ ಎಂದು ಜನರು ಮಾತನಾಡಿಕೊಳ್ಳುತ್ತಾರೆ.

The Strange Life of Amou Haji ಎಂಬ ಡಾಕ್ಯೂಮೆಂಟರಿ ಕೂಡ ಇದೆ, ಅದರಲ್ಲಿ ಈತನ ಜೀವನದ ಬಗ್ಗೆ ಸಂಪೂರ್ಣ ಚಿತ್ರಣ ನೀಡಲಾಗಿದೆ.