ಮನೆಯಲ್ಲಿ ಪಕ್ಷಿ ಗೂಡು ಕಟ್ಟಿದರೆ ಶುಭವೇ? ಅದೃಷ್ಟದ ಸೂಚನೆಯೇ?

ಮನೆಯಲ್ಲಿ ಗಿಳಿಯೊಂದು ಗೂಡು ಕಟ್ಟಿ, ಮೊಟ್ಟೆ ಹಾಕಿದರೆ ತುಂಬಾನೇ ಸಂಭ್ರಮ ಅಲ್ವಾ? ಎಲ್ಲಾನಬಗೆಯ ಪಕ್ಷಿಗಳು ಮನೆಯಲ್ಲಿ ಬಂದು ಗೂಡು ಕಟ್ಟುವುದಿಲ್ಲ, ಪಾರಿವಾಳ, ಗುಬ್ಬಚ್ಚಿ ಈ ಬಗೆಯ ಕೆಲ ಪಕ್ಷಿಗಳಷ್ಟೇ ಮನುಷ್ಯ ವಾಸವಿರುವ ಮನೆಯಲ್ಲಿ ಗೂಡು ಕಟ್ಟುತ್ತವೆ. ಪಕ್ಷಿ ನಾವು ವಾಸವಿರುವ ಮನೆಯಲ್ಲಿ ಗೂಡು ಕಟ್ಟಿದರೆ ಶುಭ ಎಂದು ಹೇಳಲಾಗುವುದು. ನಿಜವಾಗಲು ಪಕ್ಷಿ ಗೂಡು ಕಟ್ಟಿದರೆ ಶುಭವೇ? ವೈದಿಕ ಶಾಸ್ತ್ರ ಏನು ಹೇಳುತ್ತದೆ ಎಂದು ನೋಡೋಣ ಬನ್ನಿ:

ಪಕ್ಷಿ ಮನೆ ಮುಂದೆ ಗೂಡು ಕಟ್ಟಿದರೆ ಏನರ್ಥ?
ಕೆಲವರು ಪಕ್ಷಿ ಮನೆ ಮುಂದೆ ಗೂಡು ಕಟ್ಟಿದರೆ ಅದು ಹೇಸಿಗೆ ಮಾಡುತ್ತದೆ ಎಂದು ತೆಗೆದು ಎಸೆಯುತ್ತಾರೆ. ಆದರೆ ಪಕ್ಷಿಯೊಂದು ಬಂದು ಮನೆ ಮುಂದೆ ಗೂಡು ಕಟ್ಟದರೆ ಅದರಿಂದ ನಿಮಗೆ ಶುಭ ಉಂಟಾಗುತ್ತದೆ, ಅದು ಶುಭ ಉಂಟಾಗುತ್ತದೆ ಎಂದು ವೈದಿಕ ಶಾಸ್ತ್ರ ಹೇಳುತ್ತದೆ. ಪಕ್ಷಿ ಗೂಡು ಕಟ್ಟಿದರೆ ಅದೃಷ್ಟ ಲಕ್ಷ್ಮಿ ಬರಲಿದ್ದಾಳೆ ಎಂಬ ಸೂಚನೆಯಾಗಿದೆ ಎಂದು ಹೇಳಲಾಗುವುದು. ನಿಮ್ಮ ಸಂಪತ್ತು ಹೆಚ್ಚಾಗಲಿದೆ ಎಂಬ ನಂಬಿಕೆ ಇದೆ.

ಗುಬ್ಬಚ್ಚಿ ಗೂಡು ಮಾಡಿದರೆ 10 ಬಗೆಯ ವಾಸ್ತು ದೋಷ ನಿವಾರಣೆಯಾಗುವುದು
ಮನೆಯಲ್ಕಿ ಗುಬ್ಬಚ್ಚಿ ಗೂಡು ಕಟ್ಟಿದರೆ 10 ಬಗೆಯ ವಾಸ್ತು ದೋಷ ನಿವಾರಣೆಯಾಗುವುದು ಎಂದು ಹೇಳಲಾಗುವುದು.

ಮನೆಯಲ್ಲಿ ಗುಬ್ಬಚ್ಚಿ ಗೂಡು ಮಾಡುವುದು
ನಿಮ್ಮ ಮನೆಯಲ್ಲಿ ಗುಬ್ಬಚ್ಚಿ ಗೂಡು ಕಟ್ಟಿದರೆ ಅದನ್ನು ತುಂಬಾ ಮಂಗಳಕರವೆಂದು ಪರಿಗಣಿಸಲಾಗಿದೆ.ಗುಬ್ಬಚ್ಚಿ ಯಾರ ಮನೆಯಲ್ಲಿ ಗೂಡು ಕಟ್ಟುವುದೋ ಆ ಮನೆಗೆ ಸಂತೋಷ ಮತ್ತು ಸಮೃದ್ಧಿ ಹೆಚ್ಚುವುದು. ಇದು ಸಂಪತ್ತು ಆಗಮನದ ಸಂಕೇತವೆಂದು ಪರಿಗಣಿಸಲಾಗಿದೆ. ಗುಬ್ಬಚ್ಚಿ ಗೂಡು ಕಟ್ಟಿದರೆ ವಾಸ್ತು ದೋಷದ ದುಷ್ಪರಿಣಾಮಗಳನ್ನು ನಿವಾರಿಸುತ್ತದೆ ಎಂದು ಹೇಳಲಾಗುವುದು. .

ಮನೆಯಲ್ಲಿ ಪಾರಿವಾಳ ಗೂಡು ಮಾಡುವುದು
ಅಂದಹಾಗೆ ತುಂಬಾ ಮನೆಯಲ್ಲಿ ಪಾರಿವಾಳಗಳು ಗೂಡು ಕಟ್ಟುತ್ತವೆ. ಪಾರಿವಾಳ ಮನೆಯಲ್ಲಿ ಇರುವುದು ಮತ್ತು ಗೂಡು ಕಟ್ಟುವುದು ಎರಡನ್ನೂ ಮಂಗಳಕರವೆಂದು ಪರಿಗಣಿಸಲಾಗಿದೆ. ಮನೆಯಲ್ಲಿ ಪಾರಿವಾಳದ ಗೂಡು ಇದ್ದರೆ ಸಂತೋಷ ಮತ್ತು ಶಾಂತಿ ಸಿಗುತ್ತದೆ ಎಂದು ನಂಬಲಾಗಿದೆ.

ಇವುಗಳು ಶುಭವಲ್ಲ
ಬಾವಲಿ ಗೂಡು
ಬಾವಲಿಗಳು ಮನೆಯ ಯಾವುದೇ ಭಾಗದಲ್ಲಿ ಗೂಡು ಕಟ್ಟಿದರೆ, ಅದು ತುಂಬಾ ಅಶುಭಕರ ಎಂದು ಭಾವಿಸಲಾಗುವುದು. ಬಾವಲಿ ಈ ರೀತಿ ಗೂಡು ಕಟ್ಟಿದರೆ ಅಹಿತರ ಘಟನೆ ನಡೆಯುವುದು ಎಂದು ಹೇಳಲಾಗುವುದು.

ಮನೆಯಲ್ಲಿ ಕಣಜ ಅಥವಾ ಜೇನುಗೂಡು ತಯಾರಿಸುವುದು-
ಜೇನುನೊಣಗಳು ಅಥವಾ ಕಣಜಗಳು ಮನೆಯ ಯಾವುದೇ ಸ್ಥಳದಲ್ಲಿ ಜೇನುಗೂಡುಗಳನ್ನು ಮಾಡಿದರೆ, ಅದು ಯಾರಿಗಾದರೂ ತೊಂದರೆ ಉಂಟುಮಾಡಬಹುದು. ಮನೆಯಲ್ಲಿ ಜೇನುಗೂಡು ಇರುವುದರಿಂದ, ಅಪಘಾತದ ಸೂಚನೆಯಾಗಿದೆ, ಇದನ್ನು ಮಂಗಳಕರವೆಂದು ಪರಿಗಣಿಸುವುದಿಲ್ಲ.