2025ರಲ್ಲಿ ಎಲ್ಲೆಲ್ಲೂ ಭೂಕಂಪನ: ನಿಜವಾಗಿದೆ ಬಾಬಾ ವಂಗಾ ಭವಿಷ್ಯ..!!

ಭವಿಷ್ಯದಲ್ಲಿ ಏನು ನಡೆಯಲಿದೆ ಎಂಬುದನ್ನು ಊಹಿಸುವ ಅಥವಾ ಮೊದಲೇ ಭವಿಷ್ಯ ನುಡಿಯುವ ಕೆಲವರ ಕುರಿತು ನೀವು ಕೂಡ ಕೇಳಿರಬಹುದು. ಅದರಲ್ಲೂ ಈ ಬಾಬಾ ವಂಗಾ ಕೂಡ ಒಬ್ಬರು. ಆಕೆ ದಶಕಗಳ ಹಿಂದೆಯೆ ಮುಂದೆ ನಡೆಯಬಹುದಾದ ಹಲವು ಘಟನಾವಳಿಗಳ ಕುರಿತು ಭವಿಷ್ಯ ನುಡಿದ್ದಾಳೆ. ಅಂತಹ ಕೆಲವು ಭವಿಷ್ಯಗಳು ಎಲ್ಲರಲ್ಲೂ ಅಚ್ಚರಿಯ ಜೊತೆಗೆ ಆತಂಕಕ್ಕೂ ಕಾರಣವಾಗುತ್ತಿದೆ.

ಅದರಲ್ಲೂ ಆಕೆ 2025ರ ಕುರಿತು ನುಡಿದಿರುವ ಕೆಲವು ಭವಿಷ್ಯವಾಣಿಗಳು ನಿಜವಾಗಿರುವುದು ಅಚ್ಚರಿ ಹುಟ್ಟಿಸಿದೆ. 2025 ಆರಂಭಗೊಂಡು ಇನ್ನೂ 3 ತಿಂಗಳು ಮುಗಿದಿದೆ. ಆದರೆ ಈ ನಡುವೆ ಆಕೆ ನುಡಿದ ಕೆಲವು ಭವಿಷ್ಯ ನಿಜವಾಗಿದೆ. ಬಾಲ್ಕನ್ಸ್‌ನ ನಾಸ್ಟ್ರಾಡಾಮಸ್ ಎಂದು ಕರೆಯಲ್ಪಡುವ ಬಲ್ಗೇರಿಯನ್ ಅತೀಂದ್ರಿಯ ಬಾಬಾ ವಂಗಾ, ಇಂತಹ ಹಲವು ದುರಂತಗಳ ಭವಿಷ್ಯವಾಣಿಗಳಿಂದಲೇ ಹೆಸರುವಾಸಿಯಾಗಿದ್ದಾರೆ.

1996ರಲ್ಲಿ ಅವರು ಮರಣ ಹೊಂದುವ ಮೊದಲು ಹಲವು ಭವಿಷ್ಯವಾಣಿಗಳ ಹೇಳಿದ್ದರು. ಅದರಲ್ಲೂ 9/11ರ ದಾಳಿ ಕುರಿತ ಅವರ ಭವಿಷ್ಯವಾಣಿಯು ನಿಜವಾಗಿತ್ತು. ಹಾಗೆ ಕೊರೊನಾ, ಜಪಾನ್ ಸುನಾಮಿ, ಇಂಗ್ಲೆಂಡ್ ರಾಜಕುಮಾರಿಯ ಸಾವು, ಪವರ್ ಫುಲ್ ದೇಶವಾಗುವ ಚೀನಾ ಕುರಿತು ಅವರು ಹೇಳಿದ್ದ ಭವಿಷ್ಯವಾಣಿಗಳು ನಿಜವಾದವು.

ಆದ್ರೆ 2025ರಲ್ಲಿ ಅವರು ಭಯಾನಕ ಭೂಕಂಪನಗಳ ಕುರಿತಂತೆ ಭವಿಷ್ಯ ನುಡಿದ್ದರು, ಅದೀಗ ನಿಜವಾಗಿರುವುದು ಆತಂಕ ಮತ್ತಷ್ಟು ಹೆಚ್ಚಾಗುವಂತೆ ಮಾಡಿದೆ. ಇತ್ತೀಚಿಗೆ ಮ್ಯಾನ್ಮಾರ್‌ನಲ್ಲಿ ಉಂಟಾದ ತೀವ್ರ ಭೂಕಂಪನವು 1,700 ಹೆಚ್ಚು ಮಂದಿಯ ಸಾವು ಹಾಗೂ ಲಕ್ಷಾಂತರ ಜನರು ಆಸ್ತಿ, ಮನೆ ಕಳೆದುಕೊಂಡಿರುವುದು ನೋಡಬಹುದು. ಹಾಗೆ ಅವರು ಈ ಭೂಕಂಪನ ಕುರಿತು ಅವರು ಮೊಲದೇ ಹೇಳಿದ್ದರು.

2025ರಲ್ಲಿ ಅತ್ಯಂತ ಪ್ರಬಲ ಭೂಕಂಪನ ಹಾಗೆ ಯುದ್ಧಗಳ ನಡೆಯಲಿವೆ ಎಂದು ಅವರು ಹೇಳಿದ್ದರು. ಆ ಮಾತಿನಂತೆ ಮ್ಯಾನ್ಮಾರ್‌ನಲ್ಲಿ ಸಂಭವಿಸಿದ ಭೂಕಂಪವು ಹಲವು ವರ್ಷದಿಂದ ಸಂಭವಿಸದೆ ಇರುವಷ್ಟು ಹಾನಿಗೆ ಕಾರಣವಾಗಿದೆ. ಅವರ ಭವಿಷ್ಯವಾಣಿಯ ಪ್ರಕಾರ ಇಡೀ ವಿಶ್ವದಲ್ಲಿ ಮಾನವೀಯ ಮೌಲ್ಯಗಳು 2025ರಿಂದ ಕುಸಿಯಲು ಆರಂಭಿಸಲಿದೆಯಂತೆ, ಹಾಗೆ ಯೂರೋಪ್‌ನಲ್ಲಿ ಯುದ್ಧದ ಆತಂಕ ಹೆಚ್ಚಾಗಲಿದೆ ಎಂದಿದ್ದಾರೆ.

ಈಗ ಯುರೋಪ್‌ನ ಹಲವು ದೇಶಗಳ ನಡುವೆ ರಾಜತಾಂತ್ರಿಕ ಸಮಸ್ಯೆಗಳು, ಯುದ್ಧದ ಆರಂಭದ ಮುನ್ಸೂಚನೆ ನೀಡುತ್ತಿರುವುದು ಕೂಡ ನಾವು ಈ ವೇಳೆ ನೆನೆಯಬಹುದು. ದಿ ನ್ಯೂಯಾರ್ಕ್ ಪೋಸ್ಟ್ ಪ್ರಕಾರ 2025 ರ ಇತರ ವಂಗಾ ಭವಿಷ್ಯವಾಣಿಗಳಲ್ಲಿ ಯುರೋಪಿನಲ್ಲಿ ಯುದ್ಧ ಭುಗಿಲೆದ್ದಿರುವುದು ಮತ್ತು ವಿಶ್ವಾದ್ಯಂತ ಆರ್ಥಿಕ ವಿಪತ್ತು ಎದುರಾಗುವುದು ಕೂಡ ಸೇರಿವೆ. ಹಾಗೆ 5079 ರಲ್ಲಿ ಜಗತ್ತು ಅಧಿಕೃತವಾಗಿ ಕೊನೆಗೊಳ್ಳುತ್ತದೆ ಎಂದು ಅವರು ಹೇಳಿದ್ದಾರೆ.

ಬಾಬಾ ವಂಗಾ ನುಡಿದಿರುವ ಅತ್ಯಂತ ಭಯಾನಕ ಭವಿಷ್ಯವಾಣಿಗಳಿವು

ಯುರೋಪಿನಲ್ಲಿ ಒಂದು ಪ್ರಮುಖ ಸಂಘರ್ಷವು ಖಂಡದ ಜನಸಂಖ್ಯೆಯ ಮೇಲೆ ತೀವ್ರ ಪರಿಣಾಮ ಬೀರುತ್ತದೆ ಇದು 2025ರಲ್ಲಿ ಸಂಭವಿಸಲಿದೆ ಎಂದಿದ್ದಾರೆ. ಬಹುತೇಕರು ಇದು ಯುದ್ಧ ಅಥವಾ ಸಾಂಕ್ರಾಮಿಕದ ಮುನ್ಸೂಚನೆ ಎಂದು ವಿವರಿಸಿದ್ದಾರೆ.

ಮಾನವ ಮೊದಲ ಬಾರಿಗೆ ಶುಕ್ರ ಗ್ರಹದ ಸಂಪನ್ಮೂಲಗಳ ಅನ್ವೇಷಿಸಲು 2028ರಲ್ಲಿ ಮುಂದಾಗುತ್ತಾನೆ ಎಂದಿದ್ದಾರೆ. ಹಾಗೆ 2033ರಲ್ಲಿ ಜಾಗತಿಕ ಸಮುದ್ರ ಮಟ್ಟದಲ್ಲಿ ಏರಿಕೆಯಾಗುವುದರಿಂದ ಸಮುದ್ರ ತೀರದ ನಗರಗಳು ಅಪಾಯಕ್ಕೆ ಸಿಲುಕಬಹುದು. 2076ರಲ್ಲಿ ಇಡೀ ವಿಶ್ವದಾದ್ಯಂತ ಕಮ್ಯುನಿಸಂ ಮತ್ತೆ ಹರಡಲಿದೆ. ಪ್ರತಿಯೊಂದು ದೇಶದಲ್ಲೂ ಕಮ್ಯುನಿಸಂ ಆಳ್ವಿಕೆ ಇರಲಿದೆ. 2130ರಲ್ಲಿ ಮೊದಲ ಬಾರಿಗೆ ಅನ್ಯಗ್ರಹ ಜೀವಿಗಳೊಂದಿಗೆ ಸಂಪರ್ಕ ಏರ್ಪಡಲಿದೆಯಂತೆ.

2170ರಲ್ಲಿ ಜಾಗತಿಕ ಬರ ಮಾನವರನ್ನು ಕಾಡಲಿದೆಯಂತೆ. 3797ರಲ್ಲಿ ಭೂಮಿ ಮಾನವರಿಗೆ ವಾಸಯೋಗ್ಯವಾಗಿ ಉಳಿದಿರುವುದಿಲ್ಲವಂತೆ. ಹಾಗೆ 5079 ರಲ್ಲಿ ಜಗತ್ತು ನಾಶವಾಗಲಿದೆ ಎಂದು ಅವರು ಹೇಳಿದ್ದಾರೆ.