2025ರ ಕುರಿತು ಬಾಬಾ ವಂಗಾ-ನಾಸ್ಟ್ರಾಡಾಮಸ್ ಇಬ್ಬರ ಭವಿಷ್ಯ ಒಂದೇ..! ಇಬ್ಬರು ಹೇಳಿದ್ದೇನು?

ಜಗತ್ತಿನ ಆಗು ಹೋಗುಗಳ ಕುರಿತು ದುರಂತಗಳ ಕುರಿತು ಯಾರಾದ್ರು ನಿಖರವಾಗಿ ಹೇಳಿರುವವರು ಇದ್ದರೆ ಅದು ನಾಸ್ಟ್ರಾಡಾಮಸ್. ಆತ ಹೇಳಿದ್ದ ಬಹುತೇಕ ಘಟನೆಗಳು ನಿಜವಾಗಿವೆ. 16ನೇ ಶತಮಾನದಲ್ಲಿ ಬದುಕಿದ್ದ ಆತ ಸಾವಿರಾರು ವರ್ಷದಲ್ಲಿ ಭೂಮಿ ಮೇಲೆ ಜರುಗಬಹುದಾದ ಘಟನೆಗಳನ್ನು ಮೊದಲೇ ಭವಿಷ್ಯ ನುಡಿದಿದ್ದಾನೆ. ಈಗಲೂ ಈತನ ಭವಿಷ್ಯಗಳು ನಿಜವಾಗುತ್ತಲೇ ಇವೆ.

ಇದಕ್ಕೆ ಹಲವು ಉದಾಹರಣೆಯನ್ನೂ ಕೂಡ ನಾವು ನೀಡಬಹುದು. 2024ರಲ್ಲಿ ಭೂಕಂಪನ ಸುನಾಮಿ ಕುರಿತು ಅವರು ಭವಿಷ್ಯ ನುಡಿದ್ದರು. ಇದು ಜಪಾನ್‌ನಲ್ಲಿ ಉಂಟಾದ ಭೂಕಂಪ ಹಾಗೂ ಸುನಾಮಿ ಕುರಿತು ಹೇಳಿದ್ದ ಭವಿಷ್ಯವಾಗಿತ್ತು. ಹೀಗೆ ಹಲವು ಭವಿಷ್ಯಗಳು ನಿಜವಾಗಿವೆ. ಹಾಗೆ ನಾಸ್ಟ್ರಾಡಾಮಸ್ ಬಳಿಕ ಮತ್ತೊಬ್ಬರ ಭವಿಷ್ಯಗಳು ನಿಜವಾಗುತ್ತಿರುವುದು ಅದು ಬಾಬಾ ವಂಗಾ.

ಬಾಬಾ ವಂಗಾಳನ್ನು ನಾಸ್ಟ್ರಾಡಾಮಸ್‌ಗೆ ಹೋಲಿಸಲಾಗುತ್ತದೆ. ಆಕೆ ನುಡಿದ ಭವಿಷ್ಯಗಳು ಕೂಡ ನಿಜವಾಗುತ್ತಿವೆ. ದೃಷ್ಟಿ ಹೀನ ಮಹಿಳೆ ಹೇಳುವ ಒಂದೊಂದೇ ವಿಚಾರಗಳು ನಿಜವಾಗುತ್ತಿದ್ದವು ಹಾಗಾಗಿ ಆಕೆಯನ್ನು ಅತೀಂದ್ರಿಯ ಶಕ್ತಿ ಹೊಂದಿದ್ದ ಮಹಿಳೆ ಎಂದು ಪರಿಗಣಿಸಲಾಗಿತ್ತು. ಆಕೆ ಹೇಳುತ್ತಿದ್ದ ವಿಚಾರಗಳು ನಿಜವಾಗುತ್ತಿದ್ದವು. ಆದ್ರೆ ಈಗ ನಾಸ್ಟ್ರಾಡಾಮಸ್ ಹಾಗೂ ಬಾಬಾ ವಂಗಾ ಇಬ್ಬರೂ ಒಂದೇ ರೀತಿಯ ಭವಿಷ್ಯ ನುಡಿದಿದ್ದಾರೆ.

ಹೌದು 2025ರ ಕುರಿತಂತೆ ಇಬ್ಬರೂ ಕೂಡ ಒಂದೇ ರೀತಿಯ ಭವಿಷ್ಯ ನುಡಿದಿದ್ದಾರೆ. ಆದ್ರೆ ಇದು ಒಳ್ಳೆಯ ವಿಚಾರವಾಗಿ ಈಗ ಸುದ್ದಿಯಾಗುತ್ತಿಲ್ಲ ಬದಲಿಗೆ ಇದೊಂದು ವಿಲಕ್ಷಣ ಹಾಗೂ ದುರಂತ ಸೂಚಕ ಭವಿಷ್ಯವಾಣಿಯಾಗಿದೆ. 1996 ರಲ್ಲಿ ನಿಧನರಾದ ಬ್ಲೈಂಡ್ ಬಲ್ಗೇರಿಯನ್ ಬಾಬಾ ವಂಗಾ ಕೂಡ ಇದೇ ರೀತಿ 2025ರ ದುರಂತಗಳ ಪಟ್ಟಿಯ ಹೇಳಿದ್ದಾರೆ.

ಬಾಬಾ ವಂಗಾ 2025 ರಲ್ಲಿ ಯುರೋಪ್‌ನಲ್ಲಿ ಹಲವು ರೀತಿಯ ದುರಂತಗಳು ಸಂಭವಿಸಿಲಿದೆ ಎಂದಿದ್ದಾರೆ. ಅದರಲ್ಲೂ ಮುಖ್ಯವಾಗಿ ಉಕ್ರೇನ್-ರಷ್ಯಾ ನಡುವಿನ ಯುದ್ಧದ ನಡುವೆ ಎರಡು ಹೊಸ ರಾಷ್ಟ್ರಗಳ ನಡುವೆ ಮತ್ತೊಂದು ಹೊಸ ಯುದ್ಧದ ಆರಂಭ ನೋಡಲಾಗುತ್ತದೆ ಎಂದಿದ್ದಾರೆ. ಏಲಿಯನ್‌ ಅಥವಾ ಅನ್ಯಗ್ರಹ ಜೀವಿಗಳ ಕುರಿತ ಬಹುದೊಡ್ಡ ಪ್ರಗತಿ ಕಾಣಲಿದ್ದೇವೆ ಎಂದಿದ್ದಾರೆ.

ಹಾಗೆ ನಾಸ್ಟ್ರಾಡಾಮಸ್ ಕೂಡ ಇದೇ ರೀತಿಯಲ್ಲಿ 2025ರ ವರ್ಷವನ್ನು ಸಂಘರ್ಷಗಳ ವರ್ಷ ಅಂತಲೇ ಪರಿಗಣಿಸಿದ್ದಾರೆ. ಅವರ ಪ್ರಕಾರ, ಯೂರೋಪ್‌ನಲ್ಲಿ ಅತೀ ಹೆಚ್ಚು ಜನಸಂಖ್ಯೆ ಕುಸಿತ ಕಾಣಲಿದೆಯಂತೆ. ಕ್ರೂರ ಯುದ್ಧದಗಳ ಖಂಡವಾಗಿ ಯುರೋಪ್ ಬದಲಾಗಲಿದೆ ಎಂದಿದ್ದಾರೆ. ಪ್ಲೇಗ್ ರೀತಿಯಲ್ಲಿ ದುರಂತಗಳು ಸಂಭವಿಸಲಿದೆ ಎಂದಿದ್ದಾರೆ.

ರಷ್ಯಾ ಉಕ್ರೇನ್ ಯುದ್ಧವು ಫಲಿತಾಂಶವಿಲ್ಲದೆ ನಷ್ಟದಿಂದ ಮುಕ್ತಾಯವಾಗಲಿದೆ ಎಂದಿದ್ದಾರೆ. ಎರಡೂ ಕಡೆ ಸಂಪನ್ಮೂಲಗಳ ನಷ್ಟ ಹಾಗೂ ಇಚ್ಛಾಶಕ್ತಿಯ ಅವನತಿಯಿಂದಾಗಿ ಯುದ್ಧ ಕೊನೆಯಾಗಲಿದೆಯಂತೆ. ಬ್ರೆಜಿಲ್‌ನಲ್ಲಿ ಜ್ವಾಲಾಮುಖಿ ಸ್ಪೋಟ, ತೀವ್ರ ಸ್ವರೂಪದ ಪ್ರವಾಹ, ವಿನಾಶಕಾರಿ ನೈಸರ್ಗಿಕ ವಿಕೋಪಗಳು ಉಂಟಾಗಲಿದೆ ಎಂದಿದ್ದಾರೆ.

ಬಾಬಾ ವಂಗಾ ಅವರು ಈ ಮೊದಲು 9/11 ಭಯೋತ್ಪಾದಕ ದಾಳಿಗಳು, ಕ್ವೀನ್ ಡಯಾನಾ ಸಾವು, ಚೋರ್ನೋಬಿಲ್ ದುರಂತ ಮತ್ತು ಬ್ರೆಕ್ಸಿಟ್‌, ಕೊರೊನದಂತಹ ಹಲವು ವಿದ್ಯಮಾನಗಳ ಕುರಿತಂತೆ ಭವಿಷ್ಯ ನುಡಿದ್ದಿದರು. ಹೀಗಾಗಿ ಬಾಬಾ ವಂಗಾ ಬಹುಬೇಗ ಫೇಮಸ್ ಆಗಿದ್ದರು. ರಷ್ಯಾ ಅಧ್ಯಕ್ಷ ಪುಟಿನ್ ಹತ್ಯೆ, ಇಂಗ್ಲೆಂಡ್ ರಾಣಿ ಕುರಿತಂತೆಯೂ ಅವರು ಭವಿಷ್ಯ ನುಡಿದಿದ್ದಾರೆ.

ಆದರೆ ಈಗ ಇಬ್ಬರು 2025ರ ಕುರಿತು ನುಡಿದಿರುವ ಭವಿಷ್ಯ ಒಂದೇ ರೀತಿಯಾಗಿದ್ದು ಈ ಭವಿಷ್ಯಗಳು ನಿಜವಾಗಲಿದ್ಯಾ ಎಂಬ ಕುತೂಹಲವಂತು ಮೂಡಿದೆ. ಸದ್ಯ ಇಬ್ಬರು ಹೇಳಿದ ಭವಿಷ್ಯದಲ್ಲಿ ಯಾವ ಭವಿಷ್ಯಗಳು ಎಷ್ಟು ಪ್ರಮಾಣದಲ್ಲಿ ನಿಜವಾಗುತ್ತೆ ಅನ್ನೋದನ್ನು ಕಾಲವೇ ನಿರ್ಧರಿಸಲಿದೆ. ಆದ್ರೆ ಈ ಭವಿಷ್ಯಗಳು ನಿಜವಾದರೆ ದುರಂತಗಳಿಂದಲೇ 2025 ಸುದ್ದಿಯಾಗಲಿದೆ. ಹಾಗೆ ಇತಿಹಾಸದ ಪುಟದಲ್ಲಿ ಸೇರಿಕೊಳ್ಳಲಿದೆ.