ಭೂಮಿಯತ್ತ ಸಾಗಿ ಬರುತ್ತಿದೆ ಕ್ಷುದ್ರಗ್ರಹ..! ನಾಳೆ ಅತ್ಯಂತ ಸಮೀಪಕ್ಕೆ..!

ಸೌರವ್ಯೂಹ ರಚನೆಯಾದಾಗಿನಿಂದ ಇಂದಿನವರೆಗೂ ಕ್ಷುದ್ರಗ್ರಹಗಳು ಕಾಣಿಸಿಕೊಳ್ಳುವುದು, ಭೂಮಿಯ ಸಮೀಪ ಹಾದುಹೋಗುವುದು ನಡೆಯುತ್ತಲೇ ಇದೆ. ಆದರೆ ಒಂದೆರಡು ಬಾರಿ ಭೂಮಿಗೆ ಹಾನಿಯಾಗಿದ್ದು ಬಿಟ್ಟರೆ ಮತ್ತೆ ಯಾವುದೇ ಸಂದರ್ಭದಲ್ಲಿಯೂ ಹಾನಿಯಾಗಿಲ್ಲ. 20ನೇ ಶತಮಾನದಿಂದ ಈಚೆಗೆ ಸುಮಾರು 20ಕ್ಕೂ ಹೆಚ್ಚು ಕ್ಷುದ್ರಗ್ರಹಗಳು ಭೂಮಿಗೆ ಅಪ್ಪಳಿಸಿರಬಹುದು. ಇವೆಲ್ಲವೂ ಗಾತ್ರದಲ್ಲಿ ಚಿಕ್ಕದವಾಗಿದ್ದವು ಅಲ್ಲದೆ ಯಾವುದೂ ಕೂಡ ಬೃಹತ್ ಹಾನಿಗೆ ಕಾರಣವಾಗಿರಲಿಲ್ಲ.

ಆದ್ರೆ ಭೂಮಿ ಮೇಲಿದ್ದ ಡೈನೋಸಾರ್‌ಗಳೆಂಬ ಬೃಹತ್ ಪ್ರಾಣಿಗಳ ಅಳಿವಿಗೆ ಮಾತ್ರ ಇದೇ ಕ್ಷುದ್ರಗ್ರಹಗಳು ಕಾರಣವಾಗಿದ್ದವು. ಆದ್ರೆ ನಾಳೆ ಭೂಮಿಯ ಸಮೀಪದಲ್ಲಿಯೇ ಒಂದು ಕ್ಷುದ್ರಗ್ರಹ ಹಾದು ಹೋಗುತ್ತಿದೆ. 2024 ON ಎಂಬ ಹೆಸರಿನ ಕ್ಷುದ್ರಗ್ರಹ ನಾಳೆ ಭೂಮಿ ಸಮೀಪದಲ್ಲಿ ಹಾದು ಹೋಗುತ್ತಿದೆ.

ಸುಮಾರು 950 ಅಡಿ ವ್ಯಾಸವನ್ನು ಅಳೆಯುವ ಈ ಬೃಹತ್ ಬಾಹ್ಯಾಕಾಶ ಬಂಡೆಯು ಭೂಮಿಯನ್ನು ಹಾದುಹೋಗುತ್ತದೆ ಸರಿಸುಮಾರು 621,000 ಮೈಲುಗಳ ದೂರದಲ್ಲಿ ಈ ಗ್ರಹ ಹಾದು ಹೋಗುತ್ತಿದೆ ಇದು ಚಂದ್ರನಿಗಿಂತಲೂ 2.5 ಪಟ್ಟು ದೂರದಲ್ಲಿ ಎಂಬುದು ಇಲ್ಲಿ ಗಮನಿಸಬೇಕಾದ ಅಂಶ. ಆದರೆ ಅದು ಹಾದು ಹೋಗುತ್ತಿರುವ ದೂರದ ಕುರಿತು ಆತಂಕವಿಲ್ಲ ಬದಲಿಗೆ ಅದರ ಗಾತ್ರ ಹಾಗೂ ವೇಗ ಮಾತ್ರವೇ ನಾಸಾಗೂ ಭಯ ಹುಟ್ಟಿಸುವಂತಿದೆ.

ಈ ಕ್ಷುದ್ರಗ್ರಹವನ್ನು ಇದೇ ವರ್ಷ ಜುಲೈನಲ್ಲಿ ಪತ್ತೆ ಮಾಡಲಾದ ಕಾರಣ ಅದಕ್ಕೆ 2024 ON ಎಂಬ ಹೆಸರು ಇಡಲಾಗಿದೆ. ATLAS ಸ್ಕೈ ಸಮೀಕ್ಷೆಯಿಂದ ಕಂಡುಹಿಡಿಯಲ್ಪಟ್ಟ ಕ್ಷುದ್ರಗ್ರಹ 2024 ON ಗಂಟೆಗೆ 40,233 ಕಿಲೋಮೀಟರ್ ವೇಗದಲ್ಲಿ ಪ್ರಯಾಣಿಸುತ್ತಿದೆ. ಭೂಮಿಗೆ ಅದರ ಸಮೀಪವಿರುವ ವಿಧಾನವು ಇಂದು ಸೆಪ್ಟೆಂಬರ್ 17 ರಂದು ಸಂಭವಿಸುತ್ತದೆ ಮತ್ತು ಘರ್ಷಣೆಯ ಅಪಾಯವಿಲ್ಲ ಎಂದು ನಾಸಾ ಸಾರ್ವಜನಿಕರಿಗೆ ಭರವಸೆ ನೀಡಿದೆ.

ಆದರೆ ಅತ್ಯಂತ ಸಮೀಪಕ್ಕೆ ಹಾದು ಹೋಗುವುದರಿಂದಾಗಿ ಖಗೋಳ ವೀಕ್ಷಕರಿಗೆ ಇದೊಂದು ಹಬ್ಬವೇ ಸರಿ. ಟೆಲಿಸ್ಕೋಪ್‌ನಲ್ಲಿ ಈ ಗ್ರಹವನ್ನು ವೀಕ್ಷಿಸಲು ಇದೊಂದು ಅತ್ಯಂತ ಸುಲಭದ ಸಮಯವಾಗುತ್ತದೆ. ಭವಿಷ್ಯದಲ್ಲಿ ಭೂಮಿಗೆ ಅಪಾಯವನ್ನುಂಟುಮಾಡಬಹುದಾದ ಯಾವುದೇ ಅಪಾಯಕಾರಿ ಕ್ಷುದ್ರಗ್ರಹಗಳು ಅಥವಾ ಬಾಹ್ಯಾಕಾಶ ವಸ್ತುಗಳನ್ನು ಪತ್ತೆಹಚ್ಚಲು PDCO (Planetary Defense Coordination Office ) ಸಹಕರಿಯಾಗಿದೆ.

ಕ್ಷುದ್ರಗ್ರಹವನ್ನು ನೋಡಲು ಆಸಕ್ತಿ ಹೊಂದಿರುವವರಿಗೆ, ಲೈವ್-ಸ್ಟ್ರೀಮ್ ವೀಕ್ಷಣೆ ಕಾರ್ಯಕ್ರಮವು ಸೆಪ್ಟೆಂಬರ್ 15 ರಂದು ವರ್ಚುವಲ್ ಟೆಲಿಸ್ಕೋಪ್ ಪ್ರಾಜೆಕ್ಟ್‌ನ ವೆಬ್‌ಸೈಟ್ ಮೂಲಕ 19:30 UTC ಯಿಂದ ಪ್ರಾರಂಭವಾಗುತ್ತದೆ. ಇದು ಬಾಹ್ಯಾಕಾಶ ಉತ್ಸಾಹಿಗಳಿಗೆ ನೈಜ ಸಮಯದಲ್ಲಿ ಕ್ಷುದ್ರಗ್ರಹವನ್ನು ವೀಕ್ಷಿಸಲು ಅನುವು ಮಾಡಿಕೊಡುತ್ತದೆ. ನಾಸಾ ಸಹ ಈ ವಿದ್ಯಮಾನವನ್ನು ಅತ್ಯಂತ ಕೌತುಕದಿಂದ ಎದುರು ನೋಡುತ್ತಿದೆ. ಇನ್ನು ಈ ಕ್ಷುದ್ರಗ್ರಹ ಬರಿಗಣ್ಣಿನಿಂದ ನೋಡಲು ಸಾಧ್ಯವಿಲ್ಲ.

ಇದಾದ ಬಳಿಕ 2029ರಂದು ಮತ್ತೊಂದು ಕ್ಷುದ್ರಗ್ರಹ ಭೂಮಿಯ ಅತ್ಯಂತ ಸಮೀಪದಲ್ಲಿ ಹಾದು ಹೋಗಲಿದೆ. 9942 ಅಪೋಫಿಸ್ ಎಂದು ಹೆಸರಿಡಲಾದ ಈ ಕ್ಷುದ್ರಗ್ರಹವು ಭೂಮಿಯ ಹತ್ತಿರ ಹಾದುಹೋಗಲಿದೆ. ಇದು ಸುಮಾರು 2 ಫುಟ್‌ಬಾಲ್ ಮೈದಾನದಷ್ಟು ದೊಡ್ಡದಾಗಿದ್ದು, ಗಂಟೆಗೆ 40,235 ಕಿ.ಮೀ ವೇಗದಲ್ಲಿ ಭೂಮಿಯತ್ತ ಧಾವಿಸುತ್ತಿದೆ ಎಂದು ತಿಳಿದುಬಂದಿದೆ. ಆದರೆ ಇದರಿಂದ ಸಹ ಭೂಮಿಗೆ ಯಾವುದೇ ಅಪಾಯವಿಲ್ಲ ಎಂದು ನಾಸಾ ತಿಳಿಸಿದೆ.

2004ರಲ್ಲಿ ಅಪೋಫಿಸ್ ಎಂಬ ಕ್ಷುದ್ರಗ್ರಹವನ್ನು ಪತ್ತೆ ಮಾಡಲಾಗಿದ್ದು ಇದು 2068ರಲ್ಲಿ ಭೂಮಿಗೆ ಅಪ್ಪಳಿಸುವ ಸಾಧ್ಯತೆ ಹೊಂದಿರುವ ಕ್ಷುದ್ರಗ್ರಹವಾಗಿದೆ, ಆದರೆ ಭೂಮಿಗೆ ಅಪ್ಪಳಿಸುವ ಪ್ರಮಾಣ ಲಕ್ಷದಲ್ಲಿ ಕೇವಲ ಒಂದು ಎಂದು ಹೇಳಲಾಗಿದೆ. ಆದರೆ ಇದರ ಗಾತ್ರ ಬಹಳ ದೊಡ್ಡದಿದೆ ಎಂದು ತಿಳಿದುಬಂದಿದೆ. ಸದ್ಯ ಈಗ ವಿಜ್ಞಾನಿಗಳ ದೃಷ್ಟಿ ಆಕಾಶದತ್ತ ನೆಟ್ಟಿದ್ದು ಈ ವಿದ್ಯಮಾನವನ್ನು ಹತ್ತಿರದಿಂದ ನೋಡಲು ಕುತೂಹಲದಿಂದ ಕಾದಿದ್ದಾರೆ.