ಅಮೆರಿಕ ಕಂಡುಹಿಡಿದಿದ್ದು ಭಾರತೀಯರು ಎಂದ ಶಿಕ್ಷಣ ಸಚಿವರು..! ಹಾಗಾದ್ರೆ ಕೊಲಂಬಸ್ ಕಂಡುಹಿಡಿದಿದ್ದು ಏನು?

ಭಾರತವನ್ನು ಮೊಟ್ಟ ಮೊದಲು ಗುರುತಿಸಿದ್ದು ಯಾರು ಎಂದರೆ ನಾವಿ ವಾಸ್ಕೋ ಡಾ ಗಾಮ ಎಂದು ಹೇಳುತ್ತೇವೆ. ಅದೇ ರೀತಿ ಅಮೆರಿಕವನ್ನು ಮೊದಲು ಗುರುತಿಸಿದ್ದು ಯಾರು ಎಂಬ ಪ್ರಶ್ನೆಗೆ ನಿಸಂದೇಹವಾಗಿ ಎಲ್ಲರು ಕೊಲಂಬಸ್ ಹೆಸರು ಹೇಳುತ್ತಾರೆ. ಇದು ಇತಿಹಾಸದ ಪುಸ್ತಕದಲ್ಲೂ ನಾವು ಇದನ್ನೇ ಕಲಿತ್ತಿದ್ದೇವೆ.

ಆದ್ರೆ ಈಗ ಮಧ್ಯಪ್ರದೇಶದ ಮಂತ್ರಿಯೊಬ್ಬರು ನೀಡಿರುವ ಹೇಳಿಕೆ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ಹೊಸ ಚರ್ಚೆ ಹುಟ್ಟುಹಾಕಿದೆ. ಕೊಲಂಬಸ್‌ಗಿಂತ ಮೊದಲು ಭಾರತೀಯರು ಅಮೆರಿಕವನ್ನು ಕಂಡುಹಿಡಿದರು ಎಂದು ಮಧ್ಯಪ್ರದೇಶದ ಉನ್ನತ ಶಿಕ್ಷಣ ಸಚಿವ ಇಂದರ್ ಸಿಂಗ್ ಪರ್ಮಾರ್ ಹೇಳಿದ್ದಾರೆ.

ಇಟಲಿಯ ಪರಿಶೋಧಕ ಕ್ರಿಸ್ಟೋಫರ್ ಕೊಲಂಬಸ್ ಅಮೆರಿಕವನ್ನು ತಲುಪುವ ಮೊದಲು ಹಾಗೂ ಅಲ್ಲಿನ ಸ್ಯಾನ್ ಡಯೋಗದಲ್ಲಿ ದೇವಾಲಯ ನಿರ್ಮಿಸುವ ಮೊದಲು ಭಾರತೀಯರು ಅಮೆರಿಕವನ್ನು ತಲುಪಿದ್ದರು ಎಂದು ಸಚಿವರು ಹೇಳಿದ್ದಾರೆ. ಆದ್ರೆ ಇತಿಹಾಸವು ವಿದ್ಯಾರ್ಥಿಗಳಿಗೆ ತಪ್ಪು ಮಾಹಿತಿಯನ್ನೇ ಈವರೆಗೆ ಕಲಿಸುತ್ತಾ ಬರುತ್ತಿವೆ ಎಂದು ಹೇಳಿದ್ದಾರೆ.

ಎಂಟನೇ ಶತಮಾನದಲ್ಲಿ, ಭಾರತೀಯರು ಸ್ಯಾನ್ ಡಿಯಾಗೋ ಈಗಿನ ಕ್ಯಾಲಿಫೋರ್ನಿಯಾದಲ್ಲಿ ದೇವಾಲಯ ನಿರ್ಮಿಸಿದ್ದರು. ಆದ್ರೆ ಇದನ್ನೇ ಕೊಲಂಬಸ್ ನಿರ್ಮಿಸಿದ್ದು ಎಂದು ತಪ್ಪಾಗಿ ಕಲಿಸಲಾಗುತ್ತಿದೆ ಎಂದಿದ್ದಾರೆ. ಭಾರತೀಯರು ಅಮೆರಿಕದ ಅಭಿವೃದ್ಧಿಯಲ್ಲಿ ಮಾಯನ್ ನಾಗರಿಕತೆಗೆ ಸಹಾಯ ಮಾಡಿದರು. ಸುಮಾರು 2000 BC ಯಲ್ಲಿ ಸ್ಥಾಪಿಸಲಾದ ನಾಗರಿಕತೆಯನ್ನು ಉಲ್ಲೇಖಿಸಿ ಮತ್ತು ಮೆಕ್ಸಿಕೋ ಮತ್ತು ಮಧ್ಯ ಅಮೆರಿಕದ ಭಾಗಗಳಲ್ಲಿ ಅದರ ಅವಿಭಾಜ್ಯದಲ್ಲಿ ಹರಡಿತು. ದಾಖಲೆಗಾಗಿ, ಕ್ಯಾಲಿಫೋರ್ನಿಯಾದ ಸ್ಯಾನ್ ಡಿಯಾಗೋ ನಗರದಲ್ಲಿ ಈ ದೇವಾಲಯ ನಿರ್ಮಿಸಿದ್ದರು ಎಂದು ಅವರು ಹೇಳಿದ್ದಾರೆ.

ಹಾಗಾದ್ರೆ ಯಾರು ಈ ಕೊಲಂಬಸ್? ಯಾವಾಗ ಅಮೆರಿಕವನ್ನು ಕಂಡುಹಿಡಿದ?

1492 ರಲ್ಲಿ, ಕ್ರಿಸ್ಟೋಫರ್ ಕೊಲಂಬಸ್ ಅಟ್ಲಾಂಟಿಕ್ ಮಹಾಸಾಗರವನ್ನು ದಾಟಲು ದೂರದ ಪೂರ್ವಕ್ಕೆ ಎಲ್ಲಾ ನೀರಿನ ಮಾರ್ಗಕ್ಕಾಗಿ ಆಶಿಸುತ್ತಾ "ನೀಲಿ ಸಾಗರವನ್ನು ನೌಕಾಯಾನ ಆರಂಭಿಸಿದ್ದ. ಟರ್ಕರು ಕಾನ್‌ಸ್ಟಾಂಟಿನೋಪಲ್ ಅನ್ನು ವಶಪಡಿಸಿಕೊಂಡ ಕಾರಣ ಮತ್ತು ಪೂರ್ವಕ್ಕೆ ಭೂ ವ್ಯಾಪಾರ ಮಾರ್ಗಗಳನ್ನು ಪರಿಣಾಮಕಾರಿಯಾಗಿ ಮುಚ್ಚಿದ್ದರಿಂದ, ಕೊಲಂಬಸ್ ಅಟ್ಲಾಂಟಿಕ್ ಮೂಲಕ ಪಶ್ಚಿಮಕ್ಕೆ ನೌಕಾಯಾನ ಮಾಡುವ ಮೂಲಕ ವಿರುದ್ಧ ದಿಕ್ಕಿನಲ್ಲಿ ನೀರಿನ ಮಾರ್ಗವನ್ನು ಕಂಡುಹಿಡಿಯಲು ಮುಂದಾದ. ಹೀಗೆ 1492ರಲ್ಲಿ ಅಮೆರಿಕ ಬಂದು ತಲುಪಿದ್ದ.

ಕೊಲೊಂಬಸ್ ಎಂಬ ಹೆಸರು ಬಂದಿದ್ದು ಹೇಗೆ?

ಕ್ರಿಸ್ಟೋಫರ್ ಕೊಲಂಬಸ್ ಇಟಲಿಯ ಭಾಗವಾಗಿರುವ ಜಿನೋವಾದಲ್ಲಿ ಜನಿಸಿದರು ಎಂದು ಅನೇಕ ವಿದ್ವಾಂಸರು ಒಪ್ಪುತ್ತಾರೆ, ಆದಾಗ್ಯೂ ಅವರು ಸ್ಪೇನ್‌ನಲ್ಲಿ ಅಥವಾ ಪೋಲೆಂಡ್ ಅಥವಾ ಗ್ರೀಸ್‌ನಲ್ಲಿ ಹುಟ್ಟಿದ್ದಾರೆ ಅಂತಲೂ ಸಹ ಹೇಳುವವರಿದ್ದಾರೆ. ಆತನನ್ನು ಸ್ವತಃ ಮತ್ತು ಇತರರು ಕ್ರಿಸ್ಟೋವಲ್, ಕ್ರಿಸ್ಟೋವಮ್, ಕ್ರಿಸ್ಟೋಫರ್ಸ್ ಡಿ ಕೊಲಂಬೊ ಮತ್ತು ಎಕ್ಸ್‌ಪೌವಲ್ ಡಿ ಕೊಲೊನ್ ಎಂದು ಕೂಡ ಉಲ್ಲೇಖಿಸಿದ್ದಾರೆ. ಅವರು ಸಮುದ್ರಯಾನ ನಡೆಸುವಾಗ ಕೊಲೊಂಬೊ ಎಂಬ ದರೋಡೆಕೊರರ ಕೈಗೆ ಸಿಕ್ಕಿಬಿದ್ದರಂತೆ ಅಲ್ಲಿಂದ ಅವರ ಹೆಸರ ಮುಂದೆ ಕೊಲಂಬಸ್ ಎಂಬ ಹೆಸರು ಬಂತು ಎಂದು ವಾದ ಮಂಡಿಸುತ್ತಾರೆ.

1506 ರಲ್ಲಿ ಕೊಲಂಬಸ್ ನಿಧನರಾದ ನಂತರ, ಅವರನ್ನು ಸ್ಪೇನ್‌ನ ವಲ್ಲಾಡೋಲಿಡ್‌ನಲ್ಲಿ ಸಮಾಧಿ ಮಾಡಲಾಯಿತು. ಮೂರು ವರ್ಷಗಳ ನಂತರ ಅವರ ಅವಶೇಷಗಳನ್ನು ಸೆವಿಲ್ಲಾದಲ್ಲಿರುವ ಅವರ ಕುಟುಂಬದವರಿಗೆ ನೀಡಲು ಕೊಂಡೊಯ್ಯಲಾಯಿತು ಎಂಬುದು ಇತಿಹಾಸದಲ್ಲಿ ಉಲ್ಲೇಖಿಸಲಾಗಿದೆ.

ವಾಸ್ಕೋ ಡಾ ಗಾಮ ಭಾರತಕ್ಕೆ ಬಂದಿದ್ದು ಯಾವಾಗ?

20 ದಿನಗಳ ಕಾಲ ಸಂಚರಿಸಿ ಭಾರತದ ಮಾರ್ಗದೆಡೆಗೆ ಪ್ರಯಾಣ ಬೆಳೆಸಿದನು. 1498 ಮೇ 17ರಂದು ಭಾರತವನ್ನು ತಲುಪಿದ ಮೊದಲ ಯುರೋಪಿಯನ್​ ನಾವಿಕ ವಾಸ್ಕೋಡಿಗಾಮ ಆಗಿದ್ದಾನೆ. ಭಾರತವನ್ನು ವಾಸ್ಕೋಡಿಗಾಮನಿಗಿಂತ ಮೊದಲು ಅನೇಕರು ಹುಡುಕಲು ಪ್ರಯತ್ನಿಸಿದ್ದರು. ಆದರೆ ಯಾರೂ ಕೂಡ ಯಶಸ್ವಿಯಾಗಿರಲಿಲ್ಲ. ಕ್ರಿಸ್ಟೋಫರ್​ ಕೊಲಂಬಸ್​ 1492ರಲ್ಲಿ ಪ್ರಯಾಣವನ್ನು ಕೈಗೊಂಡಿದ್ದ. ಅದಾದ 5 ವರ್ಷದ ಬಳಿಕ ವಾಸ್ಕೋಡಿಗಾಮ ಪ್ರಯಾಣ ಕೈಗೊಂಡನು.