ಮಂಗಳನ ಮೇಲೆ ಅನ್ಯಗ್ರಹದ ಕಲ್ಲು ಪತ್ತೆ..! 'ಜೀಬ್ರಾ ರಾಕ್' ಬಗ್ಗೆ ಗೊತ್ತಾ?

ಮಂಗಳನ ಮೇಲೆ ಅಧ್ಯಯನಗಳು ನಡೆಯುತ್ತಿರುವಂತೆ ಸಾಲು ಸಾಲು ಕುತೂಹಲಗಳು ನಡೆಯುತ್ತಲೇ ಇವೆ. ಒಂದೊಂದೆ ಅಚ್ಚರಿಯ ಮಾಹಿತಿಗಳು ಹೊರಬರುತ್ತಲೇ ಇದ್ದಾವೆ. ಮಂಗಳನ ಮೇಲೆ ನೀರಿನ ಮೂಲ ಪತ್ತೆಯಾಗುವುದರಿಂದ ಹಿಡಿದು ಬಹುತೇಕ ಯಾವೆಲ್ಲಾ ರಾಸಾಯನಿಕಗಳಿವೆ ಎಂಬುದು ಸಹ ಭಾರೀ ಕುತೂಹಲ ಮೂಡಿಸುವ ವಿಚಾರವಾಗಿದೆ.

ಇನ್ನು ನಾಸಾ ಕಳುಹಿಸಿರುವ ಪರ್ಸೆವೆರೆನ್ಸ್ ರೋವರ್ ಮಂಗಳನ ಅಂಗಳದಲ್ಲಿ ಇಂದಿಗೂ ಕೆಲಸ ಮಾಡುತ್ತಿದೆ. ಬರೋಬ್ಬರಿ 3 ವರ್ಷದಿಂದಲೂ ಪರ್ಸೆವೆರೆನ್ಸ್ ರೋವರ್ ಕೆಲಸ ಮಾಡುತ್ತಲೇ ಇದೆ. ಹೀಗಾಗಿ ಮಂಗಳಲ್ಲಿರುವ ಹಲವು ಕುತೂಹಲಗಳಿಗೆ ಈ ರೋವರ್ ಕೂಡ ಸಾಕ್ಷಿಯಾಗಿದೆ.

(Photo: NASA)

ಈಗ ಇದೇ ರೋವರ್ ಮತ್ತೊಂದು ಅಚ್ಚರಿಯ ವಿಚಾರ ಬಯಲಿಗೆ ತಂದಿದೆ. ಮಂಗಳನ ಮೇಲಿನ ರೋವರ್‌ ಚಲಿಸುವ ರಸ್ತೆಯಲ್ಲಿ ಒಂದು ವಿಶೇಷ ರೀತಿಯ ಕಲ್ಲು ಪತ್ತೆಯಾಗಿದೆ. ಇದನ್ನು ಜೀಬ್ರಾ ರಾಕ್ ಎಂದು ಕರೆಯಲಾಗಿದೆ. ಜೆಝೆರೋ ಎಂಬ ಕುಳಿಯ ಬಳಿಯಲ್ಲಿ ಈ ಜೀಬ್ರಾ ರಾಕ್ ಪತ್ತೆಯಾಗಿದೆ. ಇದರಲ್ಲಿ ಏನಿದೆ ವಿಶೇಷ ಎಂದು ನೀವು ಅಂದುಕೊಳ್ಳುತ್ತಿರಬಹುದು. ಆದರೆ ಈ ಕಲ್ಲಿನಲ್ಲಿ ವಿಶೇಷತೆ ಇದೆ.

ಅಚ್ಚರಿ ಎಂದರೆ ಈ ಕಲ್ಲು ಮಂಗಳ ಗ್ರಹಕ್ಕೆ ಸೇರಿದ ಕಲ್ಲು ಅಲ್ಲವಂತೆ. ನಾಸಾ ಹೇಳಿರುವ ಪ್ರಕಾರ ಈ ಕಲ್ಲಿನ ರಚನೆಗೂ ಮಂಗಳ ಗ್ರಹದಲ್ಲಿರುವ ರಾಸಾಯನಿಕಗಳಿಗೂ ಸಂಬಂಧವೇ ಇಲ್ಲ. ಅಂದರೆ ಈ ಕಲ್ಲು ಬೇರೊಂದು ಗ್ರಹಕ್ಕೆ ಸೇರಿರಬಹುದು ಎಂದಿದ್ದಾರೆ. ಈ ಕಲ್ಲಿನ ಮೇಲೆ ಕಪ್ಪು ಬಿಳುಪಿನ ರಚನೆ ಇದ್ದು, ಇದು ವಿವಿಧ ರಾಸಾಯನಿಕದ ಸಂಯುಕ್ತದಿಂದ ಉಂಟಾಗಿದೆ ಎಂದಿದ್ದಾರೆ.

ಹೇಳಿಕೆಯ ಪ್ರಕಾರ, ವಿಜ್ಞಾನಿಗಳು "ಫ್ರೇಯಾ ಕ್ಯಾಸಲ್" ಎಂದು ಕರೆದಿರುವ ಬಂಡೆಯು ಹಿಂದೆಂದೂ ನೋಡಿರದ ವಿನ್ಯಾಸವನ್ನು ಹೊಂದಿದೆ. ಈ ರಾಸಾಯನಿಕವು ಹೇಗೆ ಈ ಕಲ್ಲಿನಲ್ಲಿ ಸಂಯೋಜನೆಗೊಂಡಿದೆ ಎಂಬುದನ್ನು ಇನ್ನು ಪತ್ತೆ ಮಾಡಬೇಕಿದೆ.

ಈ ಬಂಡೆಯು ಸುಮಾರು 20 ಸೆಂ.ಮೀ ಅಡ್ಡಲಾಗಿ ಮತ್ತು ಪರ್ಯಾಯ ಕಪ್ಪು ಮತ್ತು ಬಿಳಿ ಪಟ್ಟೆಗಳೊಂದಿಗೆ ಆಕರ್ಷಕ ಮಾದರಿಯನ್ನು ಹೊಂದಿದೆ . ಇದು ಮೃದುವಾದ ಮೇಲ್ಮೈ ಹೊಂದಿರುವ ಕಲ್ಲಾಗಿರಬಹುದು ಎನ್ನಲಾಗಿದ್ದು, ಇದು ಬೇರೆ ಗ್ರಹದಿಂದ ಬಿದ್ದಿರಬಹುದು ಅಥವಾ ಮೇಲಿನಿಂದ ಬಿದ್ದಿದೆ. ಆದರೆ ಮಂಗಳನಲ್ಲಿಯೇ ರಚನೆಗೊಂಡ ಕಲ್ಲು ಇದಾಗಿಲ್ಲ ಎಂದು ಖಚಿತಪಡಿಸಲಾಗಿದೆ. ಆದರೆ ಬೇರೆ ಗ್ರಹದಿಂದ ಬಿದ್ದಿದೆಯೋ ಅಥವಾ ಕ್ಷೂದ್ರಗ್ರಹದಂತೆ ಬಂದು ಬಿದ್ದಿದ್ಯೋ ಎಂಬುದು ಮುಂದೆ ತಿಳಿದುಬರಬೇಕಿದೆ.

ಪರ್ಸೆವೆರೆನ್ಸ್ ರೋವರ್ ಮೊದಲ ಬಾರಿಗೆ ಫೆಬ್ರವರಿ 2021 ರಲ್ಲಿ ಜೆಜೆರೊ ಕ್ರೇಟರ್‌ ಮೂಲಕ ಮಂಗಳನ ಅಂಗಳಕ್ಕೆ ಇಳಿದಿತ್ತು, ಇದಕ್ಕು ಮೊದಲು ಕ್ಯೂರಿಯಾಸಿಟಿ ರೋವರ್ ಮಂಗಳನಲ್ಲಿತ್ತು. ಅದು 12 ವರ್ಷದಿಂದ ಮಂಗಳನ ಮೇಲೆ ಅಧ್ಯಯನ ನಡೆಯುತ್ತಲೇ ಇದೆ. ಇತ್ತೀಚಿಗೆ ಈ ಪರ್ಸೆವೆರೆನ್ಸ್ ರೋವರ್ ಅನ್ನು ಮಂಗಳನಲ್ಲಿಗೆ ಕಳುಹಿಸಲಾಗಿದೆ. ಈ ಎರಡೂ ರೋವರ್‌ಗಳು ಬೇರೆ ಬೇರೆ ಕೆಲಸ ಮಾಡುತ್ತವೆ.

ಇದೇ ಕ್ಯೂರಿಯಾಸಿಟಿ ರೋವರ್‌ನಿಂದ ಮಂಗಳ ಅಂಗಳದ ಮೊದಲ ಫೋಟೋ ಭೂಮಿಗೆ ಬಂದಿತ್ತು, ಮಂಗಳನಲ್ಲಿ ನೀರಿನ ಮೂಲ ಪತ್ತೆ ಮಾಡಿದ್ದು ಕೂಡ ಇದೇ ಕ್ಯೂರಿಯಾಸಿಟಿ.