ಉರಗ ತಜ್ಞನಿಗೆ ಕಚ್ಚಿದ ಅಪರೂಪದ ಎರಡು ತಲೆ ಹಾವು..! ಆಮೇಲೆ ಏನಾಯ್ತು..?

ಹಾವುಗಳೆಂದರೆ ಯಾರಿಗೆ ತಾನೆ ಭಯವಿಲ್ಲ ಹೇಳಿ. ಭೂಮಿ ಮೇಲೆ ವಾಸಿಸುವ ಅತ್ಯಂತ ವಿಷಕಾರಿ ಪ್ರಾಣಿಗಳಲ್ಲಿ ಹಾವುಗಳು ಸಹ ಒಂದು. ಕೆಲವು ಹಾವು ಅತ್ಯಂತ ವಿಷಕಾರಿಯಾದರೆ ಮತ್ತೆ ಕೆಲವು ಸೌಮ್ಯ ಸ್ವಭಾವದಾಗಿವೆ. ಅದರೆ ಬಹುತೇಖ ಹಾವುಗಳು ಅಪಾಯಕಾರಿಯೇ. ಅವು ಕಚ್ಚಿದ ಕೆಲವೇ ನಿಮಿಷದಲ್ಲಿ ಸಾವು ತರುವಷ್ಟು ವಿಷ ಹೊಂದಿವೆ.

ಇನ್ನು ಈ ಭೂಮಿಯ ಮೇಲೆ ವಿಚಿತ್ರ ರೀತಿಯ ಹಾವುಗಳಿಗೇನು ಕಡಿಮೆ ಇಲ್ಲ. ವಿಚಿತ್ರ ಅಂದರೆ ಎರಡು ತಲೆ ಹಾವುಗಳು, ನೀರಿನಲ್ಲಿ ಬದುಕುವ ಹಾವುಗಳು ಸೇರಿದಂತೆ ವಿಚಿತ್ರ ದೇಹ ರಚನೆಯ ಹಾವು ನಾವು ನೋಡಿರಬಹುದು. ಆದ್ರೆ ಇಲ್ಲೊಂದು ಕಡೆ ಅಪರೂಪದ ಎರಡು ತಲೆಯ ಹಾವೊಂದು ಉರಗ ತಜ್ಞರಿಗೆ ಕಚ್ಚಿರುವ ಘಟನೆ ನಡೆದಿದೆ.

ಜೇ ಬ್ರೂಕರ್ ಎಂಬ ಖ್ಯಾತ ಉರಗ ತಜ್ಞ ಈ ಎರಡು ತಲೆ ಹೊಂದಿರುವ ಅಪರೂಪದ ಹಾವನ್ನು ಹಿಡಿದು ಅದರ ಕುರಿತು ವಿವರಿಸುತ್ತಿರುವಾಗಲೇ ಅದು ಕಡಿದಿದೆ. ಈ ವಿಡಿಯೋ ಸಾಮಾಜಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಜನ ಶಾಕ್ ಆಗಿದ್ದಾರೆ.
ಅಪರೂಪದ ಎರಡು ತಲೆಯ ಹಾವಿನ ವಿಡಿಯೋ ಸದ್ಯ ವೈರಲ್ ಆಗಿದೆ.

ಯುಎಸ್ ಮೂಲದ ಝೂ ಕೀಪರ್, ಜೇ ಬ್ರೂವರ್ ಎರಡು ತಲೆಯ ವಿಶಿಷ್ಟವಾದ ಹಾವಿನ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಆದರೆ ಅವರು ಹಾವನ್ನು ಕೈಯಲ್ಲಿ ಹಿಡಿದುಕೊಂಡಿದ್ದಾಗ ಅದು ಅವರಿಗೆ ಕಚ್ಚಿರುವುದು ವಿಡಿಯೋದಲ್ಲಿ ನೋಡಬಹುದು.
ಕ್ಲಿಪ್ ಬ್ರೂವರ್ ತನ್ನ ಕುತ್ತಿಗೆಯಿಂದ ಹಾವನ್ನು ಹಿಡಿದುಕೊಂಡು ತನ್ನ ತೋರು ಬೆರಳನ್ನು ಎರಡು ತಲೆಗಳ ಮುಂದೆ ಚಲಿಸುವಂತೆ ಮಾಡುವಾಗ ಎರಡು ಬಾರಿ ಕಚ್ಚಿದೆ.

ಇನ್‌ಸ್ಟಾಗ್ರಾಮ್‌ನಲ್ಲಿ ಕ್ಲಿಪ್ ಅನ್ನು ಹಂಚಿಕೊಂಡ ಬ್ರೂವರ್ ಈ ರೀತಿ ಬರೆದುಕೊಂಡಿದ್ದಾರೆ. 'ಎರಡು ತಲೆಯ ಹಾವು ನನ್ನನ್ನು ಕಚ್ಚಿದೆ ಎಂದು ನಾನು ಭಾವಿಸಿದೆವು ಒಂದು ಕೋಪಗೊಂಡ ಹಾವಿನೊಂದಿಗೆ ವ್ಯವಹರಿಸುವುದು ಸಾಕು ಆದರೆ ಈಗ ನಾನು ಅವುಗಳಲ್ಲಿ ಎರಡನ್ನು ನಿಭಾಯಿಸಬೇಕಾಗಿದೆ. ಈ ಹುಡುಗಿಯರಲ್ಲಿ ಒಬ್ಬಳು ಇನ್ನೊಬ್ಬಳಿಗಿಂತ ಉಗ್ರಳಾಗಿದ್ದಾಳೆ ಆದರೆ ಇಬ್ಬರೂ ನನ್ನನ್ನು ಕಚ್ಚಬೇಕೆಂದು ನಿರ್ಧರಿಸಿದಂತೆ ತೋರುತ್ತಿದೆ' ಎಂದು ಬರೆದಿದ್ದಾರೆ.

ಮೇಲ್ನೋಟಕ್ಕೆ ಈ ಹಾವು ಕಚ್ಚಿದರೂ ಆವರಿಗೆ ಏನು ಆಗುತ್ತಿಲ್ಲ ಎಂದು ತೋರುತ್ತಿದೆ. ಆದರೆ ಈ ಹಾವಿನಿಂದ ವಿಷವನ್ನು ತೆಗೆದಿರಬಹುದು ಇಲ್ಲವೆ ಆ ಹಾವಿನಲ್ಲಿ ವಿಷವಿಲ್ಲದೆಯೂ ಇರಬಹುದು. ಆದರೆ ಹಾವಿನೊಂದಿಗಿನ ಸರಸ ಕಂಡು ಜನ ಮಾತ್ರ ಶಾಕ್ ಆಗಿದ್ದಾರೆ.

ಈ ಹಾವಿಗೆ ಎರಡು ತಲೆಗಳಿರುವುದನ್ನು ಕಂಡ ಜನ ಮತ್ತಷ್ಟು ಅಚ್ಚರಿಗೆ ಒಳಗಾಗಿದ್ದಾರೆ. ಒಂದೇ ಹಾವು ಎರಡು ತಲೆಗಳಿದ್ದು, ಬೇರೆ ಬೇರೆ ಕ್ರಿಯೆ ತೋರುತ್ತಿವೆ. ಈ ರೀತಿಯ ಹಾವು ನೋಡುವುದು ತೀರ ಅಪರೂಪವಾಗಿದೆ.

ವಿಡಿಯೋಗೆ ಜನರು ಹಲವಾರು ರೀತಿಯಲ್ಲಿ ಪ್ರತಿಕ್ರಿಯಿಸಿದ್ದಾರೆ. ಕೆಲವರು ಇದು ನಿಜವಾದ ಹಾವು ಹೌದಾ ಎಂಬ ಪ್ರಶ್ನೆ ಎತ್ತಿದ್ದಾರೆ. ಒಂದು ವೇಳೆ ನಿಜವಾಗಿದ್ದರೆ ಈ ಹಾವಿನ ಕುರಿತು ನೀವ್ಯಾಕೆ ಮಾಹಿತಿ ಹಂಚಿಕೊಂಡಿಲ್ಲ ಎಂದಿದ್ದಾರೆ. ಇನ್ನೊಂದೆಡೆ ಈ ಹಾವಿಗೆ ವಿಷ ಇರುವುದಿಲ್ಲವೇ. ಇದ್ದರೆ ನಿಮಗ್ಯಾಕೆ ಹಾನಿಯಾಗಿಲ್ಲ ಎಂದು ಸಹ ಕೇಳಿದ್ದಾರೆ.

ಕೆಲವರು ಇದೊಂದು ಹುಚ್ಚುತನ. ಇಂತಹ ಹಾವಿನ ಕುರಿತು ಅಧ್ಯಯನ ನಡೆಸಬೇಕೆ ಹೊರತು ಅವುಗಳ ಜೊತೆ ಹುಡುಕಾಟ ಮಾಡಬಾರದು. ಆದರೂ ಈ ವಿಡಿಯೋ ರೋಮಾಂಚನ ಗೊಳಿಸುತ್ತಿದೆ ಎಂದು ಮತ್ತೊಬ್ಬ ಬಳಕೆದಾರರು ಬರೆದುಕೊಂಡಿದ್ದಾರೆ. ಇದರಲ್ಲಿ ಅಚ್ಚರಿ ಏನೆಂದರೆ ಈ ಹಾವಿಗೆ ಎರಡು ಮೆದುಳುಗಳಿರುತ್ತದೆ. ಆದರೆ ಯಾವ ಮೆದುಳಿನ ಆಜ್ಞೆಯಂತೆ ಈ ಹಾವು ಕೆಲವ ಮಾಡುತ್ತದೆ ಎಂಬುದು ನಿಗೂಢವಾಗಿದೆ.