9 ವರ್ಷದ ಚಂದ್ರಬಾಬು ನಾಯ್ಡು ಮೊಮ್ಮಗ ಕೋಟಿ ಕೋಟಿ ಒಡೆಯ..! ಹೇಗೆ ಗೊತ್ತಾ?

ಇತ್ತೀಚಿಗೆ ಘೋಷಣೆಯಾದ ಲೋಕಸಭೆ ಚುನಾವಣೆಯ ಫಲತಾಂಶದಲ್ಲಿ ಪ್ರಧಾನಿ ಮೋದಿ ಅವರ 3ನೇ ಬಾರಿಯ ಅಧಿಕಾರಕ್ಕೇರಿದ್ದಕ್ಕಿಂತಲೂ ಹೆಚ್ಚು ಅಚ್ಚರಿ ಮೂಡಿಸಿದ್ದು ಚಂದ್ರಬಾನು ನಾಯ್ಡು. ಆಂಧ್ರ ರಾಜಕೀಯದಲ್ಲಿ ಕೋಲಾಹಲ ಎಬ್ಬಿಸಿತ್ತು. ಏಕೆಂದರೆ ಜೈಲಿನಿಂದ ಬಿಡುಗಡೆಯಾಗಿ ಬಂದು ಚುನಾವಣೆ ಸ್ಪರ್ಧಿಸಿ ಪಕ್ಷವನ್ನು ಅತ್ಯಧಿಕ ಬಹುಮತದಿಂದ ಅವರು ಗೆಲ್ಲಿಸಿಕೊಂಡು ಬಂದಿದ್ದರು.

ಸದ್ಯ ಈಗ ಅವರೇ ರಾಜಕೀಯ ಲೋಕದ ಹೊಸ ಹೀರೋ ಆಗಿದ್ದಾರೆ. ಅಲ್ಲದೆ ಪ್ರಧಾನಿ ಮೋಧಿ ಅವರ ಸರ್ಕಾರ ರಚನೆಯಲ್ಲೂ ತಮ್ಮ ಪಾಲು ಹೊಂದಿದ್ದಾರೆ. ಇದಾದ ಬಳಿಕ ಅವರ ಕುರಿತು, ಅವರ ಆಸ್ತಿ ಕುರಿತಂತೆ ಹಲವು ರೀತಿಯ ಚರ್ಚೆಗಳು ಹುಟ್ಟಿಕೊಂಡಿವೆ. ಅವರ ತೆಲುಗು ದೇಶಂ ಪಾರ್ಟಿ ಗೆದ್ದ ಬಳಿಕ ಅವರ ಕುಟುಂಬದ ನಿರ್ವಹಣೆಯಲ್ಲಿರುವ ಹೆರಿಟೇಜ್ ಫುಡ್‌ನ ಶೇರಿನ ಮೌಲ್ಯ ಹೆಚ್ಚಾಗಿದೆ.

ಆಂಧ್ರಪ್ರದೇಶದ ಚುನಾಯಿತ ಮುಖ್ಯಮಂತ್ರಿ ಚಂದ್ರಬಾಬು ನಾಯ್ಡು ಅವರ ಕುಟುಂಬದಿಂದ ಪ್ರಚಾರಗೊಂಡ ಹೆರಿಟೇಜ್ ಫುಡ್ಸ್ ಲಿಮಿಟೆಡ್ ಷೇರುಗಳು ಕಳೆದ 12 ವಹಿವಾಟು ಅವಧಿಗಳಲ್ಲಿ ದ್ವಿಗುಣಗೊಂಡಿದೆ. ಇನ್ನು ಅಚ್ಚರಿಯ ವಿಚಾರ ಏನೆಂದರೆ ಚಂದ್ರಬಾಬು ನಾಯ್ಡು ಅವರ ಮೊಮ್ಮಗ ಸಹ ಕೋಟಿ ಆಸ್ತಿ ಹೊಂದಿದ್ದಾನೆ. ಆದರೆ ಆತನಿಗೆ ಇನ್ನೂ ಬರೀ 9 ವರ್ಷ.

ಚಂದ್ರಬಾಬು ನಾಯ್ಡು ಅವರ ಪತ್ನಿ ಭುವನೇಶ್ವರಿ ನಾರಾ ಮತ್ತು ಅವರ ಮಗ ನಾರಾ ಲೋಕೇಶ್ ಅವರು ಮಾರ್ಚ್ ತ್ರೈಮಾಸಿಕದ ಅಂತ್ಯದ ವೇಳೆಗೆ ಹೆರಿಟೇಜ್ ಫುಡ್ಸ್‌ನಲ್ಲಿ ಕ್ರಮವಾಗಿ 24.37% ಮತ್ತು 10.82% ಪಾಲನ್ನು ಹೊಂದಿದ್ದಾರೆ. ಮೇ 23 ರಂದು, ಅವರ ಸಂಯೋಜಿತ ಪಾಲನ್ನು ಕೇವಲ 1,100 ಕೋಟಿ ರೂ. ಷೇರು ಬೆಲೆಯಲ್ಲಿ ಇತ್ತೀಚಿನ ಏರಿಕೆಯೊಂದಿಗೆ ಅವರ ಪಾಲು ಈಗ 2,300 ಕೋಟಿ ರೂ. ಆಗಿದೆ. ಇದರ ಜೊತೆ ನಾಯ್ಡು ಅವರ ಕುಟುಂಬವು ಕಂಪನಿಯ ಶೇ. 35.7 ರಷ್ಟು ಪಾಲು ಹೊಂದಿದೆ.

ನಾಯ್ಡು ಅವರ ಕುಟುಂಬವು ಕಂಪನಿಯ ಶೇಕಡಾ 35.7 ರಷ್ಟು ಮಾಲೀಕತ್ವವನ್ನು ಹೊಂದಿದೆ, ಅವರ ಪತ್ನಿ ಭುವನೇಶ್ವರಿ ಶೇಕಡಾ 24.37, ಅವರ ಮಗ ಲೋಕೇಶ್ ಶೇಕಡಾ 10.82 ಮತ್ತು ಅವರ ಸೊಸೆ ಬ್ರಾಹ್ಮಣಿ ಶೇಕಡಾ 0.46 ಅನ್ನು ಹೊಂದಿದ್ದಾರೆ.
ನಾಯ್ಡು ಅವರ 9 ವರ್ಷದ ಮೊಮ್ಮಗ ದೇವಾಂಶ್ ಶೇ.0.06ರಷ್ಟು ಪಾಲು ಹೊಂದಿದ್ದಾರೆ ಎಂದು ತಿಳಿದುಬಂದಿದೆ.

ಹೀಗಾಗಿ ಈ ಷೇರುಗಳ ಮೌಲ್ಯ ಹೆಚ್ಚಳವಾಗಿರುವುದರಿಂದ ದೇವಾಂಶ್ ಅವರ ಷೇರುಗಳು ಜೂನ್ 3 ರಂದು 2.4 ಕೋಟಿ ರೂಪಾಯಿಗಳಿಂದ 4.1 ಕೋಟಿ ರೂಪಾಯಿಗಳಿಗೆ ಏರಿಕೆಯಾಗಿದೆ. ಜೂನ್ 10 ರಂದು, ಎನ್‌ಎಸ್‌ಇಯಲ್ಲಿ ಹೆರಿಟೇಜ್ ಫುಡ್ಸ್ ಷೇರುಗಳು ರೂ 727.35 ರ ಇಂಟ್ರಾಡೇ ಗರಿಷ್ಠವನ್ನು ತಲುಪಿದ ನಂತರ 5.2 ಪ್ರತಿಶತದಷ್ಟು ಏರಿಕೆಯಾಗಿ ತಲಾ ರೂ 696 ಕ್ಕೆ ತಲುಪಿದ್ದವು. ಹೀಗಾಗಿ ಕಂಪನಿಯ ಕಡಿಮೆ ಷೇರು ಹೊಂದಿರುವ ಮೊಮ್ಮಗನ ಆಸ್ತಿ ಮೌಲ್ಯವೂ ಸಹ ಏರಿಕೆಯಾಗಿದೆ.

1992 ರಲ್ಲಿ ಸ್ಥಾಪನೆಯಾದ ಹೆರಿಟೇಜ್ ಫುಡ್ಸ್ ಭಾರತದಲ್ಲಿ ಮೌಲ್ಯವರ್ಧಿತ ಮತ್ತು ಬ್ರಾಂಡ್ ಡೈರಿ ಉತ್ಪನ್ನಗಳಲ್ಲಿ ಪ್ರಮುಖ ಕಂಪನಿಯಾಗಿದೆ. ಇದರ ಉತ್ಪನ್ನಗಳಾದ ಮೊಸರು, ತುಪ್ಪ, ಪನೀರ್, ಸುವಾಸನೆಯ ಹಾಲು ಮತ್ತು ಪ್ರತಿರಕ್ಷಣಾ ಹಾಲು, ಭಾರತದಾದ್ಯಂತ 11 ರಾಜ್ಯಗಳಲ್ಲಿ 1.5 ಮಿಲಿಯನ್ ಕುಟುಂಬಗಳು ಸೇವಿಸುತ್ತವೆ.

ಇವರಷ್ಟೇ ಅಲ್ಲ ಇತ್ತೀಚಿಗೆ ಉದ್ಯಮಿ ನಾರಾಯಣಮೂರ್ತಿ ಅವರ ಮೊಮ್ಮಗ ಸಹ ಕೋಟಿ ಕೋಟಿ ಮೌಲ್ಯದ ಆಸ್ತಿ ಹೊಂದಿರುವುದು ತಿಳಿದುಬಂದಿತ್ತು. ಆತ ಇನ್ಫೋಸಿಸ್ ಸಂಸ್ಥೆಯ ಒಂದಿಷ್ಟು ಷೇರುಗಳ ಹೊಂದಿದ್ದಾನೆ.