ಈ ಬೇಳೆ ಸಾರು ಸಾಮನ್ಯದ್ದಲ್ಲ 24 ಕ್ಯಾರೆಟ್‌ ಚಿನ್ನ ಹಾಕಿ ಮಾಡಲಾಗಿದೆ! ಎಲ್ಲಿಯ ರೆಸ್ಟೋರೆಂಟ್?

ದುಡ್ಡಿದ್ದರೆ ಏನು ಬೇಕಾದರೂ ಮಾಡಬಹುದು ಎಂಬುವುದಕ್ಕೆ ಈ ದಾಲ್‌ ಕರಿ (ಬೇಳೆ ಸಾರು) ಬೆಸ್ಟ್ ಉದಾಹರಣೆ. ಬೇಳೆ ಸಾರು ಎಂದಾಗ ನಮಗೆ ಒಂಥರಾ ಅಸಡ್ಡೆ, ಅಂಗಡಿಗೆ ಹೋದಾಗ ಅನ್ನದ ಜೊತೆ ಬೇಳೆ ಸಾಕು ಫ್ರೀ ಸಿಗುತ್ತದೆ, ಆದರೆ ಈ ಬೇಳೆ ಸಾರು ಅಂತಿಂಥದ್ದಲ್ಲ ಇದಕ್ಕೆ ಚಿನ್ನದ ಬೆಲೆ ಹೌದು ಚಿನ್ನ ಹಾಕಿದ ಈ ಬೇಳೆ ಸಾರಿಗೆ ಚಿನ್ನದ ಬೆಲೆ ಇಲ್ಲದಿರಲು ಸಾಧ್ಯವೇ?

ದುಬೈನಲ್ಲಿ ಐಷಾರಾಮಿ ಹೋಟೆಲ್‌ಗಳಲ್ಲಿ ದೊರೆಯುವುದು 24ಕ್ಯಾರೆಟ್ ಗೋಲ್ಡ್ ಬೇಳೆ ಸಾರು
ನೀವು ದುಬೈನ ಐಷಾರಾಮಿ ಹೋಟೆಲ್ ಗೆ ಹೋದಾಗ ಅಲ್ಲಿ ನೀವು ಈ ಚಿನ್ನದ ಬೇಳೆ ಸಾರು ರುಚಿ ನೋಡಲು ಬಯಸುವುದಾದರೆ ಇದನ್ನು ಸವಿಯಬಹುದು.

ಶುದ್ಧ ಚಿನ್ನವನ್ನು ಬಳಸಲಾಗುವುದು

ಈ ಬೇಳೆ ಸಾರಿಗೆ ಶುದ್ಧ ಚಿನ್ನವನ್ನು ಸೇರಿಸಲಾಗುವುದು. ಹೌದು ಬೇಳೆ ಸಾರು ಮಾಡಿ ಸರ್ವ್‌ ಮಾಡುವಾಗ 24 ಕ್ಯಾರೆಟ್‌ ಚಿನ್ನವನ್ನು ಕರಗಿಸಿ ಆ ರಸವನ್ನು ಬೇಳೆ ಸಾರಿನ ಮೇಲೆ ಹಾಕಿ ಸರ್ವ್ ಮಾಡಬಹುದು, ಇನ್ನು ಇದನ್ನು ಸವಿಯಬೇಕೆಂದರೆ ನಮ್ಮ ಜೇಬು ಗಟ್ಟಿಯಾಗಿರಬೇಕು. ಚಿನ್ನ ಸೇರಿಸಿರುವ ಸಾರು ಅದೂ ದುಬೈಯಲ್ಲಿ ಅಂದ ಮೇಲೆ ಬೆಲೆ ನೀವು ಊಹಿಸಬಹುದು.

ಇತ್ತೀಚೆಗೆ ಚಿನ್ನದ ಐಸ್‌ಕ್ರೀಮ್‌ ವೈರಲ್ ಆಗಿತ್ತು

ಗಿಚ್ಚಿಗಿಲಿಗಿಲಿ ನಟಿ ನಿವೇದಿತಾ ಗೌಡ ಕೂಡ ಚಿನ್ನದ ಐಸ್‌ಕ್ರೀಮ್‌ ಸವಿಯುವ ಫೋಟೋ ಹಾಕಿದ್ದರು, ಆ ಐಸ್‌ಕ್ರೀಮ್‌ಗೆ 24 ಕ್ಯಾರೆಟ್‌ ಚಿನ್ನದ ಲೇಪನವಿತ್ತು. ಅದು ಬೆಂಗಳೂರಿನಲ್ಲಿಯೇ ಲಭ್ಯವಿದೆ, ಇದರಲ್ಲಿ 24 ಕ್ಯಾರೆಟ್‌ ಗೋಲ್ಡ್ ಕವರ್‌ ಇತ್ತು, ಇದರ ಬೆಲೆ ಸುಮಾರು ಸಾವಿರುಗಟ್ಟಲೆ ಇದೆ ಎಂದು ಹೇಳಲಾಗುವುದು. ಚಿನ್ನದ ಐಸ್‌ಕ್ರೀಮ್ ಅಹಮದಾಬಾದ್‌, ಮುಂಬೈ ಬಿಟ್ಟರೆ ಸಿಗುವುದು ಬೆಂಗಳೂರಿನ ಒಂದು ಶಾಪ್‌ನಲ್ಲಿ ಮಾತ್ರ.

ಚಿನ್ನವನ್ನು ತಿನ್ನಬಹುದೇ?

ಚಿನ್ನವನ್ನು ಆ ಕಾಲದಿಂದಲೂ ಔಷಧಗಳಲ್ಲಿ ಬಳಸಲಾಗುತ್ತಿತ್ತು, ಈ ಚಿನ್ನವನ್ನು ತಿನ್ನುವುದರಿಂದ ಯಾವುದೇ ಅಡ್ಡಪರಿಣಾಮವಿಲ್ಲ ಎಂದು ಹೇಳಲಾಗುವುದು.
ಚಿನ್ನವನ್ನು ಸವಿಯುವುದರಿಂದ ಈ ಪ್ರಯೋಜನಗಳಿವೆ
* ಉರಿಯೂತದ ಸಮಸ್ಯೆ ಕಡಿಮೆಯಾಗುವುದು
* ಕ್ಯಾನ್ಸರ್ ಚಿಕಿತ್ಸೆಯಲ್ಲೂ ಬಳಸಲಾಗುವುದು
* ಮಾನಸಿಕ ಆರೋಗ್ಯಕ್ಕೆ ಒಳ್ಳೆಯದು
* ಚಿನ್ನವನ್ನು ಸರ್ಜರಿಯಲ್ಲಿ ಬಳಸಲಾಗುವುದು. ರಕ್ತನಾಳಗಳು, ನರಗಳನ್ನು ಸರಿಪಡಿಸಲು ಬಳಸಲಾಗುವುದು.

ನೀವು ಚಿನ್ನವನ್ನು ಕರಗಿಸಿ ತಿನ್ನಬೇಡಿ

ಚಿನ್ನವನ್ನು ಅಡುಗೆಯಲ್ಲಿ ಬಳಸುವುದಕ್ಕೂ ಒಂದು ವಿಧಾನ ಅಂತ ಇರುತ್ತದೆ, ಆದ್ದರಿಂದ ಅದನ್ನು ನಾವು ಕರಗಿಸಿ ಬಳಸಿದರೆ ಆಗಲ್ಲ, ಮನೆಯ ಚಿನ್ನ ವ್ಯರ್ಥವಾಗುತ್ತದೆ, ಮನೆಯಲ್ಲಿರುವ ಚಿನ್ನದಲ್ಲಿ ಸ್ವಲ್ಪ ತಾಮ್ರದಂಶವಿರುತ್ತದೆ, ಆದರೆ ಅಡುಗೆಯಲ್ಲಿ 24 ಕ್ಯಾರೆಟ್‌ ಶುದ್ಧ ಚಿನ್ನವನ್ನು ಬಳಸಲಾಗುವುದು.