ವೈನ್ ಬಗ್ಗೆ ಇರುವ ಈ ಕಟ್ಟುಕತೆಗಳನ್ನು ನಂಬುತ್ತೀರಾ?

ವೈನ್ ಗೆ ಹಾಕಿದ ಕಾರ್ಕ್

ವೈನ್ ಗೆ ಹಾಕಿದ ಕಾರ್ಕ್ ನ ವಾಸನೆಯಿಂದ ವೈನ್ ನ ಗುಣಮಟ್ಟ ತಿಳಿಯಬಹುದೆಂದು ಅನೇಕ ವೈನ್ ಪ್ರಿಯರು ಹೇಳುತ್ತಾರೆ. ಆದರೆ ವೈನ್ ಕಾರ್ಕ್ ನ ವಾಸನೆಗೂ, ವೈನ್ ನ ವಾಸನೆಗೂ ಯಾವುದೇ ಸಂಬಂಧವಿರುವುದಿಲ್ಲ. ವೈನ್ ಕಾರ್ಕ್ ಮರದ ವಾಸನೆ ಬೀರುವುದೇ ಹೊರತು ಅದರಲ್ಲಿರುವ ವೈನ್ ನ ವಾಸನೆ ಬೀರುವುದಿಲ್ಲ.

ವೈನ್ ಬಾಟಲಿಯ ಮುಚ್ಚಳ ಬಿಚ್ಚಿಟ್ಟರೆ ರುಚಿ ಹೆಚ್ಚು

ವೈನ್ ಬಾಟಲಿಯ ಮುಚ್ಚಳ(ಕಾರ್ಕ್) ತೆಗೆದು ಹಾಗೇ ಒಂದು ಗಂಟೆ ಇಟ್ಟರೆ ವೈನ್ ರುಚಿ ಹೆಚ್ಚುವುದು ಎಂಬುವುದು ಕೆಲವರ ನಂಬಿಕೆಯಾಗಿದ್ದು, ಅದನ್ನು ಅನುಸರಿಸುತ್ತಾರೆ ಕೂಡ. ಆದರೆ ವೈನ್ ನ ಮುಚ್ಚಳ ತೆಗೆದು ಹಾಗೇ ವೈನ್ ಅನ್ನು ಇಟ್ಟರೆ ಅದರ ವಾಸನೆ, ರುಚಿ ಕಡಿಮೆಯಾಗುವುದು.

ವೈನ್ ನ ಕಾಯ್ದಿರಿಸುವ ವಿಧಾನ

ವೈನ್ ಅನ್ನು ಕಾಯ್ದಿರಿಸಲು ವೈನ್ ಸೆಲ್ಲರ್ ಬೇಕೆಂದಿಲ್ಲ. ತುಂಬಾ ವೈನ್ ಇದ್ದರೆ ಮಾತ್ರ ಅದರ ಅವಶ್ಯಕತೆ ಬೀಳುವುದು, ನಿಮ್ಮ ಅವಶ್ಯಕತೆಗೆ ತಕ್ಕಷ್ಟು ಮಾತ್ರ ವೈನ್ ನಿಮ್ಮಲ್ಲಿದ್ದರೆ ಬಾಕ್ಸ್ ನಲ್ಲಿ ಕಾಯ್ದಿರಿಸಬಹುದು.

ಫ್ರಿಜ್ ನಲ್ಲಿ ಇಡುವ ಬಗ್ಗೆ

ವೈನ್ ಅನ್ನು ಫ್ರಿಜ್ ನಲ್ಲಿ ಇಡಬಾರದೆಂದು ಹೇಳುತ್ತಾರೆ. ಆದರೆ ವೈಟ್ ವೈನ್ ಅನ್ನು ಫ್ರಿಜ್ ನಲ್ಲಿ ಇಡಬಹುದು. ಸರ್ವ್ ಮಾಡುವ 2 ಗಂಟೆಯ ಮೊದಲು ವೈನ್ ಅನ್ನು ಇಟ್ಟರೆ ವೈಟ್ ವೈನ್ ಕುಡಿಯಲು ರುಚಿಯಾಗಿರುತ್ತದೆ.

ಹೆಚ್ಚು ಹಣ ಪಾವತಿಸಿದ ವೈನ್ ಮಾತ್ರ ಒಳ್ಳೆಯದು

ಈ ಭಾವನೆ ಹೆಚ್ಚಿನವರಲ್ಲಿರುತ್ತದೆ. ಒಳ್ಳೆಯ ಗುಣ ಮಟ್ಟದ ವೈನ್ ಆಗಿರಬೇಕಾದರೆ ಅದು ದುಬಾರಿ ಬೆಲೆಯದ್ದು ಆಗಿರಬೇಕು. ಹಾಗೇನು ಇಲ್ಲ ಕೆಲವೊಮ್ಮೆ ಒಳ್ಳೆಯ ಗುಣ ಮಟ್ಟದ ವೈನ್ ಸಾಧಾರಣ ಬೆಲೆಗೆ ದೊರೆಯುತ್ತದೆ.

ವೈಟ್ ವೈನ್ v/s ರೆಡ್ ವೈನ್

ಬಿಳಿ ಮಾಂಸದ ಜೊತೆ ಸರ್ವ್ ಮಾಡಲು ಬಿಳಿ ವೈನ್, ಕೆಂಪು ಮಾಂಸದ ಜೊತೆ ಸರ್ವ್ ಮಾಡಲು ಕೆಂಪು ವೈನ್ ಬೆಸ್ಟ್ ಎಂಬ ನಂಬಿಕೆ ಅನೇಕರಲ್ಲಿದೆ. ಆದರೆ ಹಾಗೇನು ಇಲ್ಲ, ಎರಡೂ ವೈನ್ ಪ್ರತ್ಯೇಕ ರುಚಿ ಹೊಂದಿದ್ದು, ಆಹಾರಕ್ಕೂ-ವೈನ್ ಗೂ ಸಂಬಂಧವಿಲ್ಲ.

ವೈನ್ ಕುಡಿಯುವ ಮುಂಚೆ ವಾಸನೆ ಗ್ರಹಿಸುವುದೇಕೆ?

ವೈನ್ ಕುಡಿಯುವ ಮುಂಚೆ ಜನರು ಅದರ ವಾಸನೆ ಗ್ರಹಿಸುತ್ತಾರೆ. ಹೀಗೆ ವಾಸನೆ ಗ್ರಹಿಸಿದರೆ ಬೇಗನೆ ಕಿಕ್ ದೊರೆಯುವುದು ಎಂಬ ತಪ್ಪು ಕಲ್ಪನೆಯಿದೆ. ವೈನ್ ಕುಡಿಯಲು ಯೋಗ್ಯವೇ, ಇಲ್ಲವೇ ಅನ್ನುವುದನ್ನು ಅದರ ವಾಸನೆಯಿಂದ ತಿಳಯಬಹುದೇ ಹೊರತು, ವಾಸನೆ ಗ್ರಹಿಸುವುದರಿಂದ ಯಾವುದೇ ಕಿಕ್ ದೊರೆಯುವುದಿಲ್ಲ.

ದ್ರಾಕ್ಷಿಯ ರಸ ಮಾತ್ರ ಬಳಸಿ ರೆಡ್ ವೈನ್ ಮಾಡಲಾಗುವುದು

ಇದೊಂದು ತಪ್ಪು ಕಲ್ಪನೆ. ದ್ರಾಕ್ಷಿಯ ರಸ ಬಿಳಿ ಬಣ್ಣದಲ್ಲಿರುತ್ತದೆ, ಅದರ ಜೊತೆಗೆ ಅದರ ಸಿಪ್ಪೆಯನ್ನು ಸೇರಿಸಿ ರೆಡ್ ವೈನ್ ಮಾಡಲಾಗುವುದು, ಆಗ ಮಾತ್ರ ಅದಕ್ಕೆ ಕೆಂಪು ಬಣ್ಣ ದೊರೆಯುವುದು.