ಹೆಂಗಸರ ಕಾಫಿ ಟೈಂ ಚರ್ಚೆಯ ವಿಷಯಗಳು

ಚಿತ್ರಕಥೆ - ಸಂಭಾಷಣೆಯ ಅಗತ್ಯತೆಯೆ ಇಲ್ಲ

ಒಂದು ಹೆಂಗಸಿನ ಜೊತೆಗೆ ಕುಳಿತು ಕಾಫಿ ಕುಡಿಯುತ್ತ ಆಕೆಯನ್ನು ಒಲಿಸಿಕೊಳ್ಳುವ ಆಲೋಚನೆ ನಿಮಗಿದೆಯೇ? ಹಾಗಾದರೆ ಆ ದೃಶ್ಯಕ್ಕೆ ಚಿತ್ರಕತೆ - ಸಂಭಾಷಣೆಯನ್ನು ಬರೆಯಬೇಡಿ. ಅದು ಉಪಯೋಗಕ್ಕೆ ಬರುವುದಿಲ್ಲ. ಒಂದು ವೇಳೆ ಏನು ಮಾತನಾಡಬೇಕು ಎಂದು ಯೋಜನೆ ಹಾಕಿಕೊಂಡರು ಅದು ಪ್ರಯೋಜನಕ್ಕೆ ಬರುವುದಿಲ್ಲ. ಹಾಗಾಗಿ ಮಾತು ಆರಂಭಿಸಿ ಅದರ ಪಾಡಿಗೆ ಅದನ್ನು ಬಿಟ್ಟು ಬಿಡಿ. ಹೆಂಗಸರ ಮಾತು ನಿಮಗೆ ದಾರಿ ತೋರಿಸುತ್ತ ಸಾಗುತ್ತದೆ.

ಸಿನಿಮಾ

ಹೆಂಗಸರಿಗೆ ಕಾಫಿ ಸಮಯದಲ್ಲಿ ಮಾತನಾಡಲು ದೊರೆಯುವ ಅತ್ಯುತ್ತಮ ವಿಚಾರ ಸಿನಿಮಾ. ಈಕೆ ಯಾವಾಗಲು ಸಿನಿಮಾದಲ್ಲಿನ ನಟಿಯರ ಕುರಿತಾಗಿ ಅವರ ವೇಷ ಭೂಷಣದ ಕುರಿತಾಗಿ ಮಾತನಾಡಲು ಉತ್ಸುಕತೆಯನ್ನು ತೋರುತ್ತಾರೆ. ಜೊತೆಗೆ ಆಕೆಯ ಬಗ್ಗೆ ವಿಮರ್ಶೆಯನ್ನು ಸಹ ಮಾಡುತ್ತಾರೆ. ಅಷ್ಟೇ ಅಲ್ಲ ಕಡೆಗೆ ಆಕೆಯು ತನಗಿಷ್ಟವಾದ ಚಿತ್ರದ ನಾಯಕನ ಬಗ್ಗೆ ಒಂದು ನಾಲ್ಕು ಮಾತನಾಡದೆ ಮುಗಿಸುವುದಿಲ್ಲ!. ಇನ್ನೇಕೆ ತಡ ಕಾಫಿ ಕೈಗೆತ್ತಿಕೊಂಡು ಒಂದು ಸಿನಿಮಾದ ಹೆಸರು ಹೇಳಿ ಸಾಕು.

ಪ್ರೀತಿ ಪ್ರೇಮ

ಪ್ರೀತಿ ಪ್ರೇಮದ ಬಗ್ಗೆ ಮಾತನಾಡದೆ ಕಾಫಿ ಕುಡಿದರೆ ಆ ಕಾಫಿ ಮತ್ತು ಅಂದಿನ ಚರ್ಚೆ ಅಪೂರ್ಣವಾಗುತ್ತದೆ. ಅದು ಸಾರ್ವಜನಿಕವಾಗಿಲ್ಲದಿದ್ದರು, ವೈಯುಕ್ತಿಕವಾಗಿ ಆಕೆಗೆ ಖುಷಿಕೊಡುವ ವಿಷಯ ಇದೇ. ಇಬ್ಬರು ಹೆಂಗಸರು ತುಂಬಾ ಗಂಭೀರವಾಗಿ ಒಂದು ವಿಚಾರವನ್ನು ಮಾತನಾಡುತ್ತಿದ್ದಾರೆ ಎಂದರೆ ಅದು ಪ್ರೀತಿ ಪ್ರೇಮದ ವಿಷಯ ಎಂದು ಬಿಡಿಸಿ ಹೇಳಬೇಕಾಗಿಲ್ಲ. ಬಿಡಿ ಆ ಹೆಂಗಸರು ಮಾತನಾಡಲಿ, ಅವರಿಗೆ ತೊಂದರೆ ಮಾಡಬೇಡಿ.

ಪ್ರವಾಸ ಮತ್ತು ಬಿಡುವಿನ ಕಾಲ

ಕೆಲವು ಹೆಂಗಸರಿಗೆ ಪ್ರವಾಸ ಎಂದರೆ ಭಾರೀ ಇಷ್ಟ. ಇನ್ನು ಕೆಲವರಿಗೆ ಅಯ್ಯೋ, ಬೇಡವೇ ಬೇಡ ಆ ವಿಚಾರ ಎಂಬಷ್ಟು ಕಷ್ಟ. ಅದರಲ್ಲು ನಿಮ್ಮ ಪ್ರಿಯತಮೆಯೊಂದಿಗೆ ಬಿಡುವಿನ ಕಾಲವನ್ನು ಕಳೆಯಲು ಯೋಜನೆ ಹಾಕಿಕೊಳ್ಳುತ್ತಿದ್ದೀರಿ ಎಂದರೆ ಮೊದಲು ಒಂದು ಕಪ್ ಕಾಫಿ ಕೈಗೆತ್ತಿಕೊಳ್ಳಿ. ಆಗ ಆಕೆಯೇ ನಿಮ್ಮೊಂದಿಗೆ ತನ್ನ ಇಷ್ಟ ಕಷ್ಟಗಳನ್ನು ಹೇಳುತ್ತ ಸಾಗುತ್ತಾಳೆ. ಈ ಪ್ರವಾಸದಲ್ಲಿ ಆಕೆಗೆ ಬೇಕಾಗಿರುವುದು ಮತ್ತು ಬೇಡವಾಗಿರುವುದು ಎಲ್ಲವನ್ನು ಕಾಫಿಯೊಂದಿಗೆ ಹೇಳಿ ಮುಗಿಸುತ್ತಾಳೆ. ಹೆಂಡತಿಯೊಂದಿಗೆ ಮಧುಚಂದ್ರದ ಸವಿ ಸವಿಯುವ ಮೊದಲು ಒಂದು ಕಾಫಿ ಸವಿಯಿರಿ.

ಕನಸುಗಳು

ಕನಸುಗಳಿಲ್ಲದ ಹೆಂಗಸರು ಇರಲು ಸಾಧ್ಯವೇ? ಅಸಾಧ್ಯ!! ಪ್ರತಿ ಹೆಂಗಸು ಕೆಲವೊಂದು ಕನಸುಗಳನ್ನು ಇಟ್ಟು ಕೊಂಡಿರುತ್ತಾಳೆ. ಕೊನೆ ಪಕ್ಷ ರಾತ್ರಿಯಲ್ಲಾದರು ನಿದ್ದೆಯಲ್ಲಿ ಕೆಲವು ಕನಸು ಕಾಣುತ್ತಾರೆ. ಕಾಫಿ ಕುಡಿಯುತ್ತ ಕೆಲವು ಹೆಂಗಸರು ತಮ್ಮ ಕನಸುಗಳನ್ನು ಹಂಚಿಕೊಳ್ಳುತ್ತಾರೆ. ಅದು ಕೆಟ್ಟದ್ದೊ, ಒಳ್ಳೆಯದೊ ಒಟ್ಟಿನಲ್ಲಿ ಕಾಫಿ ಕೈಗೆ ಬಂದಾಗ ಕನಸು ನಾಲಿಗೆಯ ಮೇಲೆ ಬರುತ್ತದೆ.

ಹವ್ಯಾಸಗಳು

ಕಾಫಿ ಕುಡಿಯುವಾಗ ಬಹುತೇಕ ಹೆಂಗಸರು ತಮ್ಮ ತಮ್ಮ ಹವ್ಯಾಸಗಳ ಕುರಿತಾಗಿ ಮಾತನಾಡಲು ಬಯಸುತ್ತಾರೆ. ಹೆಂಗಸರು ವಿಭಿನ್ನತೆಯನ್ನು ಬಯಸುವ ವ್ಯಕ್ತಿತ್ವದವರಾದರು ಸರಿ ಒಂದೇ ಹವ್ಯಾಸವನ್ನು ಹೊಂದಿದ್ದರೆ ಸಾಕು ಅದರ ಬಗ್ಗೆ ಕಾಫಿ ಮುಗಿದ ಮೇಲೂ ಮಾತನಾಡುತ್ತಲೆ ಇರುತ್ತಾರೆ. ಕೆಲವೊಮ್ಮೆ ಇದೇ ಹವ್ಯಾಸವನ್ನು ಮುಂದಿಟ್ಟುಕೊಂಡು ಅವರು ವ್ಯವಹಾರವನ್ನು ಸಹ ಕುದುರಿಸುತ್ತಾರೆ. ಅದು ಅವರ ಶಕ್ತಿ.

ಸ್ನೇಹಿತರು

ಕಾಫಿ ಕುಡಿಯುವಾಗ ಹೆಂಗಸಿಗೆ ಸ್ನೇಹಿತರು ನೆನಪಿಗೆ ಬರಲಿಲ್ಲವಾದರೆ ಹೇಗೆ ? ಹೆಂಗಸರಿಗೆ ಕಾಫಿ ಕುಡಿಯುವಾಗ ತಮ್ಮ ಬಾಯ್ ಫ್ರೆಂಡ್‍ಗಳು ಸಹ ನೆನಪಿಗು ಬರಬಹುದು.ಕೆಲವೊಮ್ಮೆ ಅವರ ನೆಚ್ಚಿನ ಸ್ನೇಹಿತರು ನೆನಪಿಗೆ ಬರಬಹುದು, ಇನ್ನು ಕೆಲವೊಮ್ಮೆ ಕೇವಲ ಗಾಸಿಫ್‍ಗಾಗಿ ಮಾತ್ರ ಗಂಡಸಿನ ಬಗ್ಗೆ ಮಾತನಾಡುತ್ತಾರೆ. ಇನ್ನು ಕೆಲವೊಮ್ಮೆ ಇದು ಅಂತ್ಯವಿಲ್ಲದೆ ಹೋಗಿ ಬಿಡುತ್ತದೆ.