ಸೋನಾಕ್ಷಿ ಸಿನ್ಹಾ ಹೂವಿನ ಚಿತ್ತಾರದುಡುಗೆಯಲ್ಲಿ

ಸೋನಾಕ್ಷಿ ಸಿನ್ಹಾ ವೇರ್ ಹೌಸಿನ ಹೂವಿನ ಚಿತ್ತಾರದುಡುಗೆಯಲ್ಲಿ ಅದ್ಭುತವಾಗಿ ಕಾಣುತ್ತಿದ್ದಳು. ಆಕೆ ತನ್ನ ಬಿಡುಗಡೆಯಾಗಲಿರುವ ಚಿತ್ರ ಆರ್.. ರಾಜಕುಮಾರ್ ದಲ್ಲಿ ಬ್ಯುಸಿಯಾಗಿರುವುದರ ನಡುವೆಯೇ ತನ್ನ ಸ್ಟೈಲಿಶ್ ಲುಕ್ ಗಳಿಂದ ಗಮನ ಸೆಳೆಯುತ್ತಿದ್ದಾಳೆ. ಒಂದೇ ದಿನದಲ್ಲಿ ಹಲವು ನೋಟಗಳಲ್ಲಿ ಮಿಂಚುತ್ತಿದ್ದಾಳೆ!

ಈ ಸುಂದರ ಮೈಮಾಟದ ಬೆಡಗಿ ಇತ್ತೀಚೆಗಷ್ಟೇ ಎರಡು ವಿಭಿನ್ನ ಉಡುಗೆಗಳನ್ನು ತೊಟ್ಟು ಪ್ರದರ್ಶಿಸಿದಳು. ಶೆಹ್ಲಾ ಖಾನ್ ರ ವಿನ್ಯಾಸದ ಬೇಬಿ ಪಿಂಕ್ ದಿರಿಸಿನಲ್ಲಿ ಅನುಪಮ ಚೋಪ್ರಾ ಜೊತೆಯಲ್ಲಿ ಮೊದಲ ಸಾಲಿನಲ್ಲಿ ಕಾಣಿಸಿಕೊಂಡಿದ್ದಳು. ನಂತರ ಮಂಡಿವರೆಗಿನ ಹೂವಿನ ಚಿತ್ತಾರದುಡುಗೆಯನ್ನು ತೊಟ್ಟು ಪ್ರದರ್ಶಿಸಿದಳು.

ವೇರ್ ಹೌಸಿನ ಈ ಉಡುಗೆ ಅವಳ ಮೈಮಾಟಕ್ಕೆ ಒಪ್ಪುವಂತಿತ್ತು. ಇದನ್ನು ವಿಸ್ ಕೊಸೆ ಮತ್ತು ಎಲಾಸ್ಟಿನೆ ಬಳಸಿ ಸಿದ್ಧಪಡಿಸಲಾಗಿದೆ. ಈ ಉಡುಗೆಯ ತುಂಬ ಹೂವಿನ ಚಿತ್ತಾರ ಹೊಂದಿದೆ. ಮಂಡಿಯವರೆಗಿನ ಈ ಉಡುಪಿಗೆ ಹಿಗ್ಗಿಸಬಹುದಾದ ಜರ್ಸಿ ಬಳಸಲಾಗಿದೆ. ಕುತ್ತಿಗೆಯನ್ನು ಇಡಿಯಾಗಿ ಆವರಿಸುವ ಕ್ರ್ಯೂ ನೆಕ್ ಲೈನ್ ಡಿಸೈನ್ ಹೊಂದಿದೆ.

ಇದಕ್ಕೆ ಸ್ಟೈಲಿಶ್ ಲುಕ್ ನೀಡುವಂತೆ ಸೊಂಟದ ಸುತ್ತಲೂ ರಿಬ್ಬನ್ ನೀಡಲಾಗಿದೆ. ಸೋನಾಕ್ಷಿ ಸಿನ್ಹಾ ಈ ಹೂವಿನ ಚಿತ್ತಾರದ ಉಡುಗೆಯನ್ನು ಜರಾ ಪಾದ ಮುಚ್ಚುವ ಕಪ್ಪು ಶೂಗಳೊಂದಿಗೆ ಧರಿಸಿದ್ದಳು. ಈ ಫ್ಲಾಟ್ ಶೂಗಳ ಬದಲಾಗಿ ಆಕೆ ಹೀಲ್ ಶೂಗಳನ್ನು ಧರಿಸಿದ್ದರೆ ಚೆನ್ನಾಗಿರುತ್ತಿತ್ತು. ಸೋನಾಕ್ಷಿ ಸಿನ್ಹಾ ಮತ್ತಷ್ಟು ಎತ್ತರವಾಗಿ ಸ್ಟೈಲಿಶ್ ಆಗಿ ಕಾಣುತ್ತಿದ್ದಳು.

ಅನುಪಮಾ ಚೋಪ್ರಾಳೊಂದಿಗೆ ಕಾಣಿಸಿಕೊಂಡಂತೆ ಕೂದಲನ್ನು ಒಂದೆಡೆ ಇಳಿಬಿಟ್ಟ ಹೇರ್ ಸ್ಟೈಲ್ ನಲ್ಲಿಯೇ ಕಾಣಿಸಿಕೊಂಡಿದ್ದಳು. ಆಕೆ ಹಚ್ಚಿಕೊಂಡಿದ್ದ ಕೋರಲ್ ಬಣ್ಣದ ನೈಲ್ ಪಾಲಿಶ್ ಹೂವಿನುಡುಗೆಗೆ ಒಪ್ಪುತ್ತಿತ್ತು. ಜರಾ ಬೂಟ್ಸ್ ಹೊರತುಪಡಿಸಿದರೆ ಉಳಿದಂತೆ ಆಕೆಯ ಮೇಕಪ್ ಆಕೆಯ ಬಟ್ಟೆಗೆ ಒಪ್ಪುವಂತಿತ್ತು.