ನಿರೀಕ್ಷಿಸಿ ಮಿಶೆಲ್ ಒಬಾಮ ಮುಖಪುಟ!

ಈ ವರ್ಷದ ಡಿಸೆಂಬರ್ ತಿಂಗಳಿನ ಜರ್ನಲ್ ಮ್ಯಾಗ್ ಝೀನಿಗೆ ಎಲ್ಲರೂ ಕಾತರದಿಂದ ಕಾಯುತ್ತಿದ್ದಾರೆ. ಏಕೆಂದರೆ ಈ ಮಾಸಿಕವು ಮುಖಪುಟದಲ್ಲಿ ಈ ಬಾರಿ ಅಮೆರಿಕಾದ ಪ್ರಥಮ ಮಹಿಳೆ ಮಿಶೆಲ್ ಒಬಾಮಳ ಛಾಯಾಚಿತ್ರವನ್ನು ಹೊತ್ತುತರಲಿದೆ. ಈ ಮಾಸಿಕದ ಓದುಗರೊಂದಿಗೆ ಈ ಪ್ರಥಮ ಮಹಿಳೆ ವೈಟ್ ಹೌಸಿನಲ್ಲಿ ಕ್ರಿಸ್ ಮಸ್ ಹಬ್ಬದಾಚರಣೆ ಹೇಗಾಗುತ್ತದೆ ಎನ್ನುವುದನ್ನು ಹಂಚಿಕೊಳ್ಳಲಿದ್ದಾರೆ.

ಈ ಬಾರಿಯ ಕ್ರಿಸ್ ಮಸ್ ವಿಶೇಷವೆಂದರೆ ಅಮೆರಿಕಾದ ಪ್ರಥಮ ಮಹಿಳೆಯ ಮನೆಯ ಹಬ್ಬದ ಸಡಗರವನ್ನು ಆಕೆಯಿಂದಲೇ ತಿಳಿದುಕೊಳ್ಳಬಹುದು. ಮುಖಪುಟದ ಚಿತ್ರವು ಆಕೆಯ ಸುಂದರ ನಗುವನ್ನು ಓದುಗರತ್ತ ಕೊಂಡೊಯ್ಯಲಿದೆ.

ಮುಖಪುಟದ ಈ ಚಿತ್ರದಲ್ಲಿ ಮಿಶೆಲ್ ಒಬಾಮ ಗೋಲ್ಡ್ ಮೆಟಾಲಿಕ್ ಸ್ಲೀವ್ ಲೆಸ್ ಉಡುಪಿನಲ್ಲಿ ಹೂನಗೆ ಚೆಲ್ಲುತ್ತಾ ನಿಂತಿರುವುದನ್ನು ಕಾಣಬಹುದಾಗಿದೆ. 49 ವರ್ಷದ ಈಕೆಯ ನೀಳ ಬಾಹುಗಳು, ಮೇಕಪ್, ಮೋಹಕ ಕಂಗಳು ನೋಡುಗರನ್ನು ಸೆಳೆಯುವಂತಿದೆ ಅಲ್ಲವೆ? ರಜೆಗಾಗಿ ಸಿದ್ಧತೆ ನಡೆಸಿರುವ ಮಿಶೆಲ್ ಆ ದಿನಗಳಿಗಾಗಿ ಕಾತರದಿಂದ ಕಾಯುತ್ತಿದ್ದಾರಂತೆ.
ಈ ಸಂಚಿಕೆಯಲ್ಲಿ ಮಿಶೆಲ್ ತಾವು ಕ್ರಿಸ್ ಮಸ್ ಹಬ್ಬವನ್ನು ತಮ್ಮ ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಹೇಗೆ ಆಚರಿಸುತ್ತಾರೆ ಎಂದು ಹೇಳಿದ್ದಾರಂತೆ. ಹಬ್ಬದ ಸಮಯದಲ್ಲಿ ಮಾಡಲಾಗುವ ಎಲ್ಲ ಆಚರಣೆಗಳಲ್ಲೂ ಪಾಲ್ಗೊಳ್ಳುವುದು ಆಕೆಗೆ ಸಂತಸದ ಸಂಗತಿಯಂತೆ. ಆಕೆ ತಮ್ಮ ಕುಟುಂಬದ ಸಂಪ್ರದಾಯದಂತೆ ಹೇಗೆ ಹಬ್ಬವನ್ನು ಆಚರಿಸುತ್ತಾರೆ ಎಂಬುದನ್ನು ಹಂಚಿಕೊಂಡಿದ್ದಾರಂತೆ.

ಕ್ರಿಸ್ ಮಸ್ ಹಬ್ಬ ಮಿಶೆಲ್ ಒಬಾಮಳ ಈ ಸುಂದರ ಚಿತ್ರದೊಂದಿಗೆ ಆಕೆಯ ಮನದಾಳದ ಮಾತುಗಳನ್ನು ತನ್ನ ಓದುಗರಿಗೆ ಹಬ್ಬದ ಉಡುಗೊರೆಯಾಗಿ ನೀಡಲಿದೆ. ನೀವು ಕೂಡ ಡಿಸಂಬರ್ ನ ಈ ಸಂಚಿಕೆಗಾಗಿ ಕಾಯುವಿರಿ ಅಲ್ಲವೇ?