ಕನಸ್ಸು ಮತ್ತು ಅವುಗಳ ಅರ್ಥ

ಸುಂದರವಾಗಿ ಕನಸ್ಸು ಬೀಳುತ್ತಿದ್ದಾಗ ಯಾರಾದರೂ ನಮ್ಮನ್ನು ಎಬ್ಬಿಸಿದರೆ ತುಂಬಾ ಕೋಪ ಬರುತ್ತದೆ, ಛೇ.. ಎಷ್ಟೊಂದು ಒಳ್ಳೆಯ ಕನಸ್ಸು ಬಿತ್ತು, ಹಾಳು ಮಾಡಿ ಬಿಟ್ಟೆ ಎಂದು ಗೊಣಗುತ್ತೇವೆ, ಅದೇ ಕೆಟ್ಟ ಕನಸ್ಸು ಬಿದ್ದರೆ ಭಯಬಿದ್ದು ಎದ್ದು ಕೂರುವುದಲ್ಲದೆ ಮನೆಯವರನ್ನೂ ಎಬ್ಬಿಸುತ್ತೇವೆ. ಜೀವನದಲ್ಲಿ ಕಷ್ಟ-ಸುಖ ಎಂಬ ಎರಡು ಮುಖಗಳಿರುವಂತೆ ಕನಸ್ಸಿನಲ್ಲಿಯೂ ಸುಂದರವಾದ ಕನಸ್ಸು ಹಾಗೂ ಭಯಾನಕ ಕನಸ್ಸುಗಳು ಬೀಳುತ್ತವೆ.

ಯಾವುದೇ ಕನಸ್ಸು ಬೀಳಲಿ ನಾವು ಎಚ್ಚರವಾದ ಮೇಲೆ ಅದರ ಬಗ್ಗೆ ಯೋಚಿಸುತ್ತೇವೆ, ಕೆಲವೊಂದು ಕನಸ್ಸುಗಳಂತೂ ದಿನವಿಡೀ ಕಾಡುತ್ತವೆ. ಅದರಲ್ಲಂತೂ ನನಗೆ ಈ ರೀತಿಯ ಕನಸ್ಸು ಬಿದ್ದಿದೆ ಅದಕ್ಕೆ ಅರ್ಥವೇನು ಎಂದು ಹುಡುಕುತ್ತೇವೆ. ಆ ಅರ್ಥಗಳು ಎಷ್ಟರ ಮಟ್ಟಿಗೆ ಸತ್ಯವಾದದು ಎಂದು ಹೇಳುವಂತಿಲ್ಲ, ಆದರೆ ಒಂದೊಂದು ಕನಸ್ಸಿಗೂ ನಮ್ಮಲ್ಲಿ ಅನೇಕ ನಂಬಿಕೆಗಳಿವೆ ಅಲ್ಲವೇ? ಇಲ್ಲಿ ನಾವು ಅಂತಹ ಕೆಲ ನಂಬಿಕೆಗಳ ಬಗ್ಗೆ ಹೇಳಿದ್ಧೇವೆ ನೋಡಿ:

ಹಲ್ಲು ಮುರಿದು ಹೋದಂತೆ ಕನಸ್ಸು ಬಿದ್ದರೆ
ಈ ರೀತಿಯ ಕನಸ್ಸು ಅನೇಕರಿಗೆ ಬೀಳುತ್ತದೆ. ಈ ರೀತಿಯ ಕನಸ್ಸು ಬಿದ್ದರೆ ಏನೋ ಕೆಟ್ಟದು ಕಾದಿದೆ, ಆದರೆ ಅದನ್ನು ತಡೆಯಲು ಯಾವುದೇ ಮಾರ್ಗಗಳು ನಮ್ಮಲ್ಲಿ ಇಲ್ಲ ಎಂದು ಅರ್ಥ.

ಬೀಳುತ್ತಿರುವಂತೆ
ಬೆಡ್, ಚೇರ್, ಬೆಟ್ಟ ಹೀಗೆ ಯಾವುದೇ ಸ್ಥಳದಿಂದ ನೀವು ಬೀಳುತ್ತಿರುವಂತೆ ಕನಸ್ಸು ಬಿದ್ದರೆ ನಿಮ್ಮ ಜೀವನದಲ್ಲಿ ಅನೇಕ ವಿಷಯಗಳು ನಿಮ್ಮ ಕೈ ಮೀರಿ ನಡೆಯುತ್ತಿದೆ ಎಂದು ಅರ್ಥ. ನಿಮ್ಮಲ್ಲಿ ಗೊಂದಲ, ಅತಂತ್ರ ಪರಿಸ್ಥಿತಿ ಇದೆ ಎಂದು ಅರ್ಥ.

ಅಪಘಾತ
ನಾವು ಆಯ್ದುಕೊಂಡ ದಾರಿಯ ಬಗ್ಗೆ ಇರುವ ನಮ್ಮ ಮನಸ್ಥಿತಿ ಅಪಘಾತ ಕನಸ್ಸು ಬೀಳುವ ಮೂಲಕ ವ್ಯಕ್ತವಾಗುತ್ತದೆ ಎನ್ನಲಾಗುತ್ತದೆ.

ಬಂಧಿಸಿದರೆ
ಯಾರಾದರೂ ನಮ್ಮನ್ನು ಟ್ರ್ಯಾಪ್ ಅಥವಾ ಬಂಧಿಸಿದಂತೆ ಕನಸ್ಸು ಬಿದ್ದರೆ ನಮ್ಮ ಸ್ಥಾನ ಮಾನಕ್ಕೆ, ಆರೋಗ್ಯಕ್ಕೆ ಅಥವಾ ಸಂಬಂಧಕ್ಕೆ ಏನೋ ಕುತ್ತು ಉಂಟಾಗಲಿದೆ ಎಂಬ ಅರ್ಥವಂತೆ.

ಸಾವಿನ ಕನಸ್ಸು
ನಾವು ಸತ್ತಂತೆ ಅಥವಾ ನಮ್ಮ ಆಪ್ತರು ಸತ್ತಂತೆ ಕನಸ್ಸು ಕಂಡರೆ ನಮ್ಮ ಕಷ್ಟ ಕಾಲ ಹೋಗಿ ಶುಭವಾಗಲಿದೆ ಎಂದು ಅರ್ಥ, ಅದೇ ಬೇರೆಯವರು ಸತ್ತಂತೆ ಕನಸ್ಸು ಕಂಡರೆ ನಮಗೇನೋ ಅಪಾಯ ಕಾದಿದೆ ಎಂದು ಅರ್ಥ.