ವಿಚಿತ್ರ ಕಾಯಿಲೆ ಇರುವ ಹಾಲಿವುಡ್ ಸೆಲೆಬ್ರಿಟಿಗಳು

ರಾಬರ್ಟ್ ಪ್ಯಾಟಿನ್ಸನ್

ಈ ಫೇಮಸ್ ಸೆಲೆಬ್ರಿಟಿಗೆ ಎಲ್ಲಾ ಪ್ರಾಣಿಗಳೆಂದರೆ ಇಷ್ಟ ಆದರೆ ಕುದುರೆಯೆಂದರೆ ವಿಪರೀತ ಭಯ. ಕುದುರೆ ನೋಡುವುದಿರಲಿ ಅದರ ಬಗ್ಗೆ ಹೇಳಿದರೆ ಸಾಕು ಇವರು ಭಯದಿಂದ ನಡುಗಿ ಬಿಡುತ್ತಾರಂತೆ. ಈ ಕಾಯಿಲೆಗೆ Equinophobia ಎಂದು ಹೆಸರು.

ಓಪ್ರಾ ವಿನ್ಫ್ರೇ

ಈ ಸೆಲೆಬ್ರಿಟಿಗೆ ಚ್ಯೂಯಿಂಗ್ ಗಮ್ ಅಗೆಯುವುದೆಂದರೆ ವಿಪರೀತ ಭಯವಂತೆ. ಇವರ ಎದುರಿಗೆ ಯಾರಾದರೂ ಚ್ಯೂಯಿಂಗ್ ಗಮ್ ಅಗೆಯುತ್ತಿದ್ದರೆ ಅದನ್ನು ನೋಡಲು ಕೂಡ ಅವರಿಂದ ಸಾಧ್ಯವಿಲ್ಲವಂತೆ, ವಿಪರೀತ ಭಯಬಿದ್ದು ಬಿಡುತ್ತಾರಂತೆ. ಈ ಕಾಯಿಲೆಗೆ ಹೆಸರು Chiclephobia.

ನಿಕೋಲ್ ಕಿಡ್ಮನ್

ಈ ನಟಿಗೆ ಚಿಟ್ಟೆ ಕಂಡರೆ ವಿಪರೀತ ಭಯವಂತೆ. ಅನೇಕ ಜನರಲ್ಲಿ ಈ ರೀತಿಯ ಭಯ ಕಂಡು ಬರುತ್ತದೆ. ಇದನ್ನು Lepidopterophobia ಎಂದು ಗುರುತಿಸಲಾಗಿದೆ.

ಪಮೇಲಾ ಆಂಡರ್ಸನ್

ಈ ಮಾದಕ ನಟಿ ತನ್ನ ಸೌಂದರ್ಯವನ್ನು ಕನ್ನಡಿಯಲ್ಲಿ ನೋಡಲು ಭಯ ಪಡುತ್ತಾಳಂತೆ! ಹುಡುಗಿಯರಿಗೆ ಕನ್ನಡಿಗೆ ಏನೋ ನಂಟು, ಅಂಥದ್ದರಲ್ಲಿ ಇವರು ಕನ್ನಡಿ ಕಂಡರೆ ಭಯದಿಂದ ಕಿರುಚಿ ಬಿಡುತ್ತಾರಂತೆ. ಈ ರೀತಿಯ ಕಾಯಿಲೆ ಮಾಡಲ್ ಗಳಲ್ಲಿ ಕಂಡು ಬರುವುದು ಸಹಜ ಅಂತಾರೆ. ಈ ಕಾಯಿಲೆಯನ್ನು Spectrophobia ಎಂದು ಗುರುತಿಸಲಾಗಿದೆ.

ಕಾರ್ಮೆನ್ ಎಲೆಕ್ಟ್ರಾ

ಈ ನಟಿಗೆ ನೀರೆಂದರೆ ತುಂಬಾ ಭಯ. ಈ ಕಾಯಿಲೆಗೆ Aquaphobia ಎಂದು ಹೆಸರು.

ಕೆಲ್ಲಿ ಆಸ್ಬಾರ್ನ್

ಈ ನಟಿ ಸ್ಪರ್ಶಕ್ಕೆ ಭಯ ಪಡುತ್ತಾರಂತೆ . ಇದನ್ನು Haphephobia ಎಂದು ಕರೆಯುತ್ತಾರೆ.

ಕ್ಯಾಮರಾನ್ ಡಯಾಜ್

ಈ ನಟಿಗೆ ಕದ ತಟ್ಟುವ ಶಬ್ದ ಕೇಳಿದರೆ ತುಂಬಾ ಭಯ ಪಡುತ್ತಾರಂತೆ. ಪುಣ್ಯಕ್ಕೆ ಮನೆಗೆ ಬರುವಾಗ ಡೋರ್ ಓಪನ್ ಮಾಡಲು ಇವರಿಗೆಲ್ಲಾ ಜನ ಇದ್ದಾರೆ. ಜನ ಸಾಮಾನ್ಯರಿಗೆ ಈ ಕಾಯಿಲೆ ಕಾಣಿಸಿದರೆ ಮಾತ್ರ ಆ ವ್ಯಕ್ತಿ ತುಂಬಾ ಕಷ್ಟ ಪಡಬೇಕಾಗುತ್ತದೆ.

ವಾಲ್ಟ್ ಡಿಸ್ನಿ

ಹಾಲಿವುಡ್‌ನ ಮಿಕ್ಕಿ ಮೌಸ್ ಕಾರ್ಟೂನಿಸ್ಟ್ ವಾಲ್ಟ್ ಡಿಸ್ನಿಗೆ ಇಲಿಗಳೆಂದರೆ ತುಂಬಾ ಭಯವಂತೆ.

ಡೊನಾಲ್ಡ್ ಟ್ರಂಪ್

ಇವರಿಗೆ ಶೇಕ್ ಹ್ಯಾಂಡ್ ಮಾಡಲು ಭಯವಂತೆ, ವಿಚಿತ್ರ ಅನಿಸಿದರೂ ಇದು ನಿಜ ಕೂಡ ಹೌದು.

ಮೇಗನ್ ಫಾಕ್ಸ್

ಇವರಿಗೆ ಅನೇಕ ಬಗೆಯ ವಿಚಿತ್ರ ಕಾಯಿಲೆಗಳಿವೆ, ಕತ್ತಲೆಂದರೆ ಭಯ, ಪೇಪರ್ ಕಂಡರೆ ಭಯ. ಪೇಪರ್ ಕಂಡ ಜಾಗದಲ್ಲಿ ಇವರು ನಿಲ್ಲುವುದಿಲ್ಲವಂತೆ.