ಫೇಸ್‌ಬುಕ್ ಜನಕನ ಬಗ್ಗೆ ಇಂಟ್ರೆಸ್ಟಿಂಗ್ ವಿಷ್ಯಗಳು

ಫೇಸ್‌ಬುಕ್ ಇಂದು ಸರ್ವವ್ಯಾಪ್ತಿ. ಇಂಟರ್ ನೆಟ್ ಓಪನ್ ಮಾಡಿದ ತಕ್ಷಣ ಒಮ್ಮೆ ಫೇಸ್ ಬುಕ್ ಗೆ ಭೇಟಿ ಕೊಟ್ಟು ನಂತರ ಮುಂದಿನ ಕೆಲಸಕ್ಕೆ ಅಣಿಯಾಗುವುದು ಹೆಚ್ಚಿನವರ ದಿನಚರಿಯಾಗಿದೆ. ಗೆಳೆತನಕ್ಕೆ, ಜಗಳಕ್ಕೆ, ಚರ್ಚೆಗೆ ಫೇಸ್‌ಬುಕ್ ಮುಕ್ತ ವೇದಿಕೆಯಾಗಿದೆ.

ಫೇಸ್‌ಬುಕ್ ಸಂಸ್ಥಾಪಕ ಮಾರ್ಕ್ ಝುಕರ್ ಬರ್ಗ್ 2004ರ ಇಸವಿಯಲ್ಲಿ ಈ ಸಾಮಾಜಿಕ ಜಾಲವನ್ನು ಜಗತ್ತಿಗೆ ಪರಿಚಯಿಸಿದರು. ಅವರ ಹುಟ್ಟುಹಬ್ಬದ ದಿನವಾದ ಇಂದು ಅವರ ಬಗೆಗಿನ ಕೆಲವು ಆಸಕ್ತಿದಾಯಕ ವಿಷಯಗಳನ್ನು ತಿಳಿದುಕೊಳ್ಳೋಣ.

ಕಾಲೇಜಿಗೆ ಅರ್ಧದಲ್ಲೇ ಗುಡ್ ಬೈ: ಓದಿದರೆ ಮಾತ್ರ ಎತ್ತರಕ್ಕೆ ಬೆಳೆಯಬಹುದು ಅನ್ನುವುದಕ್ಕೆ ಅಪವಾದ ಮಾರ್ಕ್ ಝುಕರ್ ಬರ್ಗ್. ಇವರು ಫೇಸ್ ಬುಕ್ ನೆಡೆಗೆ ಆಕರ್ಷಿತರಾಗುವ ಮೊದಲು ಹಾರ್ವರ್ಡ್ ವಿಶ್ವವಿದ್ಯಾನಿಲಯದಲ್ಲಿ ವ್ಯಾಸಂಗ ಮಾಡುತ್ತಿದ್ದರು. ಕೋರ್ಸ್ ಕಂಪ್ಲಿಟ್ ಮಾಡುವ ಮುನ್ನವೇ ಕಾಲೇಜಿಗೆ ಗುಡ್ ಬೈ ಹೇಳಿದ್ರು. ಸ್ವೀವ್ ಜಾಬ್, ಬಿಲ್ ಗೇಟ್ಸ್ ಕೂಡ ಓದನ್ನು ಅರ್ಧದಲ್ಲಿ ಮೊಟಕುಗೊಳಿಸಿದ್ದರು.

ಪ್ರಪಂಚದಲ್ಲಿ ಶ್ರೀಮಂತರದಲ್ಲಿ 14 ಸ್ಥಾನ: ಇವರು ಪ್ರಪಂಚದ ಅತೀ ಚಿಕ್ಕ ವಯಸ್ಸಿನಲ್ಲೇ ಕೋಟ್ಯಧಿಪತಿಯಾಗಿದ್ದು, ಪ್ರಪಂಚದ ಶ್ರೀಮಂತರಲ್ಲಿ 14 ಸ್ಥಾನದಲ್ಲಿದ್ದಾರೆ.

ಆರಂಭದಲ್ಲಿ ಫೇಸ್ ಬುಕ್ ಖಾಸಗಿಯಾಗಿತ್ತು, ಮುಕ್ತವಾಗಿರಲಿಲ್ಲ: ಇವರು ಮೊದಲು ಹಾರ್ವಾರ್ಡ್ ವಿಶ್ವವಿಧ್ಯಾನಿಲಯದಲ್ಲಿ ಓದುತ್ತಿರುವಾಗ 'ಫೇಸ್ ಮಾಶ್' ಅಂತ ಪ್ರಾರಂಭಿಸಿದ್ದರು. ಇದರಲ್ಲಿ ವಿಧ್ಯಾರ್ಥಿಗಳು ತಮ್ಮ ಪ್ರೊಫೈಲ್ ಪಿಕ್ಚರ್ (ವ್ಯಕ್ತಿ ಚಿತ್ರ) ಹಾಕಬಹುದಾಗಿತ್ತು. ಆದರೆ ಈ ಪ್ರಯತ್ನ ಕಾಲೇಜಿನಲ್ಲಿ ಜನಪ್ರಿಯವಾಗಲಿಲ್ಲ. ನಂತರ ಫೇಸ್ ಬುಕ್ ಪ್ರಾರಂಭಿಸಿದರು. ಅದು ಗೆಳೆತನಕ್ಕೆ ಮತ್ತು ಸಂವಹನಕ್ಕೆ ಹೊಸ ವೇದಿಕೆಯಾಯಿತು.

ವರ್ಣ ಅಂಧತ್ವ: 28 ವರ್ಷದ ಮಾರ್ಕ್ಗೆ ವರ್ಣ ಅಂಧತ್ವ ಸಮಸ್ಯೆ ಇದೆ. ಅದರಿಂದ ಅವರು ತಮ್ಮ ಸೈಟ್ ಅನ್ನು ನೀಲಿ ಬಣ್ಣದಲ್ಲಿ ಆಯ್ಕೆ ಮಾಡಿದರು. ಏಕೆಂದರೆ ಆ ಒಂದು ಬಣ್ಣ ಮಾತ್ರ ಅವರಿಂದ ಗುರುತಿಸಲು ಸಾಧ್ಯ.