ಥ್ಯಾಂಕ್ಸ್ ಗೀವಿಂಗ್ ಆಚರಣೆಯ ವಿಶೇಷತೆ ಏನು?

ಟರ್ಕಿ ಕೋಳಿ

ಮನೆ ಮಂದಿಯೆಲ್ಲಾ ಜೊತೆಗೆ ಸೇರಿದಾಗ ತಿನ್ನಲು ಅಧಿಕ ಆಹಾರ ಬೇಕಾಗುತ್ತದೆ. ಮೊದಲು ರೆಡ್ ಇಂಡಿಯನ್ ರು ಭೇಟೆ ಆಡಿ ಪ್ರಾಣಿಗಳನ್ನು ಕೊಂದು ತಿನ್ನುತ್ತಿದ್ದರು. ಒಂದು ಕಡೆ ನೆಲೆನಿಂತು ವ್ಯವಸಾಯ ಪ್ರಾರಂಭಿಸಿದ ಮೇಲೆ ಟರ್ಕಿ ಕೋಳಿಯನ್ನು ತಿನ್ನಲಾರಂಭಿಸಿದರು. ಈ ಹಬ್ಬದಲ್ಲಿ ಟರ್ಕಿ ಕೋಳಿ ಮಾಡಿದರೆ ಎಲ್ಲರಿಗೆ ಸಾಕಾಗುವಷ್ಟು ಇರುವುದಿಂದ ಇದರ ಆಹಾರವನ್ನು ತಯಾರಿಸುತ್ತಿದ್ದರು. ನಂತರ ಇದು ಪದ್ಧತಿಯಾಯಿತು.

ಟರ್ಕಿ ಆಹಾರ

ಟರ್ಕಿ ಕೋಳಿಯಿಂದ ಸಾರು, ರೋಸ್ಟ್, ಸ್ಟಫ್ಡ್ ಟರ್ಕಿ, ಕಟ್ಲೇಟ್ ಈ ರೀತಿ ಅನೇಕ ಬಗೆಯ ಖಾದ್ಯಗಳನ್ನು ತಯಾರಿಲಾಗುವುದು. ಈ ದಿನ ಟರ್ಕಿ ಕೋಳಿಯಿಂದ ತಯಾರಿಸಿದ ಅಡುಗೆ ಈ ಹಬ್ಬ ಆಚರಿಸುವವರ ಮನೆಯಲ್ಲಿ ಇದ್ದೇ ಇರುತ್ತದೆ.

ವೈನ್

ಮಾಂಸ ಇದ್ದ ಮೇಲೆ ವೈನ್ ಇಲ್ಲದಿದ್ದರೆ ಹೇಗೆ? ಅದರಲ್ಲೂ ಟರ್ಕಿ ಕೋಳಿಯ ಅಡುಗೆ ಜೊತೆ ಕುಡಿಯಲು ವೈನ್ ಇದ್ದರೆ ಅಡುಗೆಯ ಘಮ್ಮತ್ತು ಹೆಚ್ಚಾಗುವುದು.

ಡಿನ್ನರ್ ಟೇಬಲ್

ಈ ಹಬ್ಬದಲ್ಲಿ ಡಿನ್ನರ್ ಟೇಬಲ್ ಅನ್ನು ತುಂಬಾ ವಿಶೇಷವಾಗಿ ಅಲಂಕರಿಸಲಾಗವುದು. ಆಕರ್ಷಕವಾದ ಮೇಣದ ಬತ್ತಿಗಳನ್ನು ಹಚ್ಚಿಡಲಾಗುವುದು. ಹೊಸ ಟೇಬಲ್ ಕ್ಲೋಥ್ ಹಾಕಿ ಹೊಸ ಸ್ಪೂನ್, ನೈಫ್ ಅಂತ ಟೇಬಲ್ ಅನ್ನು ಅಲಂಕರಿಸಲಾಗುವುದು.

ಜೊತೆಯಲ್ಲಿ ಡಿನ್ನರ್

ಮನೆ ಮಂದಿಯೆಲ್ಲಾ ಜೊತೆ ಸೇರಿ ದೇವರಿಗೆ ಧನ್ಯವಾದಗಳನ್ನು ಅರ್ಪಿಸಿ ನಂತರ ಎಲ್ಲರೂ ಜೊತೆಯಲ್ಲಿ ಸೇರಿ ಹಬ್ಬದ ಅಡುಗೆಯನ್ನು ತಿನ್ನುತ್ತಾರೆ. ಇವು ಈ ಹಬ್ಬದ ವಿಶೇಷವಾಗಿವೆ.