ಫೇಸ್ ಬುಕ್ ನಲ್ಲಿ ಕಂಡುಬರುವ ವಿಚಿತ್ರವಾದ ಅಭ್ಯಾಸಗಳು

ಫೇಸ್ ಬುಕ್ ಎಂಬ ಸಾಮಾಜಿಕ ತಾಣ 10 ವರ್ಷವರಿಂದ ಹಿಡಿದು 60 ದಾಟಿದವರಿಗೂ ಕೂಡ ಪ್ರಿಯವಾದ ತಾಣವಾಗಿದೆ. ತಮ್ಮ ಭಾವನೆಗಳನ್ನು ಹಂಚಿಕೊಳ್ಳಲು, ಫ್ರೆಂಡ್ಸ್ ಜೊತೆ ಮಾತುಕತೆ ನಡೆಸಲು, ಚರ್ಚೆ ನಡೆಸಲು ಹೀಗೆ ಅದೊಂದು ಭಾವನೆಗಳ ವೇದಿಕೆಯಾಗಿದೆ. ಫೇಸ್ ಬುಕ್ ನಲ್ಲಿ ಫ್ರೆಂಡ್ಸ್ ಚಟುವಟಿಕೆ ಗಮನಿಸಿದರೆ ಸ್ವಲ್ಪ ವಿಚಿತ್ರವಾದ ನಡುವಳಿಕೆಗಳು ಗಮನಕ್ಕೆ ಬರುತ್ತದೆ. ಬನ್ನಿ, ಆ ವಿಚಿತ್ರವಾದ ನಡುವಳಿಕೆಗಳ ಬಗ್ಗೆ ತಿಳಿಯೋಣ:

ಅನಾವಶ್ಯಕವಾಗಿ ಸ್ಟೇಟಸ್ ಅಪ್ ಡೇಟ್ ಮಾಡುವುದು:ಪ್ರಯೋಜನಕ್ಕೆ ಬಾರದ ಫೋಟೊಗಳನ್ನು ಹಾಕುವುದು, ಪದೇ-ಪದೇ ಸ್ಟೇಟಸ್ ಅಪ್ ಡೇಟ್ ಮಾಡುವುದು ಈ ರೀತಿ ಮಾಡುತ್ತಿದ್ದರೆ ಫೇಸ್ ಬುಕ್ ಪೂರ್ತಿ ತಲೆಹರಟೆಯ ವಿಷಯಗಳೇ ಇರುತ್ತವೆ. ಇದರಿಂದ ಫೇಸ್ ಬುಕ್ ನಲ್ಲಿ ನಡೆಯುವ ಕೆಲವೊಂದು ಆಸಕ್ತಿಕರ ವಿಷಯದ ಬಗ್ಗೆ ತಿಳಿದುಕೊಳ್ಳದೇ ಹೋಗಬಹುದು.

ಎಲ್ಲಾ ಭಾವನೆಗಳನ್ನು ಪೋಸ್ಟ್ ಮಾಡುವುದು ಸರಿಯಲ್ಲ: ನನಗೆ ಖುಷಿಯಾಗಿದೆ, ನನಗೆ ತುಂಬಾ ಬೇಜಾರು ಆಗಿದೆ. ಸಂಸಾರದಲ್ಲಿ ನೆಮ್ಮದಿಯಿಲ್ಲ ಈ ರೀತಿಯ ಸ್ಟೇಟಸ್ ಗಳನ್ನು ಹಾಕಿದರೆ ಸ್ವಲ್ಪ ಕಮೆಂಟ್ ಬರುತ್ತದೆ ಹೊರತು ನಿಮಗೆ ಅದರಿಂದ ಪರಿಹಾರ ಸಿಗಲು ಸಾಧ್ಯವಿಲ್ಲ. ತೀರಾ ಖಾಸಗಿ ವಿಷಯವನ್ನು ಫೇಸ್ ಬುಕ್ ನಲ್ಲಿ ಹಾಕಬಾರದು.

ಎಮೋಷನಲ್ ಕಮೆಂಟ್: ಮೊಬೈಲ್ ನಲ್ಲಿ ಕೆಲವೊಂದು ಎಮೋಷನಲ್ ಕಮೆಂಟ್ ಬರುತ್ತದೆ. ಓಂ ನಮಃ ಹೇಳಿ 50 ಜನರಿಗೆ ಮೆಸೇಜ್ ಕಳುಹಿಸಿ ಇಲ್ಲದಿದ್ದರೆ ಅಪಾಯ ಬರುತ್ತದೆ, ಅದೇ ರೀತಿ ಫೇಸ್ ಬುಕ್ ನಲ್ಲಿ ಕೆಲವರು ಅಂತಹ ಎಮೋಷನಲ್ ಮೆಸೇಜ್ ಹಾಕಿ ಷೇರ್ ಮಾಡಿ ಎಂದಿರುತ್ತಾರೆ. ಅಂತಹ ಮೆಸೇಜ್ ಗಳನ್ನು ನೋಡುಗರಿಗೆ ಕಿರಿಕಿರಿ ಅನಿಸುತ್ತದೆ.

ತಲೆಹರಟೆಯ ಅಪ್ಲಿಕೇಷನ್ : ಕೆಲವೊಂದು ಅಪ್ಲಿಕೇಷನ್ ಇರುತ್ತದೆ ಅದನ್ನು ಬಳಸಿದರೆ ನಿಮ್ಮ ಭವಿಷ್ಯ, ನಿಮ್ಮ ಬಾಳ ಸಂಗಾತಿಯಾಗುವವರು ಯಾರಾಗಿರುತ್ತಾರೆ ಎಂದೆಲ್ಲಾ ಹುಚ್ಚುಹುಚ್ಚಾಗಿ ತೋರಿಸುತ್ತಿರುತ್ತಾರೆ. ಕೆಲವೊಂದು ವಿಷಯಗಳು ಮನರಂಜನೆಯನ್ನು ಕೊಟ್ಟರು ಮತ್ತೆ ಕೆಲವು ವಿಷಯಗಳು ತೀರಾ ಅತಿರೇಕ ಅನಿಸಬಹುದು. ಉದಾಹರಣೆಗೆ ನಿಮ್ಮ ಬೆಸ್ಟ್ ಫ್ರೆಂಡ್ ಇಂತಹವರು ಎಂದು ಕೆಲವರ ಹೆಸರು ತೋರಿಸಿರುತ್ಆದರೆ ಅದರಲ್ಲಿ ನಿಮ್ಮ ಬೆಸ್ಟ್ ಫ್ರೆಂಡ್ ನ ಹೆಸರು ಇಲ್ಲದಿದ್ದರೆ ಆ ಫ್ರೆಂಡ್ ಗೆ ಬೇಜಾರಾಗುತ್ತದೆ.

ಫೋಟೊ ಟ್ಯಾಗ್: ಕೆಲವೊಮ್ಮೆ ಫ್ರೆಂಡ್ಸ್ ಗಳು ಫೋಟೊ ಟ್ಯಾಗ್ ಮಾಡಿರುತ್ತಾರೆ. ಆದರೆ ಆ ಫೋಟೊಗಳು ನಿಮಗೆ ಸಂಬಂಧಿಸಿದ್ದು ಆಗಿರುವುದಿಲ್ಲ. ಅಂತಹ ಫೋಟೊಗಳನ್ನು ಡಿಲೀಟ್ ಮಾಡಬೇಕು.

ಹೀಗೆ ಬೇಡದ ವಿಷಯಗಳು ತುಂಬಾ ನಡೆಯುತ್ತಿರುತ್ತದೆ. ಇದನ್ನು ಆದಷ್ಟು ಉಪಯುಕ್ತ ಮಾಹಿತಿಗೆ ಬಳಸಿದರೆ ಫೇಸ್ ಬುಕ್ ನಿಂದ ಕಿರಿಕಿರಿ ಉಂಟಾಗುವುದಿಲ್ಲ.