ಈ ದೇಶಗಳಲ್ಲಿ ತುಂಬಾ ಕಡಿಮೆ ಬೆಲೆಗೆ ಇಂಧನ ಸಿಗುತ್ತದೆ!

Insync

oi-Reena

By Hema S

Updated: Thursday, September 20, 2012, 17:22 [IST]

ಗಾಡಿ ತೆಗೆದುಕೊಳ್ಳುವುದು ದೊಡ್ಡ ವಿಷಯವಿಲ್ಲ ಆದರೆ ಅದಕ್ಕೆ ಇಂಧನ ಹಾಕಿ ಅದನ್ನು ಅದನ್ನು ಭರಿಸುವುದೇ ದೊಡ್ಡ ವಿಷಯ. ಗಾಡಿ ಬೇಡ ಬಸ್ ನಲ್ಲಿ ಹೋಗೋಣ ಅಂದರೆ ಬಸ್ ಚಾರ್ಜ್ ಕೂಡ ಹೆಚ್ಚಾಗುತ್ತಿದೆ, ತರಕಾರಿಗಳು, ಹಾಲು ಹೀಗೆ ದಿನನಿತ್ಯದ ಸಾಮಾನುಗಳ ಬೆಲೆ ಹೆಚ್ಚಾಗುತ್ತಿದೆ, ಆದರೆ ಸಂಬಳ ಮಾತ್ರ ಏರುತ್ತಿಲ್ಲ.

ಸರ್ಕಾರಂತೂ ವರ್ಷದಲ್ಲಿ ಎರಡರಿಂದ ಮೂರು ಬಾರಿ ಪೆಟ್ರೋಲ್ ಮತ್ತು ಡೀಸಲ್ ಬೆಲೆ ಹೆಚ್ಚು ಮಾಡುತ್ತಿದೆ. ಹೀಗಾದರೆ ಜನ ಸಾಮಾನ್ಯರ ಜೀವನದ ಗತಿಯೇನು. ಅತೀ ಕಡಿಮೆ ಬೆಲೆಯಲ್ಲಿ ಪೆಟ್ರೋಲ್ ಮತ್ತು ಡೀಸಲ್ ದೊರೆತರೆ ಎಷ್ಟು ಚೆಂದ ಅಲ್ಲವೇ? ಹಾಗೆ ದೊರೆಯುತ್ತಿರುವ ದೇಶದವರು ಪುಣ್ಯವಂತರು ಅಲ್ವಾ? ಹೀಗೆ ಅತೀ ಕಡಿಮೆ ಪೆಟ್ರೋಲ್ ಬೆಲೆಯಲ್ಲಿ ದೊರೆಯುವ ದೇಶಗಳು ಯಾವುವು ಎಂದು ನೋಡೋಣ ಬನ್ನಿ.

ವೆನಿಜುವೆಲ್ಲಾ: ಲ್ಯಾಟಿನ್ ಅಮೇರಿಕಾದ ವೆನಿಜುವೆಲ್ಲಾದಲ್ಲಿ ಪೆಟ್ರೋಲ್ ದರ ತುಂಬಾ ಅಗ್ಗ. ಅದರ ಬೆಲೆ ಕೇಳಿದಾಗ ಈ ಬೆಲೆ ನಮ್ಮ ದೇಶದಲ್ಲಿ ಇದ್ದಿದ್ದರೆ ಎಷ್ಟು ಚೆಂದ ಅನಿಸುತ್ತಿರಬಹುದಲ್ಲವೇ? ವಾವ್! ವೆನಿಜುವೆಲ್ಲಾದಲ್ಲಿ ಲೀಟರ್ ಪೆಟ್ರೋಲ್ ದರ ಲೀಟರಿಗೆ 7.01 ರುಪಾಯಿ.

ಈಜಿಪ್ಟ್: ಪಿರಮಿಡ್ಡುಗಳಿಗೆ ಹೆಸರುವಾಸಿಯಾಗಿರುವ ಈಜಿಪ್ಟನಲ್ಲಿ ಪೆಟ್ರೋಲ್ ಅಗ್ಗದಲ್ಲಿ ದೊರೆಯುತ್ತದೆ. ಈಜಿಪ್ಟನಲ್ಲಿ ಪ್ರತಿ ಲೀಟರ್ ಪೆಟ್ರೋಲಿಗೆ ಈಗ 7.89 ರುಪಾಯಿ ಇದೆ.

ಸೌದಿ ಅರೇಬಿಯಾ: ಇಲ್ಲಿರುವ ತೈಲ ಸಂಪತ್ತಿನಿಂದಾಗಿ ಇದು ಶ್ರೀಮಂತ ರಾಷ್ಟ್ರವಾಗಿದೆ. ಪೆಟ್ರೋಲ್ ಬಾವಿಗಳಿರುವ ಸೌದಿಯಲ್ಲಿ ಪೆಟ್ರೋಲಿಗೆ ಬರಗಾಲವಿಲ್ಲ. ಹೀಗಾಗಿ ಅಲ್ಲೂ ಪೆಟ್ರೋಲ್ ದರ ಕಡಿಮೆ. ಒಂದು ಲೀಟರಿಗೆ ಕೇವಲ 8.76 ರುಪಾಯಿ ಅಷ್ಟೆ.

ಕತ್ತರ್: ಇದು ಗಲ್ಫ್ ರಾಷ್ಟ್ರದ ಶ್ರೀಮಂತ ರಾಷ್ಟ್ರಗಳಲ್ಲಿ ಇದು ಕೂಡ ಒಂದಾಗಿದೆ. ಇಲ್ಲಿ ಪೆಟ್ರೋಲ್ ದರ 10.52 ರು.

ಬೆಹ್ರೈನ್: ಈ ದೇಶಗಳಿಗೆ ಸಂಪತ್ತು ಕಚ್ಚಾ ತೈಲಗಳಿಂದ ಹರಿದು ಬರುತ್ತಿದೆ. ಇಲ್ಲೂ ಪೆಟ್ರೋಲ್ ದರ ಅಗ್ಗ. ಬೆಹ್ರೈನ್ ನಲ್ಲಿ ಲೀಟರ್ ಪೆಟ್ರೋಲ್ ದರ 13.15 ರುಪಾಯಿ.