ಈ ದೀಪಾವಳಿಗೆ ಮಾಡಬೇಕಾದ 7 ಮುಖ್ಯ ಕೆಲಸಗಳು

ಶಾಪಿಂಗ್:

ದೀಪಾವಳಿ ಹಬ್ಬದಲ್ಲಿ ನಾವು ಮೊದಲು ಮಾಡುವ ಕೆಲಸವೆಂದರೆ ಶಾಪಿಂಗ್. ಆದರೆ ಈ ರೀತಿ ಶಾಪಿಂಗ್ ಮಾಡುವಾಗ ತುಂಬಾ ಎಚ್ಚರಹಿಸಬೇಕು. ಅಂಗಡಿಗಳಲ್ಲಿ ಅನೇಕ ಹಬ್ಬದ ಆಫರ್ ಗಳಿರುತ್ತವೆ. ಆಫರ್ ಇದೆ ಎಂದು ಕೊಂಡುಕೊಳ್ಳುವ ಮೊದಲು ಅವುಗಳ ಗುಣಮಟ್ಟ ಪರೀಕ್ಷಿಸಿ ಹಾಗೂ ಬಜೆಟ್ ನ ಒಳಗೆ ಶಾಪಿಂಗ್ ಮಾಡಿ. ಇಲ್ಲದಿದ್ದರೆ ತಿಂಗಳ ಕೊನೆಯಲ್ಲಿ ಹಣ ಖಾಲಿಯಾಗಿ ಪರದಾಡ ಬೇಕಾಗುತ್ತದೆ. ಆದ್ದರಿಂದ ಶಾಪಿಂಗ್ ಮಾಡುವ ಮುನ್ನ ಇಷ್ಟು ಹಣ ಹಣ ಅಂತ ತೆಗೆದಿಡಿ.

ಮನೆ ಅಲಂಕಾರ:

ಮನೆ ಅಲಂಕಾರಕ್ಕೆ ತುಂಬಾ ದುಡ್ಡು ಖರ್ಚು ಮಾಡುವ ಬದಲು ಮನೆಯಲ್ಲಿರುವ ವಸ್ತುಗಳಿಂದ ಮನೆಯನ್ನು ಅಲಂಕರಿಸಿ, ನಂತರ ಹಣತೆಗಳಿಂದ ಅಲಂಕರಿಸಿದರೆ ಸಾಕು ಮನೆ ತುಂಬಾ ಆಕರ್ಷಕವಾಗಿ ಕಾಣುವುದು.

ಮನೆಯವರ ಜೊತೆ ಬೆರೆಯುವ ಅವಕಾಶ:

ಈಗೆಲ್ಲಾ ಒಂದು ಮನೆಯಲ್ಲಿ 2-4 ಜನರಿರುವುದೇ ಹೆಚ್ಚು. ಕೆಲಸದ ಕಾರಣದಿಂದ ಅಥವಾ ಮದುವೆಯಾಗಿ ನಮ್ಮ ಸಹೋದರಾ-ಸಹೋದರಿಯರು ಬೇರೆ-ಬೇರೆ ಕಡೆ ವಾಸಿಸುತ್ತಿರುತ್ತಾರೆ. ಅದೇ ಹಬ್ಬ ಬಂದಾಗ ಎಲ್ಲರೂ ಜೊತೆ ಸೇರುತ್ತೇವೆ. ಈ ಸಮಯದಲ್ಲಿ ಹಬ್ಬದ ಅಡುಗೆ ಮಾಡಿ ಸಂತೋಷದಿಂದ ಇರುವ ಜತೆಗೆ ಎಲ್ಲರೂ ಸೇರಿ ಸಿನಿಮಾಕ್ಕೆ ಅಥವಾ ಪ್ರೇಕ್ಷಣೀಯ ಸ್ಥಳಗಳಿಗೆ ಹೋಗುವುದು ಮಾಡಿದರೆ ಹಬ್ಬ ಮತ್ತಷ್ಟು ಮಸ್ತ್ ಆಗಿರುತ್ತದೆ.

ಕಡಿಮೆ ಕ್ಯಾಲೋರಿಯಾ ಅಡುಗೆ:

ಹಬ್ಬದ ಅಡುಗೆಯೆಂದರೆ ಕ್ಯಾಲೋರಿ ಅಧಿಕವಿರುತ್ತದೆ. ಆದರೆ ಈ ಭಾರಿ ಹಬ್ಬಕ್ಕೆ ಕಡಿಮೆ ಕ್ಯಾಲೋರಿಯ ಅಡುಗೆ ಬಗ್ಗೆ ಹೆಚ್ಚು ಗಮನ ಕೊಡಿ. ಕ್ಯಾಲೋರಿ ಅಧಿಕ ತಿಂದು ಕಷ್ಟ ಪಡುವುದು ಏಕೆ ಅಲ್ವಾ?

ಇತರರಿಗೆ ಬೆಳಕಾಗಿ:

ಸಾಧ್ಯವಾದರೆ ಇತರರ ಜೀವನದಲ್ಲಿ ಬೆಳಕು ತರಲು ಪ್ರಯತ್ನಿಸಿ. ಅನಾಥಶ್ರಮಗಳಿಗೆ ಅವರಿಗೆ ಸಿಹಿ ಹಂಚಿ ಅವರ ಸಂತೋಷದಲ್ಲಿ ಭಾಗಿಯಾಗಿ, ಆಗ ದೀಪಾವಳಿ ತುಂಬಾ ಸ್ಪೆಷೆಲ್ ಅನಿಸುವುದು.

ಪಟಾಕಿ ಬೇಕೆ?:

ಪಟಾಕಿಯಿಂದ ಸಾಕಷ್ಟು ಅನಾಹುತಗಳು ಆಗಿದ್ದನ್ನು ನೋಡಿದ್ದೇವೆ. ಖುಷಿಯಾಗಿರುವಾಗ ಪಟಾಕಿಯಿಂದ ಏನಾದರೂ ಸಂಭವಿಸಿ ದುಃಖದ ಛಾಯೆ ಏಕೆ ಅಲ್ವಾ? ಆದ್ದರಿಂದ ಅದನ್ನು ಬಳಸದಿರುವುದು ಒಳ್ಳೆಯದು, ನೀವು ಈ ರೀತಿ ಮಾಡಿದರೆ ಪರಿಸರ ಮಾಲಿನ್ಯ ತಡೆಗಟ್ಟುವಲ್ಲಿ ಭಾರಿ ಕೊಡುಗೆ ಕೊಟ್ಟಂತೆ ಆಗುವುದು.

ಗೆಳೆಯರ ಜೊತೆ ಬೆರೆಯುವುದು:

ಎಲ್ಲಾ ಗೆಳೆಯರು ಹಬ್ಬದ ಸಮಯದಲ್ಲಿ ಊರಿಗೆ ಬರುವುದರಿಂದ ಎಲ್ಲರೂ ಸೇರಿ ಒಂದು ಕಡೆ ಭೇಟಿಯಾಗಿ. ಇದರಿಂದ ಈ ದೀಪಾವಳಿ ನಿಮಗೆ ತುಂಬಾ ಸ್ಪೆಷೆಲ್ ಅನಿಸುವುದು. ಚಿಯರ್ಸ್...