ತುಂಬಾ ವಿಚಿತ್ರವಾದ ಪ್ರದೇಶಗಳಿವು!

ಪಮುಕೇಲ್:

ಇದು ಜಗತ್ತಿನ ವಿಚಿತ್ರವಾದ ಪ್ರದೇಶಗಳಲ್ಲಿ ಒಂದಾಗಿದೆ. ಪ್ರಕೃತಿಯ ಅಸ್ವಾಭಾವಿಕ ಗುಣದಿಂದಾಗಿ ಇದು ವಿಚಿತ್ರವಾದ ಪ್ರದೇಶ ಅನ್ನಿಸಿಕೊಂಡಿದೆ. ಈ ಭಾಗದಲ್ಲಿ ಜ್ವಾಲಾಮುಖಿ ಉಂಟಾಗಿ ಬೃಹತ್ ಕ್ಯಾಲ್ಸಿಯಂ ಕಾರ್ಬೋನೇಟ್ ನ ಶಿಲೆಗಳು ಉಂಟಾಗಿದೆ.

ಮೆಕ್ ಮರ್ಡೋ ಒಣಗಿದ ಕಣವೆ:

ಇದು ಅಂಟಾರ್ಟಿಕದಲ್ಲಿದೆ. ಈ ಕಣವೆಯಲ್ಲಿ ನೈಸರ್ಗಿಕವಾಗಿ ಬಿಸಿ ನೀರು ಹರಿಯುತ್ತದೆ, ಸ್ವಲ್ಪ ಕೆಂಪು ಬಣ್ಣ ಇರುವ ಈ ನೀರಿನಲ್ಲಿ ಕಬ್ಬಿಣದಂಶ ಹೇರಳವಾಗಿದೆ. ಈ ಕಣವೆ ನೋಡಿದರೆ ರಕ್ತ ಹರಿಯುತ್ತಿದೆಯೇನೊ ಎಂದು ಭಾಸವಾಗುತ್ತದೆ.

ಸಲೈನ್ ಅಲ್ಕೈ ಕೆರೆ:

ಈ ಕೆರೆ ಬ್ರಿಟಿಷ್ ಕೊಲಂಬಿಯಾದಲ್ಲಿದೆ. ಈ ಕೆರೆಯಲ್ಲಿ 8-10 ಖನಿಜಾಂಶಗಳು ಸಿಗುತ್ತದೆ. ಇಲ್ಲಿ ಬೇಸಿಗೆಯಲ್ಲಿ ನೀರು ಆವಿಯಾದಾಗ ಈ ಖನಿಜಾಂಶಗಳು ಕಾಣಸಿಗುತ್ತದೆ.

ರೇಸ್ ಟ್ರ್ಯಾಕ್ ಪಾಲ್ಯ:

ಇದೊಂದು ಒಣ ಕೆರೆಯಾಗಿದ್ದು ಕ್ಯಾಲಿಫೋರ್ನಿಯಾದಲ್ಲಿದೆ. ಈ ಪ್ರದೇಶ ನೋಡಲು ಮನಮೋಹಕವಾಗಿದ್ದು, ಇಲ್ಲಿ ಅಚ್ಚರಿಯ ಸಂಗತಿಯೆಂದರೆ ಈ ಪ್ರದೇಶದಲ್ಲಿ ಕಲ್ಲುಗಳು ಒಂದು ಜಾಗದಿಂದ ಮತ್ತೊಂದು ಜಾಗಕ್ಕೆ ತನ್ನಿಷ್ಟಕ್ಕೆ ಚಲಿಸುತ್ತದೆ.

ಸಹಾರ ಮರುಭೂಮಿಯ ಕಣ್ಣು:

ಸಹಾರ ಮರುಭೂಮಿಯಲ್ಲಿ ಕಣ್ಣಿನ ರೀತಿಯ ಆಕಾರ ಕಂಡುಬರುತ್ತದೆ. ಇದನ್ನು ಸಹಾರ ಮರುಭೂಮಿಯ ಕಣ್ಣು ಎಂದು ಕರೆಯಲಾಗಿದೆ. ಇದರಿಂದಾಗಿ ಈ ಮರುಭೂಮಿ ಇತರ ಮರುಭೂಮಿಗಿಂತ ವಿಚಿತ್ರ ಅನಿಸಿದೆ.

ಸೊಕೊಟ್ರಾ ದ್ವೀಪ:

ಈ ಪ್ರದೇಶವನ್ನು ಕೂಡ ಪ್ರಪಂಚದ ವಿಚಿತ್ರವಾದ ಪ್ರದೇಶ ಎಂದು ಗುರುತಿಸಲಾಗಿದೆ. ಇಲ್ಲಿ ಕಾಣ ಸಿಗುವ ಪ್ರಾಣಿ, ಪಕ್ಷಿ ಮತ್ತು ಹೂಗಳು ಪ್ರಪಂಚದ ಇತರ ಭಾಗದಲ್ಲಿ ಕಾಣಸಿಗುವುದಿಲ್ಲ ಅನ್ನುವುದು ಇದರ ವೈಶಿಷ್ಟ್ಯ.