ನಿಮ್ಮ ಮುಖಕ್ಕೆ ಸೂಕ್ತವಾದ ಬಿಂದಿ ಯಾವುದು?

Insync

oi-Reena

By Hema S

Published: Saturday, May 5, 2012, 11:26 [IST]

ಬಿಂದಿ ಅಥವಾ ಬೊಟ್ಟು ಹೆಣ್ಣು ಮಕ್ಕಳ ಮುಖದ ಲಕ್ಷಣವನ್ನು ಹೆಚ್ಚಸುತ್ತದೆ. ಆದರೆ ಈ ರೀತಿ ಬಿಂದಿ ಹಾಕುವಾಗ ಮುಖಕ್ಕೆ ಒಪ್ಪುವ ರೀತಿಯ ಬಿಂದಿ ಹಾಕಬೇಕು. ಸಣ್ಣ ಮುಖವಿದ್ದವರಿಗೆ ದೊಡ್ಡ ಬಿಂದಿ ಹಾಕಿದರೆ ನೋಡಿದವರಿಗೆ ಮುಖದ ಬದಲು ಬಿಂದಿ ಮಾತ್ರ ಕಾಣುತ್ತದೆ. ಆಕರ್ಷಕವಾಗಿ ಕಾಣಲು ಮುಖದ ಆಕಾರಕ್ಕೆ ತಕ್ಕಂತೆ ಬೊಟ್ಟು ಹಾಕಬೇಕು. ದುಂಡು ಮೊಖ, ಅಗಲ ಮುಖ ಹೀಗೆ ಮುಖದ ಆಕಾರಕ್ಕೆ ಹೊಂದುವ ಬಿಂದಿ ಹೇಗಿರಬೇಕು ಎಂದು ಇಲ್ಲಿ ಮಾಹಿತಿ ನೀಡಲಾಗಿದೆ. ಇದರಲ್ಲಿ ನಿಮ್ಮ ಮುಖದ ಆಕಾರಕ್ಕೆ ತಕ್ಕ ಬಿಂದಿ ಹೇಗಿರಬೇಕು ಎಂದು ತಿಳಿಯಲು ಮುಂದೆ ಓದಿ.

ಹೃದಯಾಕಾರದ ಮುಖ: ಈ ರೀತಿಯ ಮುಖದವರ ಹಣೆ ಎದ್ದು ಕಾಣುತ್ತದೆ. ಆದ್ದರಿಂದ ಹೊಳೆಯುವ ಸ್ಟಿಕ್ಕರ್, ಚಿಕ್ಕ ಬಿಂದಿ ಅಥವಾ ಕುಂಕುಮ ಹಾಕಿದರೆ ಆಕರ್ಷಕವಾಗಿ ಕಾಣುವುದು. ಈ ಮುಖದವರಿಗೆ ಉದ್ದದ ಬಿಂದಿ ಧರಿಸಿದರೆ ಫ್ಯಾಷನೇಬಲ್ ಆಗಿ ಕಾಣುತ್ತದೆ.

ಮೊಟ್ಟೆಯ ಆಕಾರದ ಮುಖ: ಈ ರೀತಿಯ ಮುಖದವರು ಹೆಚ್ಚು ಆಕರ್ಷಕವಾಗಿ ಕಾಣುತ್ತಾರೆ. ಈ ರೀತಿಯ ಹಣೆಯವರಿಗೆ ಫ್ಯಾಷನೇಬಲ್ ಸ್ಟಿಕ್ಕರ್ ಹಾಕಿದರೆ ಆಕರ್ಷಕವಾಗಿ ಕಾಣುವುದು. ಲಿಪ್ ಸ್ಟಿಕ್ ಮತ್ತು ಬಿಂದಿ ಸ್ವಲ್ಪ ಮ್ಯಾಚ್ (ಹೊಂದಾಣಿಕೆ) ಆಗುವಂತೆ ಇದ್ದರೆ ತುಂಬಾನೆ ಆಕರ್ಷಕವಾಗಿ ಕಾಣುವುದು.

ದುಂಡು ಮುಖ: ದುಂಡು ಮುಖದವರಿಗೆ ಉದ್ದದ ಬಿಂದಿ ಆಕರ್ಷಕವಾಗಿ ಕಾಣುತ್ತದೆ. ಫ್ಯಾಷನೇಬಲ್ ಸ್ಟಿಕ್ಕರ್ ಕೊಳ್ಳುವಾಗ ಉದ್ದದ ಸ್ಟಿಕ್ಕರ್ ಕೊಳ್ಳುವುದು ಒಳ್ಳೆಯದು. ದುಂಡನೆಯ ಸ್ಟಿಕ್ಕರ್, ಅಗಲವಾದ ಸ್ಟಿಕ್ಕರ್, ತ್ರಿಭುಜಾಕಾರದ ಸ್ಟಿಕ್ಕರ್ ಬಳಸಬಾರದು.

ಚೌಕಾರದ ಮುಖ: ಈ ಮುಖದವರು ಮೊಟ್ಟೆಯಾಕಾರದ ಮುಖದವರಿಗೆ ಹೇಳಿದಂತಹ ಬಿಂದಿಗಳನ್ನು ಬಳಸಬಹುದು. ಈ ಮುಖದವರಿಗೆ ತ್ರಿಭುಜಾಕಾರದ ಬಿಂದಿ ಕೂಡ ಅಕರ್ಷಕವಾಗಿ ಕಾಣುತ್ತದೆ.

ತ್ರಿಭುಜಾಕಾರದ ಮುಖ: ಈ ಮುಖದವರಿಗೆ ಎಲ್ಲಾ ರೀತಿಯ ಬಿಂದಿ ಸ್ವಲ್ಪ ಹೊಂದಾಣಿಕೆಯಾಗುತ್ತದೆ. ಆದರೆ ಸೂರ್ಯನ ಉದಯಿಸುವಾಗ ಕಾಣಿಸುವ ಬಣ್ಣದ ಸ್ಟಿಕ್ಕರ್, ನಕ್ಷತ್ರ ಆಕಾರದ ಸ್ಟಿಕ್ಕರ್ ತುಂಬಾ ಚೆನ್ನಾಗಿ ಒಪ್ಪುತ್ತದೆ.