ಗುಂಡಗಿರುವ ದುಂಡು ಚೆಲುವೆಗೆ ಸೂಕ್ತ ಈ ಜೀನ್ಸ್

Insync

oi-Reena

By Hema S

Published: Thursday, March 22, 2012, 12:29 [IST]

ಹೆಚ್ಚಿನ ಮಹಿಳೆಯರಿಗೆ ಸೀರೆಗಿಂತ ಪ್ಯಾಂಟ್, ಸೆಲ್ವಾರ್ ಧರಿಸಿದರೆ ಹೆಚ್ಚು ಕಂಫರ್ಟ್ ಅನಿಸುವುದರಿಂದ ದೂರ ಪ್ರಯಾಣ ಮಾಡುವಾಗ ಜೀನ್ಸ್ ಹಾಕಲು ಇಷ್ಟಪಡುತ್ತಾರೆ.

ಸೀರೆ ಆದರೆ ಎಷ್ಟೆ ದಪ್ಪವಿರಲಿ, ಸಣ್ಣವಿರಲಿ ಒಪ್ಪವಾಗಿ ಉಟ್ಟರೆ ಲಕ್ಷಣವಾಗಿ ಕಾಣಿಸುವುದು. ಆದರೆ ಜೀನ್ಸ್ ಪ್ಯಾಂಟ್ ಧರಿಸುವುದಾದರೆ ಸೂಕ್ತವಾದ ಪ್ಯಾಂಟ್ ಧರಿಸದಿದ್ದರೆ ಚೆಂದವಾಗಿ ಕಾಣಿಸುವುದಿಲ್ಲ. ಆದ್ದರಿಂದ ದಪ್ಪವಿರುವ ದೇಹಕ್ಕೆ ಯಾವ ರೀತಿಯ ಪ್ಯಾಂಟ್ ಸೂಕ್ತವೆಂದು ತಿಳಿಯಲು ಮುಂದೆ ಓದಿ.

1.ಸ್ಕಿನ್ನಿ ಜೀನ್ಸ್ : ಈ ರೀತಿಯ ಜೀನ್ಸ್ ನಲ್ಲಿ ಸ್ವಲ್ಪ ದಪ್ಪಗಿನ ಮಹಿಳೆಯರು ಆಕರ್ಷಕವಾಗಿ ಕಾಣಿಸುತ್ತಾರೆ. ಒಳ್ಳೆಯ ಸ್ಟ್ರೆಚ್ ಇರುವುದರಿಂದ ಇದು ಧರಿಸಿದರೆ ಆರಾಮದಾಯಕ ಅನಿಸುವುದು.

2. ಸ್ಟಿಚ್ಚ್ಡ್ ಪಾಕೆಟ್ ಸ್ಟ್ರೈಟ್ ಲೆಗ್ ಜೀನ್ಸ್: ಈ ರೀತಿಯ ಜೀನ್ಸ್ ಮುಂಭಾಗದಲ್ಲಿ ಪಾಕೆಟ್ ಇರುತ್ತದೆ. ಇದು ಸ್ಟ್ರೈಟ್ ಕಟ್ ಜೀನ್ಸ್ ಆಗಿರುವುದರಿಂದ ಸ್ವಲ್ಪ ದಪ್ಪವಿರುವವರ ದೇಹದ ಆಕಾರಕ್ಕೆ ಸರಿಯಾಗಿ ಹೊಂದಿಕೊಳ್ಳುತ್ತದೆ. ಈ ರೀತಿಯ ಪ್ಯಾಂಟಿನಲ್ಲಿ ಕಪ್ಪು ಮತ್ತು ನೀಲಿ ಬಣ್ಣದ ಪ್ಯಾಂಟ್ ಆಕರ್ಷಕವಾಗಿ ಕಾಣುವುದು.

3. ಉದ್ದದ ಸ್ಟ್ರೈಟ್ ಲೆಗ್ ಜೀನ್ಸ್: ಸ್ವಲ್ಪ ದಪ್ಪದ ಮಹಿಳೆಯರು ಈ ರೀತಿಯ ಪ್ಯಾಂಟ್ ಆಯ್ಕೆ ಮಾಡಿಕೊಂಡರೆ ಆಕರ್ಷಕವಾಗಿ ಕಾಣುವುದು. ಈ ರೀತಿಯ ಪ್ಯಾಂಟ್ ಧರಿಸಿದಾಗ ಹೀಲ್ಡ್ ಚಪ್ಪಲಿ ಹಾಕಿ ಪ್ಯಾಂಟ್ ಕೆಳಭಾಗವನ್ನು ಮಡಚದೆ ಬಿಡಬಹುದು, ಇಲ್ಲದೆ ಫ್ಲಾಟ್ ಚಪ್ಪಲಿ ಧರಿಸಿ ಪ್ಯಾಂಟ್ ಕೆಳಭಾಗ ಮಡಚಿದರೆ ಒಳ್ಳೆಯದು.

4. ಟ್ರೌಸರ್ ಜೀನ್ಸ್: ದೊಡ್ಡ ಶಾಪ್ ಗಳಲ್ಲಿ ಈ ರೀತಿಯ ಪ್ಯಾಂಟ್ ದೊರೆಯುತ್ತದೆ. ಇದನ್ನು ಧರಿಸಿದರೆ ತುಂಬಾ ಆರಾಮದಾಯಕವಾಗಿರುತ್ತದೆ. ಸೈಡ್ ನಲ್ಲಿ ಪಾಕೆಟ್ ಇರುವ ಈ ಪ್ಯಾಂಟಿಗೆ ಶರ್ಟ್ ಹಾಕಿದರೆ ಸೆಮಿ ಫಾರ್ಮಲ್ ಲುಕ್ ಸಿಗುತ್ತದೆ. ಆದ್ದರಿಂದ ಇದನ್ನು ಆಫೀಸಿಗೆ ಕೂಡ ಧರಿಸಬಹುದು.

5. ಟಮ್ಮಿ ಕಂಟ್ರೋಲ್ ಜೀನ್ಸ್: ಇದು ಸ್ಟ್ರೈಟ್ ಫಿಟ್ ಜೀನ್ಸ್ ಆಗಿದ್ದು ಈ ಪ್ಯಾಂಟ್ ಧರಿಸಿದರೆ ಸ್ವಲ್ಪ ತೆಳ್ಳಗೆ ಕಾಣಿಸುವಂತೆ ಇದನ್ನು ವಿನ್ಯಾಸಗೊಳಿಸಲಾಗಿದೆ.