ಸಾಷ್ಟಾಂಗ ನಮಸ್ಕಾರ ಮಾಡಿ ದೇವರ ದಯೆ ಪಡೆಯಿರಿ

ಸಾಷ್ಟಾಂಗ ನಮಸ್ಕಾರ ಮಹತ್ವ

ದೇವರ ಮುಂದೆ ನಮ್ಮ ಅಹಂಕಾರವನ್ನು ತ್ಯಜಿಸುವುದು ಇದರರ್ಥ ಕೂಡ. ತಲೆಯನ್ನು ಬೇರೆಯವರು ತಗ್ಗಿಸುವಂತೆ ಮಾಡಿದರೆ ಅದು ಅಗೌರವ. ಆದರೆ ನಾವಾಗಿಯೇ ತಲೆಯನ್ನು ತಗ್ಗಿಸಿದರೆ ಅದು ಗೌರವ ಎನ್ನುವುದು ನಮಸ್ಕಾರದ ಅರ್ಥವಾಗಿದೆ. ಸನ್ಯಾಸಿಗಳು, ಗುರುಗಳು ಹಾಗೂ ಹಿರಿಯರ ಮುಂದೆ ಇಂತಹ ನಮಸ್ಕಾರ ಮಾಡಿದಾಗ ನಿಮ್ಮ ಪ್ರಾರ್ಥನೆಯು ಅವರ ಮೂಲಕ ದೇವರಿಗೆ ತಲುಪಲಿದೆ ಎನ್ನುವ ನಂಬಿಕೆಯಿದೆ. ನಮಸ್ಕಾರವನ್ನು ಸ್ವೀಕರಿಸುವಾತ ಇದು ತನಗೆ ಮಾಡಿದಂತಹ ನಮಸ್ಕಾರವಲ್ಲ, ಇದನ್ನು ದೇವರಿಗೆ ಮುಟ್ಟಿಸಿ ನಮಸ್ಕಾರ ಮಾಡಿದಾತನಿಗೆ ಅದರ ಶ್ರೇಯಸ್ಸನ್ನು ತಲುಪಿಸಬೇಕಾಗಿದೆ ಎಂದು ಭಾವಿಸಬೇಕು.

ಸಾಷ್ಟಾಂಗ ನಮಸ್ಕಾರ ಮಾಡುವುದು ಹೇಗೆ?

ನೆಲಕ್ಕೆ ಹೊಟ್ಟೆ ತಾಗುವಂತೆ ಮಲಗಿಕೊಂಡು ಎಲ್ಲಾ ಎಂಟು ಅಂಗಾಂಗಗಳು ನೆಲಕ್ಕೆ ಮುಟ್ಟುತ್ತಿರಬೇಕು. ಎದೆ, ತಲೆ, ಕೈ, ಕಾಲುಗಳು, ಮೊಣಕಾಲು, ದೇಹ ಮತ್ತು ಮಾತು ಇವುಗಳು ನೆಲವನ್ನು ಮುಟ್ಟುತ್ತಿರಬೇಕು. ಇಂತಹ ನಮಸ್ಕಾರವನ್ನು ಹೆಚ್ಚಾಗಿ ಪುರುಷರು ಮಾಡುತ್ತಾರೆ.

ಮಹಿಳೆಯರು ಸಾಷ್ಟಾಂಗ ನಮಸ್ಕಾರ ಮಾಡುತ್ತಾರೆಯಾ?

ಕೆಲವೊಂದು ಪುರಾಣಗಳ ಪ್ರಕಾರ ಮಹಿಳೆಯರು ಸಾಷ್ಟಾಂಗ ನಮಸ್ಕಾರ ಮಾಡುವಾಗ ಅವರ ಗರ್ಭ ಮತ್ತು ಸ್ತನ ನೆಲಕ್ಕೆ ತಾಗುವುದಿಲ್ಲವೆನ್ನಲಾಗಿದೆ.

ಮಹಿಳೆಯರಿಗೆ ಸಾಷ್ಟಾಂಗ ನಮಸ್ಕಾರ ಮಾಡಲು ಯಾಕೆ ಬಿಡುವುದಿಲ್ಲ?

ಮಹಿಳೆಯರು ಸಾಷ್ಟಾಂಗ ನಮಸ್ಕಾರವನ್ನು ಮಾಡುವಂತಿಲ್ಲ. ಆದರೆ ಪಂಚಾಂಗ ನಮಸ್ಕಾರವನ್ನು ಮಾಡಬಹುದು. ಮಹಿಳೆಯರ ಮೊಣಕಾಲುಗಳು ಜತೆಯಾಗಿ ನೆಲಕ್ಕೆ ತಾಗುವುದು ಮತ್ತು ಪಾದಗಳು ಕೂಡ ನೆಲಕ್ಕೆ ತಾಗಿ ಮಾಡುವಂತಹ ನಮಸ್ಕಾರವನ್ನು ಪಂಚಾಂಗ ನಮಸ್ಕಾರವೆನ್ನುತ್ತಾರೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಮಹಿಳೆಯರಿಗೆ ಸಾಷ್ಟಾಂಗ ನಮಸ್ಕಾರ ಮಾಡಲು ಯಾಕೆ ಬಿಡುವುದಿಲ್ಲ?

ಸಾಷ್ಟಾಂಗ ನಮಸ್ಕಾರ ಮಾಡುವಾಗ ಮಹಿಳೆಯರ ಗರ್ಭ ಮತ್ತು ಸ್ತನ ನೆಲಕ್ಕೆ ತಾಗುವುದಿಲ್ಲವೆಂದು ಪುರಾಣಗಳು ಹೇಳುತ್ತದೆ. ಸ್ತನಗಳು ಮಹಿಳೆಯ ದೇಹದ ಅಂಗವಾಗಿದ್ದು, ಇದು ಮಗುವಿಗೆ ಹಾಲನ್ನು ನೀಡುವುದು ಮತ್ತು ಗರ್ಭವು ಶಿಶುವಿಗೆ ಜನ್ಮವನ್ನು ನೀಡುತ್ತದೆ. ಇದರಿಂದ ಇದೆರಡು ನೆಲಕ್ಕೆ ಮುಟ್ಟಬಾರದು ಎಂದು ನಂಬಲಾಗಿದೆ.